«بەلگىلەنگەن شارالار قازاقستانداعى NEET جاستاردىڭ ۇلەسىن ازايتۋدا ماڭىزدى قۇرال بولۋى ءتيىس. وزدەرىڭىز بىلەتىندەي, NEەT – بۇل جۇمىسپەن قامتىلماعان جانە ءبىلىم بەرۋ پروتسەسىنە تارتىلماعان جاستاردى بەلگىلەۋ ءۇشىن قولدانىلاتىن حالىقارالىق تەرمين. حالىقارالىق ەڭبەك ۇيىمىنىڭ مالىمەتتەرى بويىنشا, الەمدەگى ءاربىر بەسىنشى جاس وسى ساناتتا», دەدى مينيستر.
ونىڭ دەرەگىنشە, 2018 جىلى ەكونوميكالىق ىنتىماقتاستىق جانە دامۋ ۇيىمى ەلدەرىندە بۇل كورسەتكىش جاسوسپىرىمدەر اراسىندا 10,5, قىزدار اراسىندا 15,6 پايىزدى قۇرادى. NEET-ءتىڭ ەۋروپا وداعى ەلدەرىندەگى 2018 جىلعى ورتاشا كورسەتكىشى – 16,5 پايىز.
«قازاقستاندا ول 7,2 پايىزدى قۇرايدى. بۇل 2018 جىلعى كورسەتكىشتەن 0,5 پايىزعا تومەن. جىل سوڭىنا دەيىن NEET ۇلەسىن 1 پايىزعا تومەندەتۋ جوسپارلانۋدا. ءبىزدىڭ تۇپكى ماقساتىمىز – بۇل كورسەتكىشتى 2021 جىلى 6 پايىزعا دەيىن تومەندەتۋ. ارينە, 254 مىڭ – بۇل ايتارلىقتاي كوپ سان. بىراق بۇل جەردە كەيبىر دەرەكتەردى ناقتىلاۋ كەرەك. مىسالى, ولاردىڭ 52 مىڭى – ءۇي شارۋاشىلىعى, وتباسى مۇشەلەرىنە كۇتىم جاساۋ سەبەبىنەن جۇمىس ىستەمەيتىن جاستار, سونىمەن بىرگە ولاردىڭ ىشىندە جاس انالار دا بار. 33 مىڭ ادام-دەنساۋلىق جاعدايى بويىنشا جۇمىس ىستەمەيتىن ادامدار. ولاردىڭ كوپشىلىگى مۇگەدەكتىگى بويىنشا جاردەماقى الادى», دەدى د.اباەۆ.
