رۋحانيات • 04 قاراشا، 2019

ورتاق پارىز بەن ابىرويلى مىندەت

57 رەتكورسەتىلدى

مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاق­ستان حالقىنا جولداۋى الەمدىك قوعامداستىقتىڭ ءبىر بولشەگىنە اينالعان ەگەمەن ەلىمىزدى جاڭا جەتىستىكتەرگە جەتەلەيدى.

جاڭا تاريحي كەزەڭگە جول اشاتىن بۇل تاريحي قۇجاتتىڭ تاۋەلسىزدىگىمىزدىڭ ءتول تاريحىنداعى ماڭىزى بولەك. پرەزيدەنت ەلىمىزدەگى قوعامدىق كەلىسىمدى نىعايتۋدىڭ «نەگىزگى كىلتى» بولىپ تابىلاتىن ءتىل ماسەلەسىنە دە ەرەكشە توقتالدى. بۇل جونىندە ول: «ەلىمىزدەگى ەتنوستىق توپتاردىڭ ءتىلى مەن مادەنيەتىن دامىتۋعا جاعداي جاساي بەرەمىز. قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى دەپ ەسەپتەيمىن. بىراق مۇنداي دارەجەگە جەتۋ ءۇشىن ءبارىمىز داڭعازا جاساماي، جۇمىلا جۇمىس جۇرگىزۋىمىز كەرەك»، دەپ اتاپ كورسەتتى. مەملەكەت باسشىسى ق.توقاەۆتىڭ جولداۋىندا ءتۇرلى ماسەلەلەر، سونىڭ ىشىندە مەملەكەتتىك قىزمەت، ازاماتتىق قوعام، ەتنوسارالىق تاتۋلىق سياقتى بىرقاتار تاقىرىپتار قوزعالدى. ەلىمىزدەگى 130-دان استام ۇلت وكىلدەرىنىڭ ءبىر ءۇيدىڭ بالاسىنداي تاتۋ-ءتاتتى اۋىزبىرشىلىكپەن تۇراقتى ءومىر ءسۇرۋى، وعان مەملەكەتىمىزدىڭ ءوز دىندەرىن، تىلدەرىن، مادەنيەتىن ساقتاۋعا تولىق جاعداي جاساۋى ناقتى دالەل. ەل ىشىندەگى ۇلتتار مەن ۇلىستار اراسىنداعى تاتۋلىق، ءارتۇرلى ءدىن وكىلدەرىنىڭ ءوز دىندەرىن، سالت-ءداستۇرىن ۇستانا وتىرىپ، ءبىر-بىرىمەن تۇسىنىسە ءومىر ءسۇرۋى ەل ەكونوميكاسىنىڭ، حالىقتىڭ الەۋمەتتىك جاعدايىنىڭ قارىشتاپ دامۋىنا مول سەپتىگىن تيگىزۋدە. ءبىز ءوزىمىز ەلىمىزدە قالىپتاسقان ەتنوسارالىق جانە كونفەسسياارالىق كەلىسىمدى ساقتاۋعا ءتيىسپىز.

ونى پرەزيدەنت جولداۋىندا ءبىز ءۇشىن ەشكىم ەشقاشان سىرتتان كەلىپ جاسامايتىنىن تاعى دا ناقتى اتاپ كورسەتتى. تۇراقتىلىق پەن كەلىسىم دەگەنىمىز نە؟ بۇل وتباسى­لىق ءال-اۋقات، قاۋىپسىزدىك، باسپانا. بەيبىتشىلىك – اكە مەن انا قۋانىشى، اتا-انالار دەنساۋلىعى جانە ءبىزدىڭ بالا­لارىمىزدىڭ باقىتى. بەيبىتشىلىك پەن تۇراقتىلىق – كۇن سايىنعى ەڭبەكپەن قورعاپ، نىعايتۋدى قاجەت ەتەتىن جالپىحالىقتىق جەتىستىك.

سونىمەن قاتار پرەزيدەنت «مەملەكەتتىك قىزمەتشى­لەردىڭ ساپاسىن ارتتىرۋ ءۇشىن ولاردىڭ قاتارىنا جاس دايارلانعان مامانداردى تارتۋ قاجەت» دەپ جاستاردى قولدايتىنىن دا ءبىلدىردى.

 سونداي-اق كەلەر جىلى اتالىپ وتەتىن ماڭىزدى مەرەيتويلار مەن ەلەۋلى وقيعالارعا دايىندىق جۇمىستارى باستالعانىن ايتا كەلە، ءال-فارابي بابامىزدىڭ 1150 جىلدىق، اباي قۇنانباي ۇلى اتامىزدىڭ 175 جىلدىق مەرەيتويلارىن اتاپ وتىلەتىنى ەرەكشە قۋانتتى.

مەملەكەت باسشىسى مۇعالىمدەردىڭ ماسەلەسىن دە نازاردان تىس قالدىرماي، «پەداگوگتاردىڭ مارتەبەسى تۋرالى» جاڭا زاڭ قابىلداۋدى تاپسىرعانىن بارلىق ۇستازدار قاۋىمى زور ىقىلاسپەن قابىلدادى. سونىمەن بىرگە اسكەري قىزمەتتىڭ بەدەلىن ارتتىرىپ، قارۋلى كۇشتەردىڭ ماتەريالدىق بازاسىن نىعايتۋ قاجەتتىلىگىن باسا ايتتى. وتانىنا ادال، كاسىبي تۇرعىدان دايىندالعان وفيتسەرلەر مەن اسكەري قىزمەتشىلەر جاڭا گەوساياسي جاعدايلاردا ەل قاۋىپسىزدىگىنە قاۋىپ توندىرەتىن قاتەرلەرگە تويتارىس بەرۋگە دايىن بولۋى قاجەت. ەڭ باس­تىسى، «قازاقستان-2050» ستراتەگياسى نۇرلى بولاشاقتىڭ باعدارىن ايقىنداپ بەرگەنى اقيقات. راس، ماڭگىلىك ەل بولۋ – ءوز قولىمىزدا. تەك بىرلىك، ىنتىماق، وتانعا دەگەن پاتريو­تيزم ءبىزدى بيىك شىڭدارعا تالماي جەتكىزەدى. مەملەكەت باسشىسىنىڭ جولداۋىندا اتالعان مىندەتتەردىڭ جۇزەگە اسىرىلۋىنا بارلىق قازاقستاندىقتارمەن بىرگە ۇلتتىق ۇلان اسكەرلەرىنىڭ جەكە قۇرامى دا ءوز ۇلەستەرىن قوسادى دەپ سەنەمىن.

 جالپى، وسى جولداۋ ارقىلى ەكونوميكامىزدىڭ ءوسىپ-وركەندەپ الەۋمەتتىك جاعدايىمىزدىڭ تۇرمىستىق ءال-اۋقاتىمىزدىڭ ارتاتىنىنا سەنىمىم مول.

 

باقىت الازوۆ،

قازاقستان رەسپۋبليكاسى ۇلتتىق ۇلاننىڭ «باتىس» وڭىرلىك قولباسشىلىعى قولباسشىسىنىڭ تاربيە جانە الەۋمەتتىق-قۇقىقتىق جۇمىستار جونىندەگى ورىنباسارى، پودپولكوۆنيك

 

ورال

 

سوڭعى جاڭالىقتار

تاۋەلسىزدىك – تۇعىرىم

ايماقتار • بۇگىن، 17:01

جاس وتباسىلار باسپانالى بولدى

ايماقتار • بۇگىن، 16:16

كۇلكى كەرۋەنى № 25

رۋحانيات • بۇگىن، 12:49

بقو-دا جاستار سىيلىعى تابىستالدى

ايماقتار • بۇگىن، 10:01

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ۇقساس جاڭالىقتار