شاعىن قۇرامداعى كەزدەسۋ بارىسىندا ا. مامين شىۇ بانكىن جانە شىۇ دامىتۋ قورىن قۇرۋ بويىنشا جۇمىستاردى جانداندىرۋدى, ۇيىمعا مۇشە مەملەكەتتەردىڭ ءوزارا ەسەپتەسۋلەرىندە ۇلتتىق ۆاليۋتا ۇلەسىن ارتتىرۋ جونىندەگى «جول كارتاسىن» بىرلەسىپ ازىرلەۋدى, شىۇ-عا مۇشە مەملەكەتتەردىڭ قارجى مينيسترلەرى مەن ورتالىق بانكتەرىنىڭ باسشىلارىنىڭ كەزدەسۋلەرىن قايتا جاڭعىرتۋدى ۇسىندى.
قازاقستان ۇكىمەتىنىڭ باسشىسى تاراپتاردىڭ كولىك-لوگيستيكالىق باعىتتاعى ناتيجەلى جۇمىستارىن اتاپ ءوتتى. ا. مامين باقىلاۋشى مەملەكەتتەردىڭ شىۇ-عا مۇشە مەملەكەتتەردىڭ تەمىرجول سالاسىنداعى ءوزارا ءىس-قيمىلى تەتىكتەرىنە قاتىسۋىن كەڭەيتۋدى, جۇكتەردى اۆتوموبيلمەن تاسىمالداۋ ءۇشىن رۇقسات بلانكتەرىن بەرۋدىڭ اۆتوماتتاندىرىلعان جۇيەسىن ەنگىزۋدى جەدەلدەتۋدى جانە شىۇ-عا مۇشە مەملەكەتتەردىڭ بىرلەسكەن اۆتوموبيل جولدارىن دامىتۋ باعدارلاماسىن بەكىتۋدى ۇسىندى.
قر پرەمەر-ءمينيسترى شىۇ-عا مۇشە مەملەكەتتەردىڭ كوپجاقتى ساۋدا-ەكونوميكالىق ىنتىماقتاستىعى باعدارلاماسىن ءىس جۇزىنە اسىرۋ جۇمىستارىنا كاسىپكەرلەردىڭ ۇلتتىق پالاتالارىن تارتۋ قاجەتتىگى تۋرالى مالىمدەدى, سونداي-اق شىۇ حاتشىلىعىنىڭ حالىقارالىق قارجى مەكەمەلەرىمەن بايلانىستارىندا ىلگەرىلەتۋ ءۇشىن شىۇ ينۆەستيتسيالىق جوبالارىنىڭ بىرىڭعاي ءتىزىمىن ازىرلەۋدىڭ ماڭىزدىلىعىن ايتتى.
كەڭەيتىلگەن قۇرامداعى وتىرىستا قازاقستان ۇكىمەتىنىڭ باسشىسى شىۇ, ەاەو, اسەان جانە ەو اراسىنداعى كوپجاقتى ديالوگ فورماتىندا ساۋدا-ەكونوميكالىق ىنتىماقتاستىقتى دامىتۋ قاجەتتىگىن باسا ايتتى.
«قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ەۋروپا مەن ازياداعى ءىرى ايماقتىق بىرلەستىكتەرمەن جانە جوبالارمەن سەرىكتەستىك قارىم-قاتىناستار ورناتۋ بويىنشا ء«ۇش ديالوگ» تۋرالى باستاماسى ەرەكشە نازار اۋدارۋعا تۇرارلىق», - دەدى ا. مامين.
قازاقستان ۇكىمەتىنىڭ باسشىسى شىۇ-عا قاتىسۋشى مەملەكەتتەردى احقو الاڭىن جاڭا قارجى ونىمدەرى مەن تەحنولوگيالارىن تەستىلەۋ ءۇشىن پايدالانۋعا شاقىردى.
«بۇگىندە قىتاي, رەسەي جانە وزبەكستان قارجى تەحنولوگيالارى كومپانيالارى وسىنداي مۇمكىندىكتى پايدالانىپ ۇلگەردى», - دەپ اتاپ ءوتتى قر پرەمەر-ءمينيسترى.
ا. مامين تسيفرلىق ەكونوميكانى دامىتۋ جونىندەگى كەڭەستى قۇرۋ باستاماسىن كوتەردى.
«بۇل كەڭەس 5G, «اقىلدى قالالار», اۋقىمدى دەرەكتەر, بلوكچەين, تسيفرلىق اكتيۆتەر ءتارىزدى جاڭا تەحنولوگيالىق ەلەمەنتتەردى ءبىزدىڭ ەلدەرىمىزدە ەنگىزۋ بويىنشا ءوزارا ءتيىمدى سەرىكتەستىكتى دامىتۋ, سونداي-اق داتا-ورتالىقتاردى سالۋ جانە ورنالاستىرۋ, دەرەكتەر ءترانزيتىن دامىتۋ, تسيفرلىق قىزمەتتەردىڭ جاھاندىق نارىعىنا قاتىسۋ الاڭىنا اينالار ەدى», - دەدى قر پرەمەر-ءمينيسترى.
ۇكىمەت باسشىسى شىۇ ەلدەرىن قازاقستاندا قۇرىلعان «جاسىل» تەحنولوگيالاردى دامىتۋ جانە ينۆەستيتسيالىق جوبالاردىڭ حالىقارالىق ورتالىعىن تۇراقتى دامۋ ستراتەگياسىن دامىتۋ جانە وزىق تاجىريبەلەردى الماسۋ ءۇشىن پايدالانۋعا شاقىردى.
«قازاقستان پرەزيدەنتى قاسىم-جومارت توقاەۆ «شانحاي ىنتىماقتاستىق ۇيىمىنىڭ ءرولى مەن الەۋەتى ءالى تۇگەسىلگەن جوق. بۇل ۇيىمنىڭ بولاشاعى زور» دەپ سانايدى», - دەدى ا.مامين.
شىۇ ۇبك شاعىن جانە كەڭەيتىلگەن قۇرامداعى وتىرىستارىنىڭ قورىتىندىلارى بويىنشا 14 قۇجات قابىلداندى, ونىڭ ىشىندە بىرلەسكەن كومميۋنيكە, كوپجاقتى ساۋدا-ەكونوميكالىق ىنتىماستاستىق باعدارلاماسىنىڭ جاڭا رەداكتسياسى, شىۇ-عا مۇشە مەملەكەتتەردىڭ تەمىرجول كولىگى سالاسىنداعى تەمىرجولدا اكىمشىلەندىرۋدەگى ءوزارا ءىس-قيمىل تۇجىرىمداماسى, شىۇ ەكونوميكالىق ساراپتاۋ ورتالىقتارى كونسورتسيۋمىنىڭ رەگلامەنتى, شىۇ قالالارىنىڭ ەكولوگيالىق قولايلىلىعىن دامىتۋ باعدارلاماسى جانە ت.ب. بار.
