ە.اشىقباەۆ ءىس-شارادا سويلەگەن سوزىندە قازاقستان تۇڭعىش پرەزيدەنتى – ەلباسى نۇرسۇلتان نازارباەۆتىڭ باسشىلىعىمەن قازاقستان سەمەي يادرولىق پوليگونىن جاپقانىن جانە الەمدەگى ءتورتىنشى يادرولىق ارسەنالدان ءوز ەركىمەن باس تارتقانىن اتاپ ءوتتى. ول يادرولىق قارۋدان ازات الەمگە قول جەتكىزۋ قازاقستاننىڭ باستى باسىمدىعى بولىپ قالا بەرەتىنىنە نازار اۋدارىپ, قوزعالىسقا مۇشە مەملەكەتتەردى قاۋىپسىز بولاشاقتى قامتاماسىز ەتۋ ءۇشىن وسى باعىتتا كۇش بىرىكتىرۋگە شاقىردى.
سونداي-اق قازاقستاندىق دەلەگاتسيانىڭ باسشىسى قازاقستان ورتالىق ازيانىڭ ءتورت ەلىمەن بىرگە بىرەگەي يادرولىق قارۋدان ازات ايماقتى قۇرىپ, ماگاتە-ءنىڭ تومەن بايىتىلعان ۋران بانكىن ورنالاستىرا وتىرىپ, حالىقارالىق يادرولىق سىناقتارعا قارسى ءىس-قيمىل كۇنىنە ارنالعان بۇۇ باس اسسامبلەياسىنىڭ قارارىن قابىلداپ, سونداي-اق يادرولىق قارۋعا تىيىم سالۋ تۋرالى شارتتى راتيفيكاتسيالاپ, يادرولىق قارۋسىزدانۋ ىسىنە ءوزىنىڭ پراكتيكالىق جانە ەلەۋلى ۇلەسىن قوسقانىن اتاپ ءوتتى.
تەرروريزممەن قارسى كۇرەس ماسەلەسىنە توقتالا كەلە, ە.اشىقباەۆ جاھاندىق تەرروريزمگە قارسى كواليتسيا قۇرۋدىڭ ءبىر ءادىسى بولىپ تابىلاتىن تەرروريزمنەن ازات الەمگە قول جەتكىزۋ مىنەز-ق ۇلىق كودەكسىن قابىلداۋ تۋرالى قازاقستاننىڭ باستاماسىن اتاپ ءوتىپ, قوزعالىسقا مۇشە ەلدەردىڭ بۇل قۇجاتقا قوسىلاتىنىنا سەنىم ءبىلدىردى.
سونىمەن قاتار ە.اشىقباەۆ اوسشك-ءتى كەزەڭ-كەزەڭىمەن تولىققاندى ايماقتىق ۇيىمعا اينالۋ قاجەتتىلىگىنە ءىس-شارا قاتىسۋشىلارىنىڭ نازارىن اۋدارىپ, قازاقستان 2020 جىلى اوسشك-تە توراعالىق ەتۋ اياسىندا باسقا حالىقارالىق ۇيىمدارمەن جانە كوپجاقتى ينستيتۋتتارمەن, سونىڭ ىشىندە قوسىلماۋ قوزعالىسىمەن قاتىناستاردى تەرەڭدەتۋگە كۇش-جىگەرىن باعىتتايتىنىن ايتتى.
ءسوز سوڭىندا ءمينيستردىڭ ورىنباسارى قاتىسۋشىلاردى 2019 جىلعى مامىردا الماتى قالاسىندا بۇكىل ايماقتىڭ بەيبىتشىلىگى مەن تۇراقتىلىعىن نىعايتۋىنا جانە تۇراقتى دامۋىنا ىقپال ەتەتىن بۇۇ-نىڭ تۇراقتى دامۋ ماسەلەلەرى جونىندەگى ورتالىعى اشىلعانى تۋرالى اقپاراتتاندىردى.
ءىس-شارا اياسىندا قازاقستان دەلەگاتسياسىنىڭ باسشىسى كەنيا رەسپۋبليكاسى جانە ۆەتنام سوتسياليستىك رەسپۋبليكاسى دەلەگاتسيالارىنىڭ باسشىلارى ا.نامۆامبا مەن نگۋەن كۋوك دۋنگپەن ەكىجاقتى كەزدەسۋلەرىن وتكىزىپ, ولاردىڭ بارىسىندا بارلىق سالالارىنداعى ەكىجاقتى ىنتىماقتاستىقتىڭ اعىمداعى جاعدايى مەن دامۋ كەلەشەگى تالقىلاندى. تاراپتار تۇراقتى بايلانىستاردى جالعاستىرۋعا جانە ءوزارا قىزىعۋشىلىق تۋدىراتىن ماسەلەلەرى بويىنشا قولداۋ كورسەتۋگە ۋاعدالاستى.
