رۋحانيات • 22 قازان، 2019

تۇركىستاندا «سىيعا بەرىلگەن جادىگەرلەر» اتتى كورمە اشىلدى

76 رەتكورسەتىلدى

تۇركىستانداعى «ازىرەت سۇلتان» مەملەكەتتىك تاريحي-مادەني قورىق-مۋزەيىندە «سىيعا بەرىلگەن جادىگەرلەر» اتتى  كورمە اشىلدى. كورمەگە  «مۋزەيگە سىي»  اكتسياسى  اياسىندا جيناقتالعان، ەكسپوزيتسياعا شىعارىلا بەرمەيتىن 75 جادىگەر قويىلعان.

ولاردىڭ قاتارىندا قاراكەرەي قابانباي باتىردىڭ قانجارى، جەرگىلىكتى حالىقتان جينالعان جانە جىل سايىن مۋزەيگە سىي رەتىندە تاپسىرىلىپ جاتقان قۇندى دۇنيەلەر بار. مۋزەي اشىلعان 1978 جىلى 300-گە جۋىق ەكسپونات قانا بولعان ەكەن. كوپتەگەن جادىگەرلەر سول كەزدەگى مادەنيەت ءمينيسترىنىڭ ورىنباسارى ءو.جانىبەكوۆتىڭ باستاماسىمەن جەرگىلىكتى حالىق اراسىنان جينالعان. تاريحي دەرەكتەرگە كوز جۇگىرتەر بولساق، مۋزەيگە سىي تارتۋ ايگىلى قولباسشى ءامىر تەمىر زامانىنان باستاۋ الادى. قولباسشىنىڭ بۇيرىعىمەن قۇيىلىپ، كەسەنەگە سىيعا بەرىلگەن، حالىق ونەرىنىڭ لاعىل مارجاندارىنىڭ قاتارىنا جاتاتىن، التىن-كۇمىس جالاتىلعان 6 دانا شىراعدان مەن تايقازان، لاۋحا سىندى جادىگەرلەر سونىڭ ءبىر دالەلى.

ايتا كەتەلىك، مۋزەيگە سىي جاساۋشى تۇلعالار اراسىندا ەلباسى ن.نازارباەۆ، تۇركيانىڭ 2007-2014 جىلدار ارالىعىنداعى پرەزيدەنتى ابدۋللا گۇل، وزبەكستان رەسپۋبليكاسىنىڭ تۇڭعىش پرەزيدەنتى ي. كاريموۆ، تۇركيا وكىلەتتى كەڭەسىنىڭ توراعاسى نامىك كەمال زەيبەك بار.

كورمەنىڭ اشىلۋىنا «قوجا احمەت ياساۋي مۇراسى جانە تۇركىستان» حالىقارالىق عىلىمي - پراكتيكالىق كونفەرەنتسياسىنا كەلگەن قوعام قايراتكەرلەرى مەن وتاندىق​ جانە شەتەلدىك بەلگىلى عالىمدار، مۋزەي سالاسىنىڭ ماماندارى قاتىستى. «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆ مۋزەي قورىن تولىقتىرۋ باعىتىندا اتقارىلىپ جاتقان جۇمىستار مەن كورمەنىڭ ماقساتىنا توقتالىپ، ارنايى كەلگەن قوناقتارعا العىسىن ءبىلدىردى.

 

1

تۇركىستان وبلىسى

سوڭعى جاڭالىقتار

سىرداعى دوستىق مەرەكەسى

ايماقتار • كەشە

كۇلكى كەرۋەنى № 19

رۋحانيات • كەشە

جاس بۋىن جاڭعىرۋ جولىندا

رۋحانيات • كەشە

ۇقساس جاڭالىقتار