ايماقتار • 22 قازان، 2019

اقتوبەدە ءىرى كاسىپكەرلەر اتاۋلى الەۋمەتتىك كومەك العان

39 رەتكورسەتىلدى

بۇگىنگى كۇنى ەل ايماقتارىندا اتاۋلى الەۋمەتتىك كومەك بەرۋگە قاتىستى تۇيتكىلدەر مەن بىرقاتار جاعدايلاردا ونى زاڭسىز تولەۋ كورىنىستەرى تىيىلماي كەلەدى. مەملەكەت تاراپىنان تولەنەتىن مۇنداي قارجىلىق قولداۋ ءتۇرى كىمدەرگە تيەسىلى ەكەنى ارنايى رەسپۋبليكالىق كوميسسيانىڭ شەشىمىمەن بەكىتىلگەن. سوعاي ساي اتاۋلى الەۋمەتتىك كومەك نەگىزىگى ءۇش باعىت بويىنشا بەرىلمەك.

ياعني ونى الۋعا قۇقىلى الەۋمەتتىك توپتاردىڭ تىزبەگىن ەڭ الدىمەن كوپبالالى، تابىسى از، تۇرمىسى تومەن وتباسىلار قۇرايدى. سونىمەن بىرگە ولارعا كەپىلدەندىرىلگەن الەۋمەتتىك پاكەت جوباسى اياسىندا وزگە دە ماتەريالدىق كومەكتەر بەرۋ، وسى ارقىلى كوپبالالى وتباسىندا تاربيەلەنىپ جۇرگەن بالالاردى كيىم-كەشەكپەن جانە ازىق-ت ۇلىكپەن قامتۋ جولدارى قاراستىرىلعان. مۇنداعى باستى ماقسات – كومەككە شىنايى مۇقتاج ادامدارعا مەملەكەت تاراپىنان قولداۋ كورسەتۋ بولماق.

ايتسە دە اقتوبە وبلىسىندا تابىسىن جاسىرىپ، قۇجاتتارىن وزگەرتىپ، قايتا جاساپ، تەگىن اتاۋلى الەۋمەتتىك كومەككە قارىق بولىپ جۇرگەندەر قاتارى از بولماي تۇر. اتاپ ايتقاندا بۇگىنگى كۇنى ءدال وسىنداي 3488 وتباسى بار ەكەندىگى بەلگىلى بولىپ وتىر. ايتەۋىر بەلگىلەنگەن نورمالارعا سايكەس كەلمەگەندىكتەن سوڭعى ۋاقىتتا 1199 وتباسىعا اتاۋلى الەۋمەتتىك كومەك بەرۋ توقتاتىلىپتى. سونىمەن بىرگە 1804 وتباسىنىڭ كىرىسىن قايتا ەسەپتەۋ جۇمىستارى جۇرگىزىلگەن. ونىڭ ناتيجەسىندە 144 وتباسىنان 13 ملن تەڭگە كولەمىندەگى قارجى كەرى قايتارىلعان.

ءوڭىر اۋماعىندا تابىسىن جاسىرىپ، الەۋمەتتىك كومەك العانداردىڭ قاتارىندا ءىرى كاسىپكەرلەر دە بار بولىپ شىقتى. اقتوبە وبلىسى اكىمىنىڭ ورىنباسارى مارات توعجانوۆتىڭ قاتىسۋىمەن وتكەن بريفينگتە وسىنداي دەرەك قۇلاقتارىنا شالىنعان كەزدە وعان قاتىسۋشىلاردىڭ تالايى جاعالارىن ۇستادى. وتكەن جىلدىڭ احۋالىن اڭداساق، مۇنداي توقشارلىق دەرتكە تاپ بولعاندىردىڭ ىشىندە تازا كىرىسى مەن پايداسى 10 ملن-نان اساتىن 143 كاسىپكەر اتاۋلى الەۋمەتتىك كومەك الىپ كەلگەنىنە كوز جەتكىزەمىز. «قۋىرداقتىڭ كوكەسىن تۇيە سويعاندا كورەسىڭ» دەگەن حالىق ناقىلى وسىندايدا ايتىلسا كەرەك. ورەسكەل زاڭسىزدىققا جول بەرىلگەنىن بىلاي قويعاندا مۇنىڭ ءوزى ازاماتتىق ار-وجدانعا دا ۇلكەن سىن. ەكىنشىدەن بۇل بيزنەسمەندەرگە اتاۋلى الەۋمەتتىىك كومەكتى بەرۋ قاجەت دەپ شەشكەن كەزدە بۇل ىسپەن اينالىساتىن كوميسسيا قايدا قاراعان دەگەن زاڭدى ساۋال تۋىندايدى. بۇل باعىتتا الداعى ۋاقىتتا اتالعان كوميسسيانىڭ قىزمەتىن شيراتۋ مەن كۇشەيتۋ قاجەتتىگى ايقىن كورىنەدى.

الداعى 2020 جىلدىڭ 1-قاڭتارىنان باستاپ، ەلىمىزدە اتاۋلى الەۋمەتتىك كومەك بەرۋگە قاتىستى بىرقاتار وزگەرىستەر ەنگىزىلەتىنى ءباسپاسوز بەتتەرىندە جاريالانعانى ءمالىم. ونىڭ باستى ءبىر ەەرەكشىلىگى جاڭا جوبا قابىلدانعان جاعدايدا كوپبالالى وتباسىلار تابىسىنىڭ كولەمى مەن دەڭگەيى قانداي ەكەندىگىنە قاراماستان مەملەكەتتەن بەرىلەتىن جاردەماقىنىڭ تولەنە بەرىلەتىنى. ال تۇتاستاي العاندا جوعارىدا اتالعان جاعىمسىز جايتتەر وڭىردەگى اتاۋلى الەۋمەتتىك كومەك بەرۋ تارتىبىنە كولەڭكەسىن تۇسىرە المايدى دەۋگە بولادى.

ايتالىق وبلىستا بيىلعى 2019 جىلدىڭ 1-ساۋىرىنە دەيىن 14 565 ادام، ياعني 2799 وتباسى اتاۋلى الەۋمەتتىك كومەك الىپ كەلسە، بۇگىنگى كۇنى ونىڭ سانى 18 782 وتباسىعا كوتەرىلگەن. ياعني 88 258 ادام ماتەريالدىق كومەك العان. سونداي-اق 2019 جىلدىڭ 1-ساۋىرىنە دەيىن اتاۋلى الەۋمەتتىك كومەككە 266 700 000 تگ تولەنسە، قازىرگى كۇنى ونىڭ مولشەرى 8،9 ميلليارد تەنگەگە ۇلعايعان. ياعني جارتى جىل ىشىندە وڭىردە اتاۋلى الەۋمەتتىك كومەك بەرۋگە قاتىستى قارجىلاندىرۋ كولەمى التى ەسەدەن اسىپ تۇسكەنى شىن مانىندە بيىك ءوسىم ەكەنى انىق. تەك الداعى ۋاقىتتا جوعارىدا ايتىلعانداي تەرىس ءىس-ارەكەتتەرگە جول بەرىلمەگەنى ءجون دەمەكپىز.

 

اقتوبە

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار