«حابار» اگەنتتىگى باسقارما توراعاسى ەرلان بەكحوجينمەن اڭگىمە بارىسىندا, بەلارۋس مەملەكەتىنىڭ پرەزيدەنتى ەكى ەلدىڭ بۇگىنگى قارىم-قاتىناسى جونىندە جان-جاقتى ايتىپ, بولاشاقتا ودان ءارى قارايعى قارىم-قاتىناسىن ارتتىرۋ جولدارىنىڭ كەلەشەگى, سونداي-اق تاۋار اينالىمنىڭ ءوسۋى جونىندە ايتتى. ا. لۋكاشەنكو ەۆرازيالىق ەكونوميكالىق وداق تۋرالى, ونىڭ گەوگرافياسىنىڭ كەڭەيۋى تاقىرىبىنا بولەك توقتادى. سونداي-اق بەلارۋس پرەزيدەنتى ەكى ەل اراسىنداعى ىنتىماقتاستىقتى قالىپتاستىرۋداعى نەگىزگى ەتاپتارعا توقتاپ, ءوز تۇسىنىگىندەگى «تاۋەلسىزدىك» ءسوزىنىڭ نەگىزگى ماعىناسىن, ءمانىن ءتۇسىندىردى.
سۇحبات بارىسىنداعى پرەزيدەنتكە جولدانعان ساۋالداردىڭ باسىم بولىگى بەلارۋس پەن قازاقستان ەلدەرىنىڭ قارىم-قاتىناستارىنىڭ دامۋىنا قاتىستى, ەۆرازيالىق ەكونوميكالىق وداق فورماتىنىڭ ءوزارا ارەكەتتەسۋىنىڭ پروبلەمالارى سىندى ءتۇرلى اسپەكتىلەرگە قاتىستى بولدى. مەملەكەت باسشىسىنا كەيبىر جەكە باسىنا قاتىستى سۇراقتار دا قويىلدى.
