الماتى وبلىسى بويىنشا مكد «قورعاس» شىحو كەدەن بەكەتىندە «قورعاس» شىحو كەدەن بەكەتىنىڭ قىزمەتكەرلەرى ۇقك شق 2088 ءا/ب جانە الماتى وبلىسى بويىنشا دەر قىزمەتكەرلەرىمەن بىرلەسىپ, «قورعاس» شىحو كەدەن بەكەتىندە قازاقستان رەسپۋبليكاسىنان قحر-عا شىعۋ كەزىندە قول جۇگىندە بەلگىلەنگەن نىساندا دەكلاراتسيالانباعان 4 065 000 تەڭگە اقشا قاراجاتىن (بۇل بالامادا 10 423 اقش دوللارىن قۇرايدى, ياعني 21.10.2019 جىلعى جاعداي بويىنشا ۇلتتىق بانكىنىڭ رەسمي باعامى 1 اقش دوللارى 389 تەڭگە 98 تيىن ۇستادى. قازىرگى ۋاقىتتا كىنالى تۇلعا اقبتك-ءنىڭ 551-بابىنىڭ 3-بولىگىنە سايكەس اكىمشىلىك ايىپپۇل تۇرىندە جاۋاپكەرشىلىككە تارتىلدى.
ەستەرىڭىزگە سالامىز, جەكە تۇلعالار كەدەندىك دەكلاراتسيالاۋسىز قولما-قول شەتەل جانە ۇلتتىق ۆاليۋتانى (باعالى مەتالداردان جاسالعان مونەتالاردى قوسپاعاندا) جانە جول چەكتەرىن جالپى سوماداعى 10 مىڭ اقش دوللارىنا تەڭ نەمەسە ودان اسپايتىن كولەمدە اكەلۋگە نەمەسە اكەتۋگە قۇقىلى.
10 مىڭ اقش دوللارى بالاماسىنان اساتىن سوما, ەاەو ەلدەرى كەدەندىك اۋماعىنىڭ قۇرامداس بولىگى بولىپ تابىلاتىن اۋماقتان نەمەسە اۋماققا جۇزەگە اسىرىلاتىن اكەلۋ نەمەسە اكەتۋ جاعدايلارىن قوسپاعاندا, مىندەتتى كەدەندىك دەكلاراتسيالاۋعا جاتادى.
كەدەندىك دەكلاراتسيالاۋ وتكىزىلەتىن قولما-قول اقشانىڭ جانە جول چەكتەرىنىڭ شىعۋ تەگى مەن ماقساتى تۋرالى مالىمەتتەردى كورسەتە وتىرىپ, بارلىق سوماعا جازباشا نىساندا كەدەندىك دەكلاراتسيانى بەرۋ ارقىلى جۇزەگە اسىرىلادى. دەكلاراتسيادا كورسەتىلگەن قاراجاتقا سالىق سالىنبايدى.
«ەگەمەن-اقپارات»
