پرەزيدەنت • 21 قازان، 2019

مەملەكەت باسشىسى جاقىپ اسانوۆتى قابىلدادى

113 رەتكورسەتىلدى

قازاقستان پرەزيدەنتىنە بيىلعى 9 اي ىشىندەگى جوعارعى سوت قىزمەتىنىڭ قورىتىندىلارى مەن سوت جۇيەسىن جەتىلدىرۋ بويىنشا جۇرگىزىلگەن جۇمىستار جونىندە مالىمەت بەرىلدى. بۇل تۋرالى اقوردانىڭ ءباسپاسوز قىزمەتى حابارلادى.

قاسىم-جومارت توقاەۆقا سۋديالاردى ىرىكتەۋ جۇيەسىن جاقسارتۋ، بىرىڭعاي سوت تاجىريبەسىن قامتاماسىز ەتۋ، سوت تورەلىگىن جاڭعىرتۋ، سونىڭ ىشىندە سوتتان تىس تاتۋلاسۋ ورتالىقتارىن قۇرۋ، وتباسى سوتتارى مەن فرونت-وفيستەر جايىندا اتقارىلعان شارالار تۋرالى باياندالدى.

مەملەكەت باسشىسى حالىقتىڭ سوت جۇمىسىنا دەگەن سەنىمىن ارتتىرۋ، ازاماتتاردىڭ ءوتىنىش-شاعىمدارىن ءادىل قاراۋ، شىعارىلاتىن سوت شەشىمدەرىنىڭ ساپاسىن جاقسارتۋ قاجەتتىگىن ايتتى.

پرەزيدەنت سۋديالاردىڭ جۇكتەمەسىن ازايتۋ جانە سوت شەشىمدەرىنىڭ ساپاسىنا كەرى اسەر ەتەتىن ولارعا قاتىسى جوق ىستەردەن بوساتۋ جونىندە شارالار قابىلداۋدى تاپسىردى، سونداي-اق، سۋديالار كورپۋسىنىڭ قۇزىرەتتىلىگىن ارتتىرۋ جۇمىستارىن جالعاستىرۋدىڭ ماڭىزدىلىعىنا نازار اۋداردى. 

سوڭعى جاڭالىقتار

ۇقساس جاڭالىقتار