كونگرەستە اۆستراليا, جاڭا زەلانديا, اقش, افريكا, ەۋروپا جانە تمد ەلدەرىنەن 120-عا جۋىق سپيكەر ءسوز سويلەدى جانە جالپى سانى مىڭنان استام دەلەگات قاتىستى. قاتىسۋشىلار قوعامدىق كەڭىستىكتىڭ دامۋىن, قازىرگى زامانعى مەگاپوليس ومىرىندەگى جاسىل اۋماقتاردىڭ ءرولىن جانە ساياباقتاردىڭ قالالىق ورتاعا اسەرىن تالقىلادى.
قازاقستاندىق تاراپ ءبىزدىڭ ەلدەرىمىز اراسىندا ەكونوميكانىڭ ءتۇرلى سالالارىندا, سونىڭ ىشىندە ماشينا جاساۋدا قازاقستان مەن تاتارستاننىڭ ەكونوميكالىق ءوزارا ءىس-قيمىلىن دامىتۋدا ماڭىزدى ءرول اتقاراتىن كولىك سالاسىنداعى ىنتىماقتاستىقتىڭ تابىستى جۇزەگە اسىرىلىپ جاتقانىن اتاپ ءوتتى.
كونگرەسس بارىسىندا قازاقستان مەن رەسەي قوعامدىق كەڭىستىكتەردى قايتا قۇرۋ سالاسىندا بىرلەسكەن تاجىريبەلەردى دامىتۋ تۋرالى مەموراندۋمعا قول قويدى.
قۇجاتقا سايكەس, ەكى ەل ىنتىماقتاستىعىنىڭ نەگىزگى باعىتتارى كەڭىستىكتى ۇيىمداستىرۋعا ەكولوگيالىق كوزقاراس, جاس ساۋلەتشىلەردىڭ كاسىبي قاۋىمداستىعىن قالىپتاستىرۋ, قالا تۇرعىندارى مەن بيزنەستى اباتتاندىرۋ جوبالارىنا تارتۋ, جەرگىلىكتى قاۋىمداستىقتار مەن جەرگىلىكتى وندىرىستەردى دامىتۋ, قوعامدىق كەڭىستىكتەردى باسقارۋ جانە ولاردى ءارتۇرلى بەلسەندىلىكپەن تولىقتىرۋ بولادى. مەموراندۋم شەڭبەرىندە رەسەي مەن قازاقستان قوعامدىق كەڭىستىكتەر مەن قالالىق ورتانى دامىتۋعا باعىتتالعان بىرلەسكەن زەرتتەۋلەر مەن ءىس-شارالار جۇرگىزۋ كوزدەيدى.
