قازاقستان رەسپۋبليكاسى پرەزيدەنتىنىڭ جارلىعى № 524
سارسەنبى, 27 ناۋرىز 2013 1:43
«ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارىن بەكىتۋ تۋرالى
«مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسىنىڭ زاڭىنا سايكەس قاۋلى ەتەمىن:
1. قوسا بەرىلىپ وتىرعان «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارى بەكىتىلسىن.
2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
3. وسى جارلىق العاشقى رەسمي جاريالانعان كۇنىنەن باستاپ, بىراق 2013 جىلعى 26 ناۋرىزدان ەرتە ەمەس, قولدانىسقا ەنگىزىلەدى.
سارسەنبى, 27 ناۋرىز 2013 1:43
«ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارىن بەكىتۋ تۋرالى
«مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسىنىڭ زاڭىنا سايكەس قاۋلى ەتەمىن:
1. قوسا بەرىلىپ وتىرعان «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارى بەكىتىلسىن.
2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
3. وسى جارلىق العاشقى رەسمي جاريالانعان كۇنىنەن باستاپ, بىراق 2013 جىلعى 26 ناۋرىزدان ەرتە ەمەس, قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2013 جىلعى 22 ناۋرىز
№ 524
قازاقستان رەسپۋبليكاسى پرەزيدەنتىنىڭ 2013 جىلعى 22 ناۋرىزداعى № 524 جارلىعىمەن بەكىتىلگەن
«ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارى
1. جالپى ەرەجەلەر
1. «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ جانە «ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋدىڭ وسى قاعيدالارى «مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسىنىڭ زاڭىنىڭ 12-بابىنىڭ 2-تارماعىن جانە 14-بابىنىڭ 10-تارماعىن ىسكە اسىرۋدى قامتاماسىز ەتەدى.
2. «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋدى (بۇدان ءارى – «ا» كورپۋسىنىڭ كادر رەزەرۆى) قازاقستان رەسپۋبليكاسىنىڭ پرەزيدەنتى جانىنداعى كادر ساياساتى جونىندەگى ۇلتتىق كوميسسيا (بۇدان ءارى – ۇلتتىق كوميسسيا) قازاقستان رەسپۋبليكاسىنىڭ ازاماتتارى اراسىنان جۇزەگە اسىرادى.
3 .«ا» كورپۋسىنىڭ بوس جانە ۋاقىتشا بوس مەملەكەتتىك اكىمشىلىك لاۋازىمىنا كونكۋرستىق ىرىكتەۋدى (بۇدان ءارى – «ا» كورپۋسىنىڭ لاۋازىمى) «ا» كورپۋسىنىڭ كادر رەزەرۆىنە الىنعان ازاماتتار اراسىنان وسى لاۋازىمعا تاعايىنداۋ قۇقىعى بار ادام جۇزەگە اسىرادى.
4. ءوز وكىلەتتىكتەرىن تەرىس سەبەپتەرمەن توقتاتقانداردى قوسپاعاندا, ءوز وكىلەتتىكتەرىن كەمىندە التى اي ورىنداعان جانە قويىلاتىن بىلىكتىلىك تالاپتارىنا ساي كەلەتىن, پارلامەنت دەپۋتاتتارى, تۇراقتى نەگىزدە جۇمىس ىستەيتىن ءماسليحات دەپۋتاتتارى, مەملەكەتتىك ساياسي قىزمەتشىلەر, سۋديالار, «ا» كورپۋسىنىڭ مەملەكەتتىك اكىمشىلىك لاۋازىمدارىنا كادر رەزەرۆىنە ىرىكتەۋسىز جانە كونكۋرستىق ىرىكتەۋسىز قازاقستان رەسپۋبليكاسى پرەزيدەنتىنىڭ شەشىمىمەن ورنالاسا الادى.
2. «ا» كورپۋسىنىڭ كادر رەزەرۆىن جاساقتاۋ
5. «ا» كورپۋسىنىڭ كادر رەزەرۆىن جاساقتاۋ بىرقاتار دايەكتى كەزەڭدەردى قامتيدى:
1) «ا» كورپۋسىنىڭ كادر رەزەرۆىنە ىرىكتەۋ وتكىزۋ تۋرالى حابارلاندىرۋدى جاريالاۋ;
2) كانديداتتاردىڭ قۇجاتتارىن قابىلداۋ جانە ولاردىڭ «ا» كورپۋسىنىڭ لاۋازىمدارىنا قويىلاتىن ارنايى بىلىكتىلىك تالاپتارىنا سايكەستىگىن قاراۋ;
3) كانديداتتاردى تەستىلەۋ;
4) كانديداتتارمەن اڭگىمەلەسۋ;
5) ۇلتتىق كوميسسيانىڭ شەشىمدەرى نەگىزىندە «ا» كورپۋسىنىڭ كادر رەزەرۆىنە الۋ;
6. ازاماتتار «ا» كورپۋسىنىڭ كادر رەزەرۆىنە ىرىكتەۋگە قاتىسۋ شىعىندارىن وزدەرiنiڭ جەكە قاراجاتى ەسەبiنەن جۇرگiزەدi.
7. «ا» كورپۋسىنىڭ كادر رەزەرۆىنە ىرىكتەۋ ۇلتتىق كوميسسيانىڭ جۇمىس جوسپارلارىندا ايقىندالاتىن مەرزىمدە وتكىزىلەدى. ۇلتتىق كوميسسيا ايقىندايتىن جاعدايلاردا «ا» كورپۋسىنىڭ كادر رەزەرۆىنە جوسپاردان تىس ىرىكتەۋ وتكىزۋگە بولادى.
8. «ا» كورپۋسىنىڭ كادر رەزەرۆىنە الىناتىن ادامدار سانىن ۇلتتىق كوميسسيا بەلگىلەيدى.
3. «ا» كورپۋسىنىڭ كادر رەزەرۆىنە ىرىكتەۋ وتكىزۋ تۋرالى حابارلاندىرۋدى جاريالاۋ
9. «ا» كورپۋسىنىڭ كادر رەزەرۆىنە ىرىكتەۋ وتكىزۋ تۋرالى حابارلاندىرۋ مەملەكەتتىك قىزمەت ىستەرى جونىندەگى ۋاكىلەتتى ورگان ايقىندايتىن ينتەرنەت-رەسۋرستا جانە مەرزىمدى ءباسپاسوز باسىلىمدارىندا جاريالانادى.
10. حابارلاندىرۋ نىسانىن مەملەكەتتىك قىزمەت ىستەرى جونىندەگى ۋاكىلەتتى ورگان بەكىتەدى جانە كانديداتتارعا قويىلاتىن تالاپتاردى, قۇجاتتاردى قابىلداۋ مەرزىمىن, قۇجاتتاردى رەسىمدەۋگە قويىلاتىن تالاپتار مەن مەملەكەتتىك قىزمەت ىستەرى جونىندەگى ۋاكىلەتتى ورگاننىڭ بايلانىس دەرەكتەرىن (پوچتا مەكەنجايى, تەلەفون جانە فاكس نومىرلەرى, ەلەكتروندىق پوچتا مەكەنجايى) قامتيدى.
4. قۇجاتتاردى قابىلداۋ جانە ولاردىڭ «ا» كورپۋسىنىڭ لاۋازىمدارىنا قويىلاتىن ارنايى بىلىكتىلىك تالاپتارىنا سايكەستىگىن قاراۋ
11. «ا» كورپۋسىنىڭ كادر رەزەرۆىنە ىرىكتەۋگە قاتىسۋعا نيەت بىلدىرگەن ازاماتتار مەملەكەتتىك قىزمەت ىستەرى جونىندەگى ۋاكىلەتتى ورگانعا مىناداي قۇجاتتاردى ۇسىنادى:
1) جەكە كۋالىگىنىڭ كوشىرمەسى;
2) مەملەكەتتىك قىزمەت ىستەرى جونىندەگى ۋاكىلەتتى ورگان بەلگىلەگەن نىسانداعى ءوتىنىش;
3) بiلiمi تۋرالى قۇجاتتاردىڭ نوتاريات نە جۇمىس ورنى بويىنشا كادر قىزمەتى كۋالاندىرعان كوشiرمەلەرi;
4) ەڭبەك قىزمەتىن راستايتىن قۇجاتتىڭ نوتاريات كۋالاندىرعان نە زاڭنامادا بەلگiلەنگەن وزگە دە تارتiپپەن كۋالاندىرىلعان كوشiرمەسi;
5) ۇسىنىمحات (كەمىندە بىرەۋ);
6) ءوز قولىمەن تولتىرىلعان ءومىربايانى;
7) كانديداتتاردىڭ كاسىبي دەڭگەيى مەن جەكە قاسيەتتەرىنە قاتىستى وزگە دە قۇجاتتار, ونىڭ ىشىندە بىلىكتىلىگىن ارتتىرۋى تۋرالى قۇجاتتاردىڭ, شەت ءتىلىن مەڭگەرۋ دەڭگەيىن ايقىندايتىن كاسىبي ەمتيحان ناتيجەلەرى تۋرالى سەرتيفيكاتتاردىڭ كوشىرمەلەرى.
12. ۇسىنىمحاتتى بەرۋ قۇقىعىنا:
1) مەملەكەتتىك ساياسي قىزمەتشىلەر;
2) قازاقستان رەسپۋبليكاسى سەناتى, ءماجىلىسى دەپۋتاتتارى, وبلىس, رەسپۋبليكالىق ماڭىزى بار قالا, استانانىڭ ءماسليحات حاتشىلارى;
3) لاۋازىمعا وسى قاعيدالاردىڭ 4-تارماعىنا سايكەس قازاقستان رەسپۋبليكاسى پرەزيدەنتىنىڭ شەشىمىمەن نە ۇلتتىق كوميسسيا جاساقتاعان «ا» كورپۋسىنىڭ كادر رەزەرۆىنەن تاعايىندالعان «ا» كورپۋسىنىڭ مەملەكەتتىك اكىمشىلىك قىزمەتشىلەرى;
4) قازاقستان رەسپۋبليكاسىنىڭ پرەزيدەنتىمەن نەمەسە ونىڭ تاپسىرماسى بويىنشا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ كەلىسىمىمەن تاعايىندالاتىن ۇلتتىق كومپانيانىڭ, ۇلتتىق حولدينگتىڭ, ۇلتتىق دامۋ ينستيتۋتىنىڭ باسقارما توراعالارى يە.
13. وسى قاعيدالاردىڭ 11-تارماعى 1) – 6) تارماقشالارىندا كورسەتىلگەن قۇجاتتاردىڭ بىرەۋى بولماسا, كانديداتقا «ا» كورپۋسىنىڭ كادر رەزەرۆىنە ىرىكتەۋگە قاتىستىرۋدان باس تارتىلادى.
14. كانديداتتاردىڭ كورىنەۋ جالعان اقپاراتتى جانە قۇجاتتاردى ۇسىنۋ فاكتىلەرىنىڭ انىقتالۋى ولاردى «ا» كورپۋسىنىڭ كادر رەزەرۆىنە ىرىكتەۋدىڭ كەز كەلگەن كەزەڭىندە شىعارۋعا نەگىز بولىپ تابىلادى.
15. قۇجاتتار «ا» كورپۋسىنىڭ كادر رەزەرۆىنە ىرىكتەۋ وتكىزۋ تۋرالى حابارلاندىرۋ جاريالانعان كۇننەن باستاپ ءبىر اي ىشىندە قولما-قول, پوچتا نەمەسە ەلەكتروندىق پوچتا ارقىلى قابىلدانادى.
قۇجاتتار قابىلدانعاندا كانديداتقا ولاردىڭ تىركەلگەنى تۋرالى قولحات, ونىڭ ىشىندە ەلەكتروندىق تۇردە بەرىلەدى.
قۇجاتتار ەلەكتروندىق پوچتا ارقىلى جىبەرىلگەن جاعدايلاردا, كانديداتتار قۇجاتتاردىڭ تۇپنۇسقالارىن تەستىلەۋ باستالعانعا دەيىنگى ءۇش ساعاتتان كەشىكتىرمەي ۇسىنادى. قۇجاتتاردىڭ تۇپنۇسقالارى ۇسىنىلماعان جاعدايدا كانديدات تەستىلەۋگە جىبەرىلمەيدى.
16. وسى قاعيدالاردىڭ 11-تارماعىندا كورسەتىلگەن ءوتىنىشتى جانە وزگە دە قۇجاتتاردى ۇسىنعان كانديداتتار ءتىزىمى مەملەكەتتىك قىزمەت ىستەرى جونىندەگى ۋاكىلەتتى ورگاننىڭ ينتەرنەت-رەسۋرسىندا جاريالانادى.
17. مەملەكەتتىك قىزمەت ىستەرى جونىندەگى ۋاكىلەتتى ورگان قۇجاتتاردى قابىلداۋ اياقتالعاننان كەيىن ون جۇمىس كۇنى ىشىندە كانديداتتاردىڭ قۇجاتتارىن «ا» كورپۋسىنىڭ لاۋازىمدارىنا قويىلاتىن ارنايى بىلىكتىلىك تالاپتارىنا سايكەستىگىن, ەگەر كانديداتتار مەملەكەتتىك قىزمەتشى بولماعان جاعدايلاردا «مەملەكەتتىك قىزمەت تۋرالى» قازاقستان رەسپۋبليكاسى زاڭىنىڭ 10-بابى 4-تارماعىنىڭ جانە 13-بابى 1-تارماعىنىڭ تالاپتارىنا سايكەستىگىن قارايدى.
18. مەملەكەتتىك قىزمەت ىستەرى جونىندەگى ۋاكىلەتتى ورگان قۇجاتتاردى قاراۋ قورىتىندىسى بويىنشا بەس جۇمىس كۇنى ىشىندە كانديداتتاردى تەستىلەۋگە قاتىستىرۋعا جىبەرۋ نە جىبەرۋدەن باس تارتۋ تۋرالى شەشىم قابىلدايدى.
19. باس تارتۋ جاعدايلارىندا كانديداتتارعا بەس جۇمىس كۇنى ىشىندە دالەلدى جاۋاپ بەرىلەدى. وسى قاعيدالاردىڭ 11-تارماعىندا كورسەتىلگەن قۇجاتتار كانديداتتارعا قايتارىلادى.
4. تەستىلەۋ
20. كانديداتتاردى تەستىلەۋگە جىبەرۋ تۋرالى شەشىم مەملەكەتتىك قىزمەت ىستەرى جونىندەگى ۋاكىلەتتى ورگان بەكىتەتىن جانە ايقىندايتىن ينتەرنەت-رەسۋرستا جاريالاناتىن ءتىزىم تۇرىندە رەسىمدەلەدى.
21. كانديداتتار تەستىلەۋدەن مەملەكەتتىك قىزمەت ىستەرى جونىندەگى ۋاكىلەتتى ورگان جاساعان كەستە نەگىزىندە ءبىر اي ىشىندە وتەدى. تەستىلەۋ كەستەسى مەملەكەتتىك قىزمەت ىستەرى جونىندەگى ۋاكىلەتتى ورگاننىڭ ينتەرنەت-رەسۋرسىندا تەستىلەۋ وتكىزۋدىڭ باستالۋ كۇنىنە دەيىنگى بەس جۇمىس كۇنىنەن كەشىكتىرىلمەي جاريالانادى.
22. تەستىلەۋ قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا مەملەكەتتىك قىزمەت ىستەرى جونىندەگى ۋاكىلەتتى ورگان بەكىتەتىن تارتىپتە وتكىزىلەدى.
23. ۇلتتىق كوميسسيا تەستىلەۋدەن وڭ ناتيجە العان كانديداتتاردى اڭگىمەلەسۋگە جىبەرۋ تۋرالى شەشىم قابىلداۋعا قاجەتتى وزگە دە مالىمەتتەر تىزبەسىن ايقىندايدى.
ۇلتتىق كوميسسيانىڭ جۇمىس ورگانى بولىپ تابىلاتىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قىزمەت جانە كادر ساياساتى ءبولىمى (بۇدان ءارى – ۇلتتىق كوميسسيانىڭ جۇمىس ورگانى) وسى تىزبەنى مەملەكەتتىك قىزمەت ىستەرى جونىندەگى ۋاكىلەتتى ورگانعا جولدايدى.
24. مەملەكەتتىك قىزمەت ىستەرى جونىندەگى ۋاكىلەتتى ورگان وسى قاعيدالاردىڭ 23-تارماعىندا كورسەتىلگەن تىزبە نەگىزىندە ءتيىستى مەملەكەتتىك ورگاندارعا جازباشا سۇراتۋ جولدايدى, ولار سۇراتۋ كەلىپ تۇسكەن كۇننەن باستاپ بەس جۇمىس كۇنى ىشىندە مالىمەتتەر ۇسىنادى.
25. مەملەكەتتىك قىزمەت ىستەرى جونىندەگى ۋاكىلەتتى ورگان وسى قاعيدالاردىڭ 24-تارماعىنا سايكەس مەملەكەتتىك ورگانداردان مالىمەتتەردى العان كۇننەن باستاپ ون بەس جۇمىس كۇنى ىشىندە ۇلتتىق كوميسسيانىڭ جۇمىس ورگانىنا تەستىلەۋدەن وڭ ناتيجە العان كانديداتتار ءتىزىمىن جولدايدى.
وسى تىزىمگە كانديداتتاردىڭ قۇجاتتارى, ولاردىڭ تەستىلەۋ ناتيجەلەرى جانە وسى قاعيدالاردىڭ 23-تارماعىنا سايكەس ايقىندالاتىن وزگە دە مالىمەتتەر قوسا بەرىلەدى.
26. ۇلتتىق كوميسسيانىڭ جۇمىس ورگانى كانديداتتار قۇجاتتارىنىڭ الدىن الا قارالۋىن قامتاماسىز ەتەدى.
27. قۇجاتتاردى قاراۋ قورىتىندىسى بويىنشا ۇلتتىق كوميسسيانىڭ جۇمىس ورگانى اڭگىمەلەسۋگە جىبەرىلگەن كانديداتتاردىڭ ءتىزىمى مەن اڭگىمەلەسۋ وتكىزۋ كەستەسىن جاسايدى.
28. اڭگىمەلەسۋگە جىبەرۋدەن باس تارتىلعان جاعدايلاردا كانديداتتارعا وسى قاعيدالاردىڭ 11-تارماعىندا كورسەتىلگەن قۇجاتتار قايتارىلادى.
5. اڭگىمەلەسۋ
29. اڭگىمەلەسۋ وتكىزۋ كەستەسى مەملەكەتتىك قىزمەت ىستەرى جونىندەگى ۋاكىلەتتى ورگاننىڭ ينتەرنەت-رەسۋرسىندا ونى وتكىزۋگە دەيىنگى بەس جۇمىس كۇنىنەن كەشىكتىرمەي جاريالانادى.
30. اڭگىمەلەسۋ وتكىزۋ ءتارتىبىن ۇلتتىق كوميسسيا ايقىندايدى. اڭگىمەلەسۋ وتكىزۋدى ۇيىمداستىرۋدى ۇلتتىق كوميسسيانىڭ جۇمىس ورگانى قامتاماسىز ەتەدى.
ۇلتتىق كوميسسيا ايقىندايتىن جاعدايلاردا وبلىستىڭ, رەسپۋبليكالىق ماڭىزى بار قالانىڭ, استانانىڭ كادر كوميسسيالارى اڭگىمەلەسۋ وتكىزەدى جانە ۇلتتىق كوميسسياعا ۇسىنىستار ەنگىزەدى.
31. ۇلتتىق كوميسسيا كانديداتتاردىڭ قۇجاتتارىن, ولاردىڭ تەستىلەۋ ناتيجەلەرى جانە وسى قاعيدالاردىڭ 23-تارماعىنا سايكەس ايقىندالاتىن وزگە دە مالىمەتتەردى قارايدى جانە اڭگىمەلەسۋ وتكىزەدى.
32. اڭگىمەلەسۋ قورىتىندىسى بويىنشا كانديداتتى «ا» كورپۋسىنىڭ كادر رەزەرۆىنە الۋ نە الۋدان باس تارتۋ تۋرالى شەشىم كورسەتىلەتىن اڭگىمەلەسۋ پاراعى تولتىرىلادى. اڭگىمەلەسۋ پاراعىنىڭ نىسانىن مەملەكەتتىك قىزمەت ىستەرى جونىندەگى ۋاكىلەتتى ورگان بەكىتەدى.
33. قاجەت بولعاندا ۇلتتىق كوميسسيانىڭ جۇمىس ورگانى اڭگىمەلەسۋگە قۇجاتتار مەن وزگە دە ماتەريالداردى دايىنداۋ ءۇشىن مەملەكەتتىك ورگانداردىڭ لاۋازىمدى ادامدارىن تارتادى.
6. «ا» كورپۋسىنىڭ كادر رەزەرۆىنە الۋ
34. «ا» كورپۋسىنىڭ كادر رەزەرۆىنە الۋ تۋرالى ۇسىنىمداردى شىعارۋدى ۇلتتىق كوميسسيا جۇزەگە اسىرادى.
35. ۇلتتىق كوميسسيانىڭ شەشىمدەرى نەگىزىندە مەملەكەتتىك قىزمەت ىستەرى جونىندەگى ۋاكىلەتتى ورگان «ا» كورپۋسىنىڭ كادر رەزەرۆىن جاساقتايدى.
36. «ا» كورپۋسىنىڭ كادر رەزەرۆىنە الىنعان ادامدار ءتىزىمى مەملەكەتتىك قىزمەت ىستەرى جونىندەگى ۋاكىلەتتى ورگان ايقىندايتىن ينتەرنەت-رەسۋرستا بەس جۇمىس كۇنى ىشىندە جاريالانادى.
7. «ا» كورپۋسىنىڭ بوس جانە ۋاقىتشا بوس لاۋازىمىنا ورنالاسۋعا كونكۋرستىق ىرىكتەۋ
37. «ا» كورپۋسىنىڭ بوس جانە ۋاقىتشا بوس لاۋازىمىنا كونكۋرستىق ىرىكتەۋدى وسى لاۋازىمعا تاعايىنداۋ قۇقىعى بار ادام وتكىزەدى.
ەگەر قازاقستان رەسپۋبليكاسىنىڭ پرەزيدەنتى وزگەشە بەلگىلەمەسە, تاعايىنداۋلاردى قازاقستان رەسپۋبليكاسىنىڭ پرەزيدەنتى جۇزەگە اسىراتىن «ا» كورپۋسىنىڭ لاۋازىمدارىنا ورنالاسۋعا كونكۋرستىق ىرىكتەۋدى قازاقستان رەسپۋبليكاسى پرەزيدەنتىنىڭ اكىمشىلىگى وتكىزەدى.
ەگەر قازاقستان رەسپۋبليكاسىنىڭ پرەمەر-ءمينيسترى وزگەشە بەلگىلەمەسە, تاعايىنداۋلاردى قازاقستان رەسپۋبليكاسىنىڭ پرەمەر-ءمينيسترى جۇزەگە اسىراتىن «ا» كورپۋسىنىڭ لاۋازىمدارىنا ورنالاسۋعا كونكۋرستىق ىرىكتەۋدى قازاقستان رەسپۋبليكاسىنىڭ پرەمەر-ءمينيسترى كەڭسەسى وتكىزەدى.
38. كونكۋرستىق ىرىكتەۋ وتكىزگەندە مەملەكەتتىك قىزمەت ىستەرى جونىندەگى ۋاكىلەتتى ورگان جازباشا سۇراتۋدى العان كۇننەن باستاپ ءۇش جۇمىس كۇنى ىشىندە «ا» كورپۋسىنىڭ كادر رەزەرۆىنە الىنعان ازاماتتاردىڭ ءتىزىمىن ۇسىنادى.
39. «ا» كورپۋسىنىڭ لاۋازىمىنا ورنالاسۋعا كونكۋرستىق ىرىكتەۋ وسى لاۋازىمعا تاعايىنداۋ قۇقىعى بار ادامنىڭ شەشىمى بويىنشا قۇجاتتاردى قاراۋ جانە/نەمەسە اڭگىمەلەسۋ وتكىزۋ ارقىلى جۇزەگە اسىرىلادى.
«ا» كورپۋسىنىڭ لاۋازىمىنا ورنالاسۋعا كونكۋرستىق ىرىكتەۋ وتكىزەتىن مەملەكەتتىك ورگاننىڭ پەرسونالدى باسقارۋ قىزمەتى (كادر قىزمەتى) كانديداتتارمەن اڭگىمەلەسۋ وتكىزگەن جاعدايدا, كانديداتتاردى اڭگىمەلەسۋ وتكىزۋ ورنى مەن ۋاقىتى تۋرالى ونى وتكىزۋ كۇنىنە دەيىنگى ءۇش جۇمىس كۇنىنەن كەشىكتىرمەي حابارلاندىرۋ, «ا» كورپۋسىنىڭ وسى لاۋازىمىنىڭ فۋنكتسيونالدىق مىندەتتەرىنە سايكەس كەلەتىن سۇراقتار تىزبەسىن ازىرلەۋ قامتاماسىز ەتىلەدى.
كانديداتتارمەن اڭگىمەلەسۋدى وسى لاۋازىمعا تاعايىنداۋ قۇقىعى بار ادام جۇزەگە اسىرادى. وسى قاعيدالاردىڭ 37-تارماعىندا كورسەتىلگەن مەملەكەتتىك ورگانداردا اڭگىمەلەسۋدى وسى مەملەكەتتىك ورگانداردىڭ باسشىلارى ايقىندايتىن لاۋازىمدى ادامدار وتكىزەدى.
اڭگىمەلەسۋدى القالى تۇردە وتكىزۋ كەزىندە ونىڭ قورىتىندىلارى مەن قابىلدانعان شەشىم حاتتامامەن رەسىمدەلەدى.
40. قولدانىستاعى زاڭنامانىڭ تالاپتارىن ەسكەرە وتىرىپ, «ا» كورپۋسىنىڭ لاۋازىمىنا تاعايىنداۋ وسى لاۋازىمعا تاعايىنداۋ قۇقىعى بار ادامنىڭ شەشىمىمەن جۇزەگە اسىرىلادى. «ا» كورپۋسىنىڭ لاۋازىمىنا تاعايىنداۋدى راستايتىن قۇجاتتىڭ كوشىرمەسى مەملەكەتتىك قىزمەت ىستەرى جونىندەگى ۋاكىلەتتى ورگانعا ۇسىنىلادى.
