بانكتىڭ قازىرگى جانە جاڭا باعدارلامالارىنىڭ ارقاسىندا قالا تۇرعىندارى ءۇشىن تۇرعىن ءۇيدىڭ قولجەتىمدىلىگى جىل سايىن ارتىپ كەلەدى. بيىل الماتىدا «نۇرلى جەر» مەملەكەتتىك باعدارلاماسى اياسىندا 1 300 قالا تۇرعىنى باسپانامەن قامتاماسىز ەتىلەدى.
سونىمەن قاتار 2019 جىلدىڭ كوكتەمىندە تۇرعىن ءۇي قۇرىلىس جيناق بانكى تاراپىنان قاناتقاقتى رەجيمدە «باقىتتى وتباسى» قالالىق باعدارلاماسى ىسكە قوسىلدى. ونىڭ كومەگىمەن 284 الماتىلىق وتباسى نەسيە الىپ, جاڭا قونىس يەسى اتاندى.
بۇعان قوسا, تاعى 313 كوپبالالى جانە تولىق ەمەس وتباسىلار مەن مۇمكىندىگى شەكتەۋلى بالالاردى تاربيەلەپ وتىرعان وتباسىلار «باقىتتى وتباسى» رەسپۋبليكالىق باعدارلاماسى اياسىندا تۇرعىن ۇيگە قول جەتكىزبەك. قازىرگى ساتتە, ولاردىڭ نەسيەلىك وتىنىمدەرى قاراستىرىلىپ, نەسيە بەرۋ پروتسەسى جۇرگىزىلۋدە.
الايدا مەملەكەتتىك باعدارلامالارعا ازاماتتاردىڭ تەك بەلگىلى ءبىر ساناتى عانا قاتىسا الادى جانە تۇرعىن ءۇي قۇرىلىس جيناق بانكىنىڭ بارلىق سالىمشىلارى ونىڭ تالاپتارىنا سايكەس كەلمەيدى. سوندىقتان بانك ءوزىنىڭ بارلىق كليەنتتەرىن قولجەتىمدى باسپانامەن قامتاماسىز ەتۋ ماقساتىندا ء«وز ءۇيىم» باعدارلاماسىن جۇزەگە اسىرۋدا. اتالعان باعدارلاما سالىمشىلارعا نارىقتاعى ءۇي قۇنىنان تومەن باعامەن كوممەرتسيالىق نارىقتا تۇرعىن ءۇي ساتىپ الۋعا مۇمكىندىك بەرەدى.
-قازىرگى تاڭدا بانك الماتى قالاسىندا ءتيىمدى شارتتارمەن باسپاناعا قول جەتكىزگىزى كەلگەن بانك كليەنتتەرى ءۇشىن 8 تۇرعىن ءۇيدى ۇسىنادى. سولاردىڭ ءبىرى جاندوسوۆ كوشەسىنىڭ بويىندا ورنالاسقان تۇرعىن ءۇي كەشەنى. بۇل نىسانداعى پاتەرلەردىڭ 1 ش.م.-ڭ باعاسى 2019 جىلعى قازانداعى مالىمەتتەر بويىنشا 365 000 تەڭگەنى قۇرايدى. ال, ءبىز ونداعى 95 پاتەردىڭ 1 شارشى مەترىنىڭ باعاسىن 260 000 تەڭگەدەن ۇسىنۋدامىز. ء«وز ءۇيىم» باعدارلاماسى بويىنشا پاتەر ساتىپ الۋ ءۇشىن, بانك نەسيەنى جىلدىق 7% مولشەرلەمەمەن بەرەدى, ول كەيىننەن 5%-عا دەيىن تومەندەيدى. پاتەرلەردى كليەنتتەر وزدىگىنەن baspana.kz پورتالىندا برونداي الادى, - دەيدى تۇرعىن ءۇي قۇرىلىس جيناق بانكى الماتى قالالىق فيليالىنىڭ ديرەكتورى گۇلزات سيمتيكوۆا.
جاندوسوۆ كوشەسىنىڭ بويىنداعى تۇرعىن ءۇي كەشەنى «الماتى» الەۋمەتتىك-كاسىپكەرلىك كورپوراتسياسى» اق-ڭ ەنشىلەس ۇيىمى – «الماتى قالاسى اكىمدىگىنىڭ كۇردەلى قۇرىلىس كاسىپورنى» جشس جەلىسى بويىنشا سالىندى. تۇرعىن ءۇي قۇرىلىس جيناق بانكى ونىمەن ىنتىماقتاستىق تۋرالى كەلىسىمگە قول قويدى.
-ۇيدەگى بارلىق پاتەرلەردىڭ اۋماعى كەڭ ءارى تازا ارلەۋ كۇيىندە. ءۇي تولىقتاي پايدالانۋعا بەرىلگەن. قازىرگى تاڭدا ىرگەلەس جاتقان ۋچاسكەنى اباتتاندىرىپ, كوممۋنيكاتسيالاردى قوسۋ جۇمىستارى جۇرگىزىلۋدە, - دەدى «كۇردەلى قۇرىلىس كاسىپورنى» جشس باس ديرەكتورى ءادىل بورلىباەۆ.
جاندوسوۆ كوشەسىنىڭ بويىنداعى جاڭا كەشەن ەسكى تۇرعىن ۇيلەردىڭ ورنىنا تۇرعىزىلدى.
«الماتى قالاسى اكىمدىگىنىڭ كۇردەلى قۇرىلىس كاسىپورنى» وكىلى اقىلبەك بايدىلداەۆ قۇرىلىستاردى بۇزۋ كەزىندە تۇرعىندار تاراپىنان تۇسىنبەۋشىلىك بوعلانىن ەسكە ءتۇسىردى. قازىرگى تۇرعىن ءۇي قۇرىلىسى بويىنشا ەڭ شاعىن پاتەرلەر 40 شارشى مەتردەن باستالادى. ال ەسكى ۇيلەر سۇرىلگەن كەزدە 30-شارشى مەترلى ەكى بولمەلى ءۇيى بار تۇرعىندار جاڭا سالىنان ۇيلەردەن كۋاى بولمەلى پاتەرلەر تالاپ ەتكەن. ال جاڭادان سالىنعان ۇيلەردەگى ەكى بولمەلى پاتەرلەر 40 شارشى مەتردەن باستالادى.
«اراداعى كەلىسىمدەردەن كەيىن تۇرعىندارمەن ارتىق شارشى مەتردىڭ اقشاسىن تولەۋ تۋرالى كەلىسىمگە كەلدىك, ونىڭ باعاسى تۇرڭىن ءۇيدىڭ ورنالاسقان جەرى مەن تۇرعىن ۇيدىك كاتەگورياسىنا قاراپ بەلگىلەندى» دەيدى ا. بايدىلداەۆ.
قازىرگى ساتتە قالادا جالپى اۋماعى 325,2 مىڭ شارشى مەتردى قۇرايتىن 948 ەسكى ۇيلەر بار. وندا 8 910 وتباسى ءومىر سۇرۋدە. ەسكى ۇيلەردىڭ ەڭ ۇلكەن اۋماعى تۇركسىب اۋدانىندا ورنالاسقان. وندا جالپى الاڭى 135,5 شارشى مەتردى قۇرايتىن 461 ءۇي بار. الماتى تەرريتورياسىندا ەسكى تۇرعىن ۇيلەردى بۇزۋ باعدارلاماسى بويىنشا 2012 – 2015 جىلدارى جالپى اۋدانى 21,9 مىڭ شارشى مەتردى قۇرايتىن 56 ءۇي بۇزىلدى, 469 وتباسى باسقا ۇيگە قونىس اۋداردى, ونىڭ ورنىنا جالپى اۋماعى 176 مىڭ شارشى مەتردى قۇرايتىن 58 جاڭا ءۇي سالىندى.
الماتى
