پارلامەنت • 14 قازان، 2019

پارلامەنت سەناتىنىڭ دەپۋتاتتارى نازارباەۆ ۋنيۆەرسيتەتىندە بولدى

171 رەتكورسەتىلدى

داريعا نازارباەۆا باستاعان پارلامەنت سەناتىنىڭ دەپۋتاتتارى نازارباەۆ ۋنيۆەرسيتەتىندە بولدى. وقىتۋشىلار مەن وقۋشىلار سەناتورلارعا وزدەرىنىڭ جەتىستىكتەرى تۋرالى ايتىپ، بولاشاق جوسپارلارىمەن ءبولىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

نازارباەۆ ۋنيۆەرسيتەتىنىڭ پرەزيدەنتى شيگەو كاتسۋدىڭ ايتۋىنشا، ستۋدەنتتەر وزدەرىنىڭ يدەيالارى مەن جوبالارىن ءتۇرلى مەكەمەلەر مەن مەملەكەتتىك قۇرىلىمدارعا ۇسىنىپ وتىر. مەديتسينا، ەكولوگيا، عىلىم، ءبىلىم بەرۋ، قاۋىپسىزدىك سالالارىندا ونداعان ءىرى عىلىمي جاڭالىقتار تابىستى پايدالانىلىپ كەلەدى.

ستۋدەنتتەر سەناتورلارعا بالقاش كولىندەگى سۋدىڭ ساپاسى مەن قۇرامى زەرتحانادا قالاي زەرتتەلىپ جاتقانىن كورسەتتى. جوعارى وقۋ ورنىنىڭ ستۋدەنتتەرى سونداي-اق ءوز زەرتتەۋلەرى ەمدەۋ مەكەمەلەرىندەگى اۋىر ناۋقاستارعا، ونىڭ ىشىندە ونكولوگيالىق سىرقاتتارعا دياگنوز قويۋدا دارىگەرلەرگە كومەكتەسەتىنىن ايتتى.

سەنات دەپۋتاتتارى ۋنيۆەرسيتەت اۋماعىندا ورنالاسقان تەحنوپاركتە دە بولدى. ول نازارباەۆ ۋنيۆەرسيتەتىندە جۇمىس ىستەيتىن جوعارى تەحنولوگيالىق يننوۆاتسيالىق كومپانيالاردى ورنالاستىرۋ ءۇشىن قۇرىلعان.

سەناتورلار ساندىق 3D-گولوگرامما جاساۋشىلارىمەن اڭگىمەلەستى. تەحنولوگيا كەز كەلگەن عيماراتتى ساندىق نۇسقاعا كوشىرۋگە جانە ونى سىرتقى جاعىنان عانا ەمەس، ىشكى جاعىنان دا 3D-سيپاتىندا ەگجەي-تەگجەيلى كورسەتۋگە مۇمكىندىك بەرەدى. دەپۋتاتتارعا سونداي-اق توپىراقتى مۇنايدان تازارتۋمەن، اعىندى سۋعا تالداۋ جۇرگىزۋمەن جانە تاعى باسقا جۇمىستارمەن اينالىساتىن كومپانيا تانىستىرىلدى.

سەنات دەپۋتاتتارى سول كۇنى Astana Hub حالىقارالىق تەحنوپاركىندە بولدى. مۇندا سالىق جەڭىلدىكتەرىن پايدالاناتىن 130 IT-كومپانيا جۇمىس ىستەيدى. 690 ستارتاپ ينكۋباتسيالىق جانە اكسەلەراتسيالىق باعدارلامالارعا قاتىستى.

سەناتورلارعا قازىرگى زامانعى حالىقارالىق وقىتۋ ادىستەمەسى قولدانىلاتىن باعدارلاما جاساۋدىڭ جاڭا مەكتەبى تانىستىرىلدى. وندا ستۋدەنتتەر ءبىر-ءبىرىن وقىتۋشىنىڭ قاتىسۋىنسىز وقىتادى.

دەپۋتاتتارعا سونداي-اق ستارتاپ-جوبالار ۇسىنىلدى. ولاردىڭ قاتارىندا - پسيحولوگتىڭ ونلاين-كەڭەسى، جەكە مەديتسينالىق ورتالىق، پاتەرلەردى جوندەۋ جونىندەگى ونلاين-سەرۆيس، توتەنشە جاعدايلاردىڭ الدىن الۋ جونىندەگى بالالارعا ارنالعان وقۋ ماتەريالدارى بار.

سەنات توراعاسى داريعا نازارباەۆا كەزدەسۋدى قورىتىندىلاي كەلىپ، جاڭا تەحنولوگيالاردى پايدالانۋدى رەتتەۋ، جاس كاسىپكەرلەردى قولداۋ، ەكونوميكادا عىلىمي زەرتتەۋلەردى كەڭىنەن پايدالانۋدى قامتاماسىز ەتۋگە قاتىستى بىرقاتار ماڭىزدى ماسەلەلەرگە نازار اۋداردى.

سوڭعى جاڭالىقتار

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

«يوكەريتتەن» جەڭىلدى

حوككەي • كەشە

ونلاين-وقىرمان

تەحنولوگيا • كەشە

ۇقساس جاڭالىقتار