ەكونوميكا • 14 قازان، 2019

قازاقستان-قىتاي اراسىنداعى جۇك تاسىمالى ارتىپ كەلەدى

31 رەتكورسەتىلدى

نۇر-سۇلتان قالاسىندا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ دەلەگاتسياسى مەن قىتاي حالىق رەسپۋبليكاسى سينتسزيان-ۇيعىر اۆتونوميالىق اۋدانىنىڭ اۆتوكولىك دەلەگاتسياسىنىڭ اراسىندا كەزەكتى كەلىسسوزدەر ءوتتى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

كەلىسسوزدەر بارىسىندا تاراپتار 2018 جىلى ەكى ەل اراسىنداعى اۆتوموبيلمەن جۇك تاسىمالدارىنىڭ كولەمى 20%-عا ارتتى. 2019 جىلدىڭ ءبىرىنشى جارتىجىلدىعىندا تاسىمالدار كولەمى 574 مىڭ توننانى قۇرادى جانە 2018 جىلدىڭ سايكەس كەزەڭىمەن سالىستىرعاندا 5%-عا ارتتى.

جۇكتەردىڭ ۋاقىتىلى جەتكىزىلۋىن قامتاماسىز ەتۋ ماقساتىندا 2019 جىلعا «س» تۇرىندەگى رۇقسات بلانكىلەرىنىڭ قوسىمشا 10 000 داناسىمەن الماسۋعا قول جەتكىزىلدى. اۆتوموبيل كولىگىمەن ترانزيتتىك جۇك تاسىمالدارىن ارتتىرۋ ماقساتىندا ەكى جاق تاراپ بىرلەسىپ، كاسىپورىن قۇرۋ ماسەلەسىن تالقىلادى.

سونداي-اق تاراپتار كەلىسسوزدەر بارىسىندا قازاقستان مەن قىتاي اراسىنداعى جولاۋشىلار تاسىمالدارى ماسەلەلەرىن تالقىلادى.

سونىمەن بىرگە قازاقستان تاراپى قىتاي حالىق رەسپۋبليكاسىمەن شەكاراعا «نۇر جولى» وتكىزۋ پۋنكتىندە ينتەللەكتۋالدى كولىك جۇيەسى پيلوتتىق جوباسىنىڭ پىسىقتالۋى تۋرالى قىتاي تاراپىنا حابارلادى جانە پرەزەنتاتسيالىق ماتەريالداردى قىتاي تاراپىنا ۇسىندى.

كەلىسسوزدەر ناتيجەسى بويىنشا حاتتاماعا قول قويىلدى.

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ۇقساس جاڭالىقتار