جانسۇگىروۆ كەنتىندە رەسمي باستالعان سالتاناتتى شارادا اقىننىڭ ءمارماردان قاشالعان ەسكەرتكىشى اشىلدى.
بۇگىن تۋعان جەرىنىڭ تورىنەن اقىنعا ارنالىپ ەڭسەلى ەسكەرتكىش ورناتىلىپ وتىر. بۇل – ەلىنىڭ تارلان تالانتقا دەگەن قۇرمەتى, ەرەن ەرگە دەگەن تاعزىمى دەپ بىلەمىز. زاڭعار جازۋشى مۇحتار اۋەزوۆ: «قازاقتىڭ ابايدان كەيىنگى زامانىنداعى اسا دارىندى اقىنى ءىلياس جانسۇگىروۆ. ءىلياس پوەزياسى – ويعا قانات, سەزىمگە ءنار بەرەتىن, ەشقاشان ەسكىرمەيتىن ماڭگى جاس پوەزيا», – دەپ باعا بەرگەن ەدى. جەتىسۋ توپىراعىندا تۋعان قايراتكەر-تۇلعا قازاق ادەبيەتىنىڭ بارلىق جانرىنا ەلەۋلى ەڭبەك ءسىڭىردى, – دەدى جيىندا ءسوز العان الماتى وبلىسىنىڭ اكىمى اماندىق باتالوۆ.
ورتالىق الاڭعا قويىلعان ءىلياس جانسۇگىروۆ ەسكەرتكىشىنىڭ اۆتورى ءمۇسىنشى, قازاقستان سۋرەتشىلەر وداعىنىڭ مۇشەسى, مادەنيەت سالاسىنىڭ ۇزدىگى قازبەك دۋلاتوۆ.
ءىلياس جانسۇگىروۆتىڭ تۋعانىنا 125 جىل تولۋىنا ۇيىمداستىرىلعان شارالار لەگى بۇگىن وبلىس ورتالىعىندا جالعاسادى.
قالماحانبەت مۇقامەتقالي,
«Egemen Qazaqstan»
الماتى وبلىسى
