• 23 اقپان, 2013

قازاقستان رەسپۋبليكاسىنىڭ ىشكى ىستەر مينيسترلىگىنىڭ بۇيرىعى № 658

420 رەت

كورسەتىلدى

8 مين

وقۋ ءۇشىن

Egemen Qazaqstan

قازاقستان رەسپۋبليكاسىنىڭ ىشكى ىستەر مينيسترلىگىنىڭ بۇيرىعى № 658

سەنبى, 23 اقپان 2013 5:47

2012 جىلعى 11 جەلتوقسان , استانا قالاسى

«قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت رەگلامەنتىن بەكىتۋ تۋرالى

«اكىمشىلىك راسىمدەر تۋرالى» قازاقستان رەسپۋبليكاسى زاڭىنىڭ 9-1-بابىنىڭ 4-تارماعىنا سايكەس بۇيىرامىن:
1. قوسا بەرىلىپ وتىرعان «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت رەگلامەنتى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ كوشى-قون پوليتسياسى كوميتەتى:
1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) بەلگىلەنگەن تارتىپپەن وسى بۇيرىقتى رەسمي جاريالاۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ق.س.تىنىبەكوۆكە جانە قازاقستان رەسپۋبليكاسى ىشكى ىستەر مينيسترلىگىنىڭ كوشى-قون پوليتسياسى كوميتەتىنە (پ.ك. نوكين) جۇكتەلسىن.
4. وسى بۇيرىق العاش رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ق. قاسىموۆ.

سەنبى, 23 اقپان 2013 5:47

2012 جىلعى 11 جەلتوقسان , استانا قالاسى

قازاقستان رەسپۋبليكاسى ىشكى ىستەر ءمينيسترىنىڭ 2012 جىلعى
11 جەلتوقسانداعى №658 بۇيرىعىمەن بەكىتىلگەن

«قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت
رەگلامەنتى

1. جالپى ەرەجەلەر
2. وسى «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت رەگلامەنتى (بۇدان ءارى – رەگلامەنت) قازاقستان رەسپۋبليكاسى بيۋدجەت كودەكسىنىڭ 34-بابىنا, «اكىمشىلىك راسىمدەر تۋرالى» قازاقستان رەسپۋبليكاسىنىڭ 2000 جىلعى 27 قاراشاداعى زاڭىنىڭ 9-1, 15-2-باپتارىنا, سونداي-اق قازاقستان رەسپۋبليكاسى ۇكىمەتىنىڭ 2009 جىلعى 14 جەلتوقسانداعى №2106 قاۋلىسىمەن بەكىتىلگەن «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت كورسەتۋ ستاندارتىنا (بۇدان ءارى – ستاندارت) سايكەس ازىرلەندى.
2. وسى رەگلامەنتتە مىناداي ۇعىمدار مەن قىسقارتۋلار پايدالانىلادى:
قازاقستان رەسپۋبليكاسى ىشكى ىستەر مينيسترلىگىنىڭ كوشى-قون پوليتسياسى كوميتەتى ء(ىىم كقپك) – قازاقستان رەسپۋبليكاسى ىشكى ىستەر مينيسترلىگىنىڭ (بۇدان ءارى – ءىىم) فۋنكتسيالارىنا حالىقتىڭ كوشى-قونى ماسەلەلەرى كىرەتىن ءبولىنىسى;
قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيا (بۇدان ءارى – كوميسسيا) – ازاماتتىققا جانە ساياسي پانا بەرۋمەن بايلانىستى ماسەلەلەر بويىنشا ماتەريالداردى قاراۋدى جۇزەگە اسىراتىن كونسۋلتاتيۆتىك-كەڭەسشى ورگان بولىپ تابىلادى;
قۇرىلىمدىق-فۋنكتسيالىق بىرلىكتەر (قفب) – مەملەكەتتىك قىزمەت كورسەتۋ پروتسەسىنە قاتىساتىن ۋاكىلەتتى ورگانداردىڭ جاۋاپتى ادامدارى, مەملەكەتتىك ورگانداردىڭ قۇرىلىمدىق بولىنىستەرى, مەملەكەتتىك ورگاندار, اقپاراتتىق جۇيەلەر نەمەسە كىشى جۇيەلەر;
ازاماتتىققا قابىلداۋدىڭ وڭايلاتىلعان ءتارتىبى – حالىقارالىق كەلىسىمدەردە كوزدەلگەن قازاقستان رەسپۋبليكاسىنىڭ ازاماتتىعىنا قابىلداۋ ءتارتىبى.
3. مەملەكەتتىك قىزمەتتى قازاقستان رەسپۋبليكاسى ىشكى ىستەر ورگاندارىنىڭ اۋماقتىق كوشى-قون پوليتسياسى بولىنىستەرى (بۇدان ءارى – كوشى-قون پوليتسياسى بولىنىستەرى) كورسەتەدى.
4. مەملەكەتتىك قىزمەت ستاندارتتىڭ 6-تارماعىندا كورسەتىلگەن ادامدارعا كورسەتىلەدى.
5. كورسەتىلەتىن مەملەكەتتىك قىزمەت نىسانى: اۆتوماتتاندىرىلماعان.
6. مەملەكەتتىك قىزمەت:
1) «قازاقستان رەسپۋبليكاسىنىڭ ازاماتتىعى تۋرالى» قازاقستان رەسپۋبليكاسى زاڭىنىڭ;
2) «قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيا تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 10 قازانداعى № 198 جارلىعىنىڭ;
3) ستاندارتتىڭ نەگىزىندە كورسەتىلەدى.
7. تۇتىنۋشىعا قازاقستان رەسپۋبليكاسىنىڭ ازاماتتىعىنا قابىلداۋ نە قازاقستان رەسپۋبليكاسىنىڭ ازاماتتىعىنان شىعۋ تۋرالى انىقتاما (قاعاز تاسىمالداعىشتا) بەرۋ نە بولماسا قىزمەت ۇسىنۋدان باس تارتۋ تۋرالى دايەكتى جاۋاپ مەملەكەتتىك قىزمەتتىڭ اياقتالۋ ناتيجەسى بولىپ تابىلادى.

2. مەملەكەتتىك قىزمەت كورسەتۋگە قويىلاتىن تالاپتار
8. مەملەكەتتىك قىزمەتتى كوشى-قون پوليتسياسى بولىنىستەرى تۇتىنۋشىنىڭ تۇراقتى تۇرعىلىقتى جەرى بويىنشا كورسەتەدى.
9. مەملەكەتتىك قىزمەت اپتاسىنا بەس جۇمىس كۇنى 13.00-دەن 14.00-گە دەيىنگى تۇسكى ۇزىلىسپەن ساعات 9.00-دەن 18.30-عا دەيىن, سونداي-اق سەنبى كۇنى ساعات 09.00-دەن 13.00-گە دەيىن كورسەتىلەدى. قابىلداۋ كەزەككە تۇرۋ تارتىبىمەن, الدىن الا جازىلۋسىز جانە جەدەل قىزمەت كورسەتۋسىز جۇزەگە اسىرىلادى.
10. مەملەكەتتىك قىزمەت كورسەتۋ ءتارتىبى مەن قاجەتتى قۇجاتتار تۋرالى تولىق اقپارات, سونداي-اق ولاردى تولتىرۋ ۇلگىلەرى ءىىم-ءنىڭ: www.mvd.kz ينتەرنەت-رەسۋرسىندا «ىشكى ىستەر ورگاندارىنىڭ قىزمەتى تۋرالى» بولىمىندە جانە وبلىستار, استانا جانە الماتى قالالارى ىشكى ىستەر دەپارتامەنتتەرىنىڭ (بۇدان ءارى – ءىىد) ينتەرنەت رەسۋرسىندا, سونداي-اق رەسمي اقپارات كوزدەرى مەن كوشى-قون پوليتسياسى بولىنىستەرىنىڭ عيماراتتارىندا ورنالاسقان ستەندىلەردە ورنالاستىرىلادى.
11. تۇتىنۋشى مەملەكەتتىك قىزمەتتى الۋ ءۇشىن ستاندارتتىڭ 11-تارماعىنا سايكەس قۇجاتتاردى ۇسىنادى.
12. مەملەكەتتىك قىزمەت كورسەتۋ مەرزىمدەرى ستاندارتتىڭ 7-تارماعىندا بەلگىلەنگەن.
13. مەملەكەتتىق قىزمەتتى ۇسىنۋدان باس تارتۋ ءۇشىن نەگىزدەمەلەر ستاندارتتىڭ 16-تارماعىندا كوزدەلگەن.

3. مەملەكەتتىك قىزمەت كورسەتۋ پروتسەسىندەگى ءىس-ارەكەتتەردىڭ
ء(وزارا ءىس-قيمىل جاساسۋ) سيپاتتاماسى
14. كوشى-قون پوليتسياسى بولىنىستەرىندە قۇجاتتاردى قابىلداۋ «تەرەزەلەر» ارقىلى جۇزەگە اسىرىلادى, وندا كوشى-قون پوليتسياسى ينسپەكتورىنىڭ تەگى, اتى, اكەسىنىڭ اتى جانە لاۋازىمى كورسەتىلەدى.
قۇجاتتاردى كوشى-قون پوليتسياسى بولىنىسىنە تاپسىرعاننان كەيىن تۇتىنۋشىعا ستاندارتقا 2-قوسىمشاعا سايكەس نىسان بويىنشا مىنالاردى:
قۇجاتتاردىڭ ءنومىرىن جانە قابىلداۋ كۇنىن;
سۇراۋ سالىنعان مەملەكەتتىك قىزمەتتىڭ ءتۇرىن;
قۇجاتتاردى بەرۋ كۇنىن, ۋاقىتىن جانە ورنىن;
قۇجاتتاردى قابىلداعان كوشى-قون پوليتسياسى قىزمەتكەرىنىڭ تەگىن, اتى, اكەسىنىڭ اتىن كورسەتە وتىرىپ, ءتيىستى قۇجاتتاردى قابىلداۋ تۋرالى تالون بەرىلەدى.
15. اقپاراتتىق قاۋىپسىزدىككە تالاپتار جوق.
16. مەملەكەتتىك قىزمەت كورسەتۋ پروتسەسىنە مىناداي قفب:
1) ىشكى ىستەر ورگاندارىنىڭ قالالىق, اۋداندىق (قالاداعى), كەنتتىك كوشى-قون پوليتسياسى ءبولىمىنىڭ (بولىمشە, توپ ) قىزمەتكەرى;
2) ءىىد كوشى-قون پوليتسياسى باسقارماسىنىڭ قىزمەتكەرى;
3) قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ وبلىستارداعى, استانا جانە الماتى قالالارىنداعى دەپارتامەنتتەرى;
4) ءىىد-ءنىڭ باستىعى, ءىىد باستىعىنىڭ ورىنباسارى;
5) ءىىم كقپك ازاماتتىق جانە يمميگراتسيا باسقارماسى;
6) كوميسسيا تارتىلادى.
17. ءاربىر اكىمشىلىك ءىس-قيمىلدى ء(راسىمدى) ورىنداۋ مەرزىمىن كورسەتە وتىرىپ, ءاربىر قفب-نىڭ اكىمشىلىك ءىس-ارەكىتىنىڭ ء(راسىمىنىڭ) دايەكتىلىگى مەن ءوزارا ءىس-قيمىل جاساسۋىنىڭ ماتىندىك كەستەلىك سيپاتتاماسى وسى رەگلامەنتكە 1-قوسىمشادا كەلتىرىلگەن.
18. مەملەكەتتىك قىزمەت كورسەتۋ پروتسەسىندە اكىمشىلىك ءىس-ارەكەتتىڭ قيسىندى دايەكتىلىگى مەن قفب اراسىنداعى ءوزارا ءىس-قيمىل جاساسۋ سىزباسى وسى رەگلامەنتكە 2-قوسىمشادا كەلتىرىلگەن.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 26 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8220 بولىپ ەنگىزىلدى.