وقۋ كۋرستارى 2017-2021 جىلدارعا ارنالعان «ەڭبەك» مەملەكەتتىك ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى شەڭبەرىندە جۇزەگە اسىرىلىپ جاتىر. 2019 جىلى بارلىعى مىڭعا جۋىق ادامدى قىسقا مەرزىمدى وقىتۋ كوزدەلىپ وتىر. بۇگىنگى كۇنى 711 قاتىسۋشى 18 ماماندىق بويىنشا 11 وقۋ ۇيىمىنا جىبەرىلدى. ونىڭ 247-ءسى كۋرستى اياقتاپ, 109 -ى جۇمىسقا تۇردى. سونداي-اق كوميسسيا 289 جاڭا بيزنەس يدەيانى جۇزەگە اسىرۋعا گرانت بەرۋدى قۇپتادى. وقۋ كەزىندە قاتىسۋشىلارعا اي سايىن 16759 تەڭگە كولەمىندە شاكىرتاقى بەرىلەدى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ جوسپارىنا تۇزەتۋگە سايكەس, قوسىمشا 450 ادامدى قىسقا مەرزىمدى كۋرستان وتكىزۋ كوزدەلگەن. قازىرگى كۇنى توپتاردى جاساقتاۋ ءۇشىن الدىن الا تىركەلۋ ءجۇرىپ جاتىر. قىسقا مەرزىمدى وقۋ كۋرستارى ەسەپشى, سلەسار-سانتەحنيك, اسپاز, ناۋبايشى كونديتەر, Web-ديزاين, اكىمشى, تىگىنشى, مەكتەپكە دەيىنگى مەكەمەنىڭ تاربيەشىسى, ۋقالاۋشى, شاشتاراز, كيبەر قاۋىپسىزدىك سالاسىنىڭ مامانى, ۆيدەوگرافيكا جانە انيماتسيا, ەلەكتردانەكەرلەۋشى, مەكتەپكە دەيىنگى ءبىلىم بەرۋ پەداگوگى, اۆتوەلەكتريك, ريەلتور, مەملەكەتتىك ساتىپ الۋ بويىنشا مامان, ۆيدەوينجەنەر وپەراتور, مۋزىكا تەراپەۆت, ينەتەراپەۆت, ساراپشى-باعالاۋشى, سۋردراۋدارماشى جانە ۆيزاجيست ماماندىقتارى بويىنشا ءجۇرىپ جاتىر.
