ءبىر حالىقتى ەكىگە بولگەن بەرلين قابىرعاسىنىڭ بۇزىلعانىنا 30 جىل تولۋىنا وراي جولدانعان جەدەلحاتتا, بۇل تەك ءبىر مەملەكەتتىڭ بىرىگۋىنە عانا ەمەس, اجىراپ قالعان وتباسىلاردىڭ, تۋعان-تۋىستاردىڭ قايتا قاۋىشۋىنا جول اشتى دەلىنگەن.
«بۇل تاريحي وقيعا تەك ەۋروپانىڭ عانا ەمەس, الەمنىڭ تاريحىن وزگەرتكەنى ءسوزسىز. وسى جىلدار ىشىندە گەرمانيا قالپىنا كەلىپ, مەملەكەتتى ساياسي, ەكونوميكالىق, الەۋمەتتىك جاعىنان دامىتۋدا دۇنيەجۇزىنە ۇلگى بولدى», دەپ جازدى قازاقستان پرەزيدەنتى.
جەدەلحاتتا قازاقستان مەن گەرمانيا اراسىندا قارىم-قاتىناستار دوستىق پەن ءوزارا قولداۋ رۋحىندا قالىپتاسقانىنا ەرەكشە ريزاشىلىق بىلدىرىلگەن.
قازاقستان پرەزيدەنتى ەكى ەل اراسىنداعى ىنتىماقتاستىق بارلىق سالالار بويىنشا جالعاسىن تاۋىپ, حالىقتار يگىلىگى ءۇشىن ودان ءارى نىعايا بەرەتىنىنە سەنىم بىلدىرەدى.
