جوعارى وقۋ ورنىنىڭ پرورەكتورى نۇرلان مەدەتوۆ قۇقىق قورعاۋ ورگاندارىنىڭ قوعامداعى ءرولىن ەرەكشە اتاپ ءوتتى.
- بىرىنشىدەن, بۇل - ۋنيۆەرسيتەتتى بىتىرگەن ستۋدەنتتەر ءۇشىن ىشكى ىستەر ورگاندارىندا جۇمىس ىستەۋگە جاقسى مۇمكىندىك. بىزدە دەنە شىنىقتىرۋ جانە سپورت فاكۋلتەتى, تاريح, پسيحولوگيا فاكۋلتەتتەرى بار. بۇل ماماندار قۇقىق قورعاۋ ورگاندارىندا سۇرانىسقا يە. ەكىنشىدەن, ءبىزدىڭ ستۋدەنتتەر دەپارتامەنت مۋزەيىنە بارۋعا, مۇراعاتتىق قۇجاتتارعا قول جەتكىزۋگە مۇمكىندىك الادى.
قمپۋ – وسىنداي مەموراندۋمدارعا قول قويىلعان ءۇشىنشى جوو. الداعى ۋاقىتتا پوليتسەيلەر ستۋدەنتتەرمەن كەزدەسۋ وتكىزۋدى جوسپارلاپ وتىر, وندا ىشكى ىستەر ورگاندارىنداعى قىزمەتى تۋرالى ەگجەي-تەگجەيلى باياندايتىن بولادى.
- پوليتسياداعى قىزمەت - بۇل, ءبىرىنشى كەزەكتە, كەز كەلگەن ۋاقىتتا ازاماتتاردى قورعاۋ جانە قۇقىقتىق ءتارتىپتى قامتاماسىز ەتۋگە دايىن بولۋ. سوندىقتان قىزمەتكە ىرىكتەۋ كريتەريلەرىنىڭ نەگىزى - موتيۆاتسيالىق, ادىلدىك, ادالدىق, جاۋاپكەرشىلىك جانە تاۋەكەلگە دايىن بولۋ, - دەپ اتاپ ءوتتى قوستاناي وبلىستىق پد باستىعىنىڭ ورىنباسارى ارداق ىنتىقباەۆ.
ا.ىنتىقباەۆ, سونداي-اق, ءىىو قاتارىندا جاس قىزمەتكەرلەر قىزمەتتىك كيىم-كەشەكپەن, دەپارتامەنت ەمحاناسىندا مەديتسينالىق قىزمەت كورسەتۋمەن, ءىىم جوعارى وقۋ ورىندارىندا تەگىن وقىتۋمەن, سونداي-اق, تۇرعىن ءۇيدى جالعا العانى ءۇشىن وتەماقى الاتىنىن اتاپ ءوتتى.
