رۋحانيات • 03 قازان، 2019

ەكراندا – بەكزات بەينەسى

44 رەت كورسەتىلدى

تۇركىستاندا «بەكزات» كوركەم ءفيلمىنىڭ تۇساۋكەسەرى ءوتتى. «حابار» اگەنتتىگىنىڭ تاپسىرىسىمەن تۇسىرىلگەن فيلم سيدنەي وليمپياداسىنىڭ چەم­پيونى، جاسىنداي جارق ەتكەن جۇلدىز بەكزات ساتتار­حانوۆتىڭ ومىرىنە ارنالعان.

ەرتە سونگەن جۇلدىزدىڭ ساناۋلى عۇمىرىنداعى جىگەرلى جەتىستىكتەرىن، قايتپاس قايسارلىعىن، ۇلجاندىلىعى مەن نامىسقويلىعىن كورسەتۋ ارقىلى بۇگىنگى ۇرپاقتى رۋحتاندىرۋ، سالاماتتى ءومىر سالتىن ناسيحاتتاۋدى ماق­سات ەتكەن ءفيلمنىڭ العاشقى كور­سە­تىلىمىنە داڭقتى سپورتشىنىڭ اتا-اناسى، تۋىستارى ارنايى قاتىستى. «بەكزاتتىڭ يماندىلىعى، ۇلكەندى سىيلايتىن كىشىپەيىلدىلىگى، قازاقىلىعى، تاباندىلىعى، العا قويعان ماقساتىن ورىندايتىن قايسار مىنەزى قازىرگى قازاق جاستارىنا كەرەك»، دەيدى بەكزاتتىڭ اكەسى سەيىلحان ساتتارحانوۆ.

فيلم تۇساۋكەسەرىندە ءسوز العان  «حابار» اگەنتتىگى» اق باسقارما تور­­اعاسىنىڭ ءبىرىنشى ورىنباسارى رينات كەرتاەۆ ءفيلمنىڭ ءتۇسىرىلىم جۇ­مىستارى تۇركىستان، الماتى جانە ىستانبۇل قالالارىندا وتكەنىن ايتىپ ءوتتى. كارتينانىڭ رەجيسسەرى – مۇرات بيدوسوۆ، ستسەناريىن سەرجان زاكەر ۇلى جازعان. باستى ءرولدى 2006-2007 جىلدارى كيكبوكستان جاستار اراسىندا ەكى رەت قازاقستان چەمپيونى بولعان جاس اكتەر سامات ازىمقۇلوۆ سومداعان. ءفيلمنىڭ سيۋجەتتىك جەلىسىندە بەكزات ساتتارحانوۆتىڭ بالالىق شاعى، بوزبالا كەزەڭى جانە ءومىرىنىڭ سوڭعى ءساتى قامتىلعان. تۇركىستان قالاسىنداعى تەمىر جولدى بويلاي ورنالاسقان شا­عىن اۋىلدىڭ قاراپايىم تىرشىلىگى بالا بەكزاتتىڭ كوزىمەن بەينەلەنەدى. بوكس­قا كەلگەن العاشقى ساتتەرى، ايان­باي تەر توككەن جاتتىعۋلارى، جارىس­تار­داعى جەڭىسى، وليمپيادا شىڭىن با­عىندىرعان ساتتەرى كورىنىس تاپقان تولىق­مەترلى كارتينا قازاننان باستاپ ەلىمىزدىڭ كينوتەاترلارىندا كورەرمەن نازارىنا ۇسىنىلماق. ال «حابار» ارناسىندا جەلتوقسان ايىندا كورسەتىلەدى.

 تۇركىستان وبلىسى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار