يۋنەسكو-نىڭ 2015 جىلعى 17 قاراشاداعى شەشىمىنە بايلانىستى (38س/70) 28 قىركۇيەك حالىقارالىق اقپاراتقا جالپىعا قول جەتىمدىلىك كۇنى بولىپ جاريالانعان بولاتىن. بۇل حالىقارالىق كۇن قوعامنىڭ اقپاراتقا قول جەتىمدىلىگى مەن ارنايى بوستاندىقتاردى قورعاۋدى تالاپ ەتەتەىن 2030 تۇراقتى دامۋ ءتارتىبىن, اتاپ ايتقاندا, 16.10 تۇراقتى دامۋ ماقساتتارىن جۇزەگە اسىرۋدا ەرەكشە ماڭىزعا يە. ءىس-شارانىڭ ماقساتى - ورتالىق ازياداعى تۇراقتى دامۋ سالاسىنداعى قىزمەتتى جۇزەگە اسىرۋ ءۇشىن اقپاراتقا قول جەتىمدىلىكتىڭ ماڭىزدىلىعىنا نازار اۋدارۋ. عىلىمي پىكىرتالاس حالىقتىڭ اقپاراتقا قول جەتىمدىلىگىن قامتاماسىز ەتۋ, تۇراقتى دامۋ ماقساتتارى ءۇشىن جۋرناليستىك ءبىلىم بەرۋ, اقپاراتقا قول جەتىمدىلىك, ورتا ازيا ەلدەرىنىڭ زاڭدارىنا شولۋ سەكىلدى نەگىزگى باعىتتار بويىنشا وتكىزىلەدى. بۇۇ-نىڭ قازاقستان رەسپۋبليكاسىنداعى اقپاراتتىق بيۋروسىمەن جانە ءال-فارابي اتىنداعى قازاق ۇلتتىق ۋنيۆەرسيتەتىمەن بىرلەسىپ ۇيىمداستىرىلعان سەمينارعا وزبەكستان, قىرعىستان, قاراقالپاقستان, تاجىكستان, قازاقستان ۋنيۆەرسيتەتتەرى جۋرناليستيكا كافەدراسىنىڭ پروفەسسورلارى, ستۋدەنتتەرى, ماگيسترانتتارى مەن دوكتورانتتارى جانە وتاندىق اقپارات قۇرالدارىنىڭ وكىلدەرى قاتىسادى.
سونداي-اق شاراعا اۋستراليالىق عالىم, سيدنەي ۋنيۆەرسيتەتىنىڭ باق جانە كوممۋنيكاتسيالار دەپارتامەنتىنىڭ قىزمەتكەرى بەاتە دجوزەفي ارنايى شاقىرىلعان.
ول بولاشاق جۋرناليستەردىڭ الدىندا ءدارىس وقىپ, ءوز تاجىريبەسىمەن بولىسپەك.
