قازاقستان رەسپۋبليكاسى ۇكىمەتى قاۋلىسى №1552

سەنبى, 2 اقپان 2013 6:26

2012 جىلعى 6 جەلتوقسان

تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتاردى بەكiتۋ تۋرالى

«تاۋار بيرجالارى تۋرالى» 2009 جىلعى 4 مامىرداعى قازاقستان رەسپۋبليكاسىنىڭ زاڭى 3-بابىنىڭ 6-3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتار بەكىتىلسىن.

2. وسى قاۋلى العاشقى رەسمي جاريالانعان كۇنiنەن باستاپ كۇنتiزبەلiك ون كۇن وتكەن سوڭ قولدانىسقا ەنگiزiلەدi.

سەنبى, 2 اقپان 2013 6:26

2012 جىلعى 6 جەلتوقسان

تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتاردى بەكiتۋ تۋرالى

«تاۋار بيرجالارى تۋرالى» 2009 جىلعى 4 مامىرداعى قازاقستان رەسپۋبليكاسىنىڭ زاڭى 3-بابىنىڭ 6-3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتار بەكىتىلسىن.

2. وسى قاۋلى العاشقى رەسمي جاريالانعان كۇنiنەن باستاپ كۇنتiزبەلiك ون كۇن وتكەن سوڭ قولدانىسقا ەنگiزiلەدi.

قازاقستان رەسپۋبليكاسىنىڭ پرەمەر-ءمينيسترى    س. احمەتوۆ.

قازاقستان رەسپۋبليكاسى ۇكىمەتىنىڭ 2012جىلعى 6 جەلتوقسانداعى №1552قاۋلىسىمەن بەكىتىلگەن

تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتار

1.جالپى ەرەجەلەر

1. وسى تاۋار بيرجالارىنىڭ ەلەكتروندىق ساۋدا جۇيەسiنە قويىلاتىن مiندەتتi تالاپتار (بۇدان ءارى – مىندەتتى تالاپتار) تاۋار بيرجالارى پايدالاناتىن ەلەكتروندىق ساۋدا جۇيەسىنە تالاپتاردى بەلگىلەيدى.

2. وسى مىندەتتى تالاپتار تاۋار بيرجالارىنىڭ باعدارلامالىق جانە اپپاراتتىق قامتىلىمىنا, اقپاراتتىق قاۋىپسىزدىككە,جابدىقتاردى ورنالاستىرۋعا قويىلاتىن تالاپتاردى, سونداي-اق تاۋار بيرجاسىنىڭ ەلەكتروندىق ساۋدا جۇيەسىنىڭ ءتيىمدى جانە ۇزدىكسىز جۇمىس ىستەۋى ماقساتىندا ساقتالۋى قاجەت وزگە ۇيىمداستىرۋشىلىق-تەحنيكالىق تالاپتاردى قامتيدى.

3. تاۋار بيرجالارىنىڭ وسى مىندەتتى تالاپتارعا جاۋاپ بەرمەيتىن ەلەكتروندىق ساۋدا جۇيەلەرiن پايدالانۋىنا جول بەرىلمەيدى.

4. وسى مىندەتتى تالاپتاردا مىناداي ۇعىمدار مەن انىقتامالار پايدالانىلادى:

1) باعدارلامالىق قۇرال (بۇدان ءارى – بق) – باعدارلامالاردان, راسىمدەردەن, ەرەجەلەردەن, دەرەكتەردى وڭدەۋ جۇيەسىنىڭ جۇمىس ىستەۋىنە قاتىستى باسقا ىلەسپەلى قۇجاتتامالار مەن دەرەكتەردەن تۇراتىن وبەكتى;

2) تاۋار بيرجالارىنىڭ ەلەكتروندىق ساۋدا جۇيەسi (بۇدان ءارى – تبەسج) – ەلەكتروندىق بيرجالىق ساۋدا-ساتتىقتى وتكiزۋ ءۇشىن قاجەتتi جانە بيرجالىق مامiلەلەر مەن كليرينگ جاساسۋ, سونداي-اق اقپاراتتى جيناۋ, ساقتاۋ, وڭدەۋ جانە اشۋ پروتسەسiن اۆتوماتتاندىرۋدى قامتاماسىز ەتەتىن, تاۋار بيرجاسىنىڭ ەسەپتەۋ قۇرالدارى, باعدارلامالىق قامتىلىمى, دەرەكقورلارى, تەلەكوممۋنيكاتسيالىق قۇرالدارى جانە باسقا دا جابدىقتارى كەشەنi;

3) سەرۆەر – جەلى رەسۋرستارىنىڭ ناقتى ءتۇرىن باسقاراتىن ەسەپتەۋ ماشيناسى (جۇيەسى);

4) جۇمىس ستانساسى (تەرمينال) – تاۋار بيرجاسىنىڭ ەلەكتروندىق ساۋدا جۇيەسiنە قوسىلعان بيرجا مۇشەسىندە بولاتىن مامانداندىرىلعان باعدارلامالىق قامتىلىمى بار كومپيۋتەر.

2. تاۋار بيرجالارىنىڭ ەلەكتروندىق ساۋدا جۇيەسiنە  قويىلاتىن مiندەتتi تالاپتار

5. تبەسج:

1) جەرگىلىكتى ەسەپتەۋ جەلىلەر جاعدايلارىندا جۇمىس ىستەۋدى;

2) كورپوراتيۆتى ەسەپتەۋ جەلىلەرى جاعدايلارىندا جۇمىس ىستەۋدى;

3) دەرەكقورلارمەن بايلانىس نەگىزىندە بروكەرلەر, ديلەرلەر جانە ولاردىڭ كليەنتتەرى تۋرالى اقپاراتتى ۇيىمداستىرۋدى, ساقتاۋدى جانە كورسەتۋدى;

4) دەرەكقورلارمەن بايلانىس نەگىزىندە وتىنىمدەر, مامىلەلەر, ساۋدا-ساتتىق ناتيجەلەرى, حابارلامالار بويىنشا اقپاراتتى ساقتاۋدى جانە كورسەتۋدى;

5) دەرەكقوردا اقپاراتتى ساقتاۋ مەن كورسەتۋدى;

6) قىسقا نۇسقاۋلىقتارمەن, ەسكە تۇسىرۋلەرمەن جانە تۇسىندىرمەلەرمەن سۇيەمەلدەنەتىن ءمازىر جۇيەسى ارقىلى باعدارلامالىق قۇرالدار كەشەنىنىڭ جۇمىسىن ۇيىمداستىرۋدى;

7) ناقتى ۋاقىت رەجيمىندە جۇيەنىڭ قاتىسۋشىلارى اراسىندا تۇراقتى اقپارات الماسۋدى ء(وزارا ورنالاسۋ ورنىنان تاۋەلسىز);

8) بيرجانىڭ ساۋدا زالىنان تىس جۇيەدە بيرجا مۇشەلەرىنىڭ (بروكەرلەر, ديلەرلەر) جۇمىسىن;

9) كەز-كەلگەن جۇمىس ستانساسىنان (تەرمينالدان) ەنگىزىلگەن اقپاراتتىڭ, تاۋار بيرجاسىنىڭ ەلەكتروندىق ساۋدا جۇيەسiنە قوسىلعان بارلىق قاتىسۋشىلارعا شۇعىل جالپىعا قولجەتىمدى بولۋىن قامتاماسىز ەتەتىن تەحنولوگيانى;

10) جۇيەدە اينالىمداعى اقپاراتتى بىرىزدەندىرۋدى بيرجالار الدىن الا بەلگىلەگەن ەرەجەلەر بويىنشا قالىپتاستىرىلعان جاعدايدا عانا اقپاراتتىڭ جۇيەگە ءتۇسۋىن (قانداي دا ءبىر جۇمىس ستانساسىنان ەنگىزىلگەن);

11) ساتىلاتىن جەكەلەگەن اكتيۆتەر (قارجى قۇرالدارى, تاۋارلار جانە ت.ب.) نارىعىنىڭ جاعدايى, اكتيۆتەر توبى, اينالىم كولەمى, سۇرانىس پەن ۇسىنىس كولەمى, باعا بەلگىلەۋلەر, اشىق مۇددە كولەمى (ىسكە اسىرىلماعان كولەم), لوتتار مولشەرى, ءار ءتۇرلى ولشەمدەر بويىنشا اقپارات ىزدەۋدىڭ تەز جانە وڭاي پروتسەستەرى بويىنشا قاجەتتى تالداۋ ماتەريالىن ىرىكتەمەنى قالىپتاستىرۋدى;

12) ستاندارتتى بانكارالىق الماسۋ حاتتامالارىنىڭ جانە بيرجالىق اقپاراتپەن الماسۋ حاتتامالارىنىڭ كومەگىمەن سىرتقى جۇيەلەرمەن اقپارات الماسۋ مۇمكىندىگىن قامتاماسىز ەتۋى ءتيىس.

6. تبەسج قۇرامىندا مىناداي وقيعالار مەن دەرەكتەر:

1) ساۋدا-ساتتىقتىڭ اشىلۋى;

2) ساۋدا-ساتتىقتىڭ جابىلۋى;

3) ساۋدا-ساتتىق قاتىسۋشىسىن سايكەستەندىرۋ;

4) ساۋدا-ساتتىق قاتىسۋشىسىنىڭ جۇيەگە كىرۋ ۋاقىتى;

5) ساۋدا-ساتتىق قاتىسۋشىسىنىڭ جۇيەدەن شىعۋ ۋاقىتى;

6) ساۋدا-ساتتىق قاتىسۋشىسىنىڭ ءوتىنىمىن ۇسىنۋ ۋاقىتى;

7) ساۋدا-ساتتىق قاتىسۋشىسىنىڭ ءوتىنىمىن قايتارىپ الۋ ۋاقىتى;

8) ساۋدا-ساتتىق قاتىسۋشىسىنىڭ ءوتىنىمىن وزگەرتۋ ۋاقىتى;

9) ساۋدا-ساتتىق قاتىسۋشىسىنىڭ مامىلە جاساۋ ۋاقىتى;

10) اكتيۆ اتاۋى;

11) وتىنىمدەگى اكتيۆ سانى;

12) لوت سانى;

13) اكتيۆ باعاسى مازمۇنىن تىركەيتىن ساۋدا-ساتتىق سەسسيالارى بويىنشا وقيعالاردى ەسەپكە الۋدىڭ اۆتوماتتاندىرىلعان ەسەپ جۋرنالى (بۇدان ءارى – وقيعالار جۋرنالى) بولۋى ءتيىس.

ۋاقىتتى تىركەۋ فورماتى  – جىل, اي, كۇن, ساعات, مينۋت, سەكۋند (كەمىندە 0,1 سەكۋندقا دەيىنگى دالدىكپەن).

7. تبەسج وتكىزىلگەن بيرجالىق ساۋدا-ساتتىق بويىنشا ەسەپتەر دەرەكتەرىنىڭ وقيعالار جۋرنالىنىڭ مازمۇنىنا كاتاڭ سايكەستىگىن قامتاماسىز ەتۋى ءتيىس.

8. تبەسج وقيعالار جۋرنالىندا ورىندالاتىن وپەراتسياعا اۆتوماتتى تۇردە بەرىلەتىن بىرەگەي ءنومىردى جۇرگىزۋدى قامتاماسىز ەتۋى ءتيىس.

9. تبەسج قول جەتكىزۋ شەكتەلگەن اقپاراتتىق رەسۋرستارعا جاتادى جانە جالپىعا قولجەتىمدى سەرۆەرلەردە ورنالاستىرىلمايدى.

10. تبەسج باعدارلامالىق قامتىلىمىنا مىناداي تالاپتار قويىلۋى ءتيىس:

1) تبەسج بق ليتسەنزيالىق باعدارلامالىق قامتاماسىز ەتۋدى پايدالانا وتىرىپ ازىرلەنۋى جانە قولدانىلۋى ءتيىس;

2) اقپاراتتىڭ تولىق نەمەسە ءىشىنارا جوعالۋىنىڭ الدىن الۋ جانە دەرەكقور تۇتاستىعى بۇزىلۋىنىڭ الدىن الۋ ءۇشىن تبەسج بق پايدالانۋشى قاتەلىكتەرىن, تەحنيكالىق ىستەن شىعۋ كەزىندە تۋىندايتىن قاتەلىكتەرىن جانە  پايدالانۋشىعا كەيىنگى ءىس-قيمىلدار سيپاتتالعان حابارلامالاردى بەرە وتىرىپ  دەرەكقور قاتەلىكتەرىن وڭدەۋدى قامتاماسىز ەتەتىندەي قۇرىلۋى ءتيىس;

3) تبەسج بق-دا: پايدالانۋشىنى سايكەستەندىرۋ (تانۋ), بىردەيلەندىرۋ (تۇپنۇسقالىلىعىن راستاۋ) ي اۆتورلاندىرۋ (وكىلدىكتەر بەرۋ); تبەسج رەسۋرستارىنا قولجەتىمدىلىكتى باقىلاۋ; تبەسج بولىپ جاتقان وقيعالاردى تىركەۋ جانە تالداۋ; تبەسج رەسۋرستارىنىڭ تۇتاستىعىن باقىلاۋ سياقتى فۋنكتسيالاردى قامتاماسىز ەتەتىن باعدارلامالار جۇمىسىنا باقىلاۋ ءمودۋلى بولۋى ءتيىس;

4) تبەسج بق ساۋدا-ساتتىق قورىتىندىلارى بويىنشا قالىپتاستىرىلعان شىعارۋ دەرەكتەرىنە وزگەرىستەر ەنگىزۋگە مۇمكىندىك بەرمەۋى ءتيىس;

5) تبەسج بق ەنگىزىلەتىن دەرەكتەردىڭ تولىقتىعىن جانە دۇرىستىعىن باقىلاۋدى قامتاماسىز ەتۋى ءتيىس;

6) تبەسج بق ساۋدا-ساتتىق جۇيەسى; ەسەپتىك-كليرينگتىك جۇيە; اقپاراتتىق-تالداۋ جۇيەسى; دەرەكتەر بەرۋ جەلىسى (ەگەر ساۋدا-ساتتىق جۇيەسىنىڭ تەحنولوگيالىق پروتسەسى وسىنداي جۇيەمەن ءوزارا ءىس-قيمىل جاساۋدى كوزدەيتىن بولسا) باعدارلامالىق جۇيەلەردى قامتۋى (نەمەسە قولدانىستاعى سياقتى باعدارلامالىق جۇيەلەرمەن ەلەكتروندىق ءوزارا ءىس-قيمىل جاساۋدى قامتاماسىز ەتۋى ءتيىس).

11. تبەسج اپپاراتتىق قامتاماسىز ەتىلۋىنە مىناداي تالاپتار قويىلادى:

1) سەرۆەر جانە كوممۋنيكاتسيالىق جابدىق بيرجالاردا قابىلدانعان جۇمىستار رەگلامەنتىن قامتاماسىز ەتۋ ءۇشiن جەتكiلiكتى, بىراق سەكۋندىنا كەمىندە ءجۇز ترانزاكتسيا جاساۋ ونiمدiلiگىن;

2) اۋقىمدىلىق – اقپاراتتىڭ ءوسىپ وتىرعان كولەمىن وڭدەۋ مۇمكiندىگىن قامتاماسىز ەتۋi ءتيىس;

3) سەنiمدiلىگى جوعارى جۇيەلەردى ۇيىمداستىرۋ ءۇشiن سەرۆەردى ديسكتi جيناقتاعىشتار مەن جانە «جەدەل الماستىرىلاتىن» قورەكتەنۋ كوزدەرiمەن (ارتىق قورەكتەنۋمەن) جاراقتاندىرۋ قاجەت;

4) سەرۆەردiڭ جەلدەتۋ جۇيەسى تەمپەراتۋرانى باقىلاۋ مۇمكiندiگiنە يە بولۋى ءتيىس;

5) سەرۆەردiڭ قورەكتەنۋi ءۇزiلiسسiز قورەكتەندىرۋ قۇرىلعىسى ارقىلى كiرەتiن كەرنەۋدi تۇراقتاندىرۋمەن جۇزەگە اسىرىلۋى ءتيىس. بۇل رەتتە, ءۇزiلiسسiز قورەكتەندىرۋ قۇرىلعىسىنىڭ قۋاتى سەرۆەر تۇتىناتىن قۋاتقا بايلانىستى تاڭدالۋى جانە باتارەيالاردان جۇمىس ىستەۋ ۋاقىتى كەمiندە 30 مينۋت بولۋىن قامتاماسىز ەتۋi جانە نومينالدى قۋاتى 75 پايىزدان اسپايتىن جۇكتەمەدە بولۋى ءتيىس;

6) ديسكتi جيناقتاعىشتاردا, سونداي-اق, دەرەكتەر ساقتاۋدىڭ سىرتقى قۇرىلعىلارىندا دەرەكتەردى رەزەرۆتەۋ قامتاماسىز ەتىلۋى ءتيىس;

7) سەرۆەرلەر قاتەلەردى تابۋ جانە تۇزەتۋ مامانداندىرىلعان جەدەل جادىسىمەن جاراقتانۋى ءتيىس;

8) جەلىلىك ينفراقۇرىلىم ورنىقتى جانە اۋقىمدى بولۋى ءتيىس. جەلiلەردiڭ ورنىقتىلىعى جەلىنى كەز كەلگەن اپپاراتتىق باس تارتۋلاردان  قورعايتىن فيزيكالىق ارتىقشىلىقتان (قۇرالداردى «جەدەل» رەزەرۆتەۋ), سەرۆەرلiك قۇرالدار ءۇشiن قوسىلىستاردى اگرەگاتتاۋ حاتتامالارىن پايدالانۋدان تۇرادى.

تبەسج-گە جالپى پايدالانۋ كانالدارى ارقىلى الشاق قوسىلۋ كەزىندە كەمىندە ەكى تاۋەلسىز پروۆايدەر ارقىلى بايلانىس ارنالارىن رەزەرۆتەۋ كوزدەلۋى ءتيىس. بۇل رەتتە, رەزەرۆتىك بايلانىس ارنالارىنىڭ كەز كەلگەنىنەن باس تارتقان كەزدە كەزدە اۆتوماتتى ارناارالىق اۋىستىرىپ قوسۋ كۇيىنە كەلتىرىلۋى ءتيىس.

12. تبەسج اقپاراتتىق قاۋىپسىزدىگى بويىنشا مىناداي تالاپتار قويىلادى:

1) تبەسج اقپاراتتىق قاۋiپسiزدiگى ۇيىمداستىرۋشىلىق-تەحنيكالىق شارالار مەن اقپارات قورعاۋدىڭ باعدارلامالىق-اپپاراتتىق قۇرالدار كەشەنىن قامتيتىن جۇيەمەن قامتاماسىز ەتiلۋi ءتيىس;

2) تبەسج دەرەكتەردى رۇقسات ەتiلمەگەن قولجەتىمدىلىكتەن قورعاۋدى قامتيتىن دەرەكتەردi كوپدەڭگەيلi قورعاۋدى قامتاماسىز ەتۋi ءتيىس – جۇيەگە كiرەردە سايكەستەندىرۋ جانە بىردەيلەندىرۋ راسىمدەرىن پايدالانۋ, اقپاراتتى شيفرلەۋ راسىمدەرىنىڭ بولۋى, دەرەكتەرگە, پايدالانۋشىلار وكiلەتتiكتەرiنە سايكەس ولاردىڭ بiرنەشە تۇرلەرiنiڭ بولۋىن كوزدەيتىن كوپدەڭگەيلi قولجەتىمدىلىك;

3) تاۋار بيرجاسىنىڭ ۋاكىلەتتى ورگانى (ديرەكتورلار كەڭەسى نەمەسە باسقارما) تبەسج اقپاراتتىق قاۋىپسىزدىگىنە قاتىستى تبەسج قۇپيا سوزبەن قورعاۋ جانە قولجەتىمدىلىكتى باسقارۋ; تبەسج فيزيكالىق قاۋiپسiزدiگi; تبەسج دەرەكتەرىن رەزەرۆتىك كوشiرۋ جانە قالپىنا كەلتiرۋ; قاۋىپسىزدىككە  تونگەن قاۋىپ-قاتەرلەردى جانە تبەسج قالىپتى جۇمىس ىستەۋىنىڭ بۇزىلۋىمەن بايلانىستى سەبەپتەر مەن شارتتاردى ۋاقتىلى انىقتاۋعا باعىتتالعان قاۋىپسىزدىك ساياساتى ماسەلەلەرى بويىنشا ىشكى نورماتيۆتىك قۇجاتتاردى بەكىتۋى ءتيىس;

4) بيرجا قاتىسۋشىلارىنىڭ تبەسج-دا اقپاراتتى كريپتوگرافيالىق قورعاۋ قۇرالدارىن, ونىڭ ىشىندە ەلەكتروندىق تسيفرلىق قولتاڭبا قۇرالدارىن پايدالانۋ ارقىلى جۇمىسى زاڭنامادا بەلگى­لەنگەن تارتىپتە جۇزەگە اسىرىلۋى ءتيىس. بۇل رەتتە اقپارات الماسۋ ءۇشىن ساۋدا-ساتتىقتىڭ تەحنولو­گيالىق پروتسەسiنiڭ بارلىق قاتىسۋشىلارى ءۇشiن بiرىڭعاي شيفرلەۋ الگوريتمى قولدانىلۋى ءتيىس.

5) تبەسج بق اقپاراتتىق قاۋىپسىزدىگىن قامتاماسىز ەتۋ جۇيەسى قاۋىپسىزدىككە تونگەن قاۋىپ-قاتەرلەردى, سونداي-اق, ولاردىڭ قالىپتى جۇمىس ىستەۋىنىڭ بۇزىلۋىنا بايلانىستى سەبەپتەر مەن جاعدايلاردى ۋاقتىلى انىقتاۋدى قامتاماسىز ەتەتىن ءتيىستى قاۋىپسىزدىك ساياساتىمەن جۇزەگە اسىرىلۋى ءتيىس;

6) تبەسج-مەن قوسىلۋ قورعالعان نە بولىنگەن بايلانىس ارنالارى بويىنشا جۇزەگە اسىرىلۋى ءتيىس.

13. تبەسج جابدىعىن ورنالاستىرۋعا مىناداي تالاپتار قويىلادى:

1) تبەسج جابدىعى ۇزدىكسiز قورەكتەنۋ كوزiنىڭ بولۋى; كونديتسيونەرلەۋ جۇيەسىنىڭ بولۋى جونىندەگى تالاپتارعا جاۋاپ بەرەتىن سەرۆەرلىك ءۇي-جايدا ورنالاسۋى جانە قۇراستىرىلۋى ءتيىس; سەرۆەرلەر تۇرعىن ەمەس بولمەدە بولۋى ءتيىس; سەرۆەرلىك ءۇي-جاي جابدىعى مولشەرى كەمىندە 1,5 سم عيماراتتى كوندۋيتتى جەرگە تۇيىقتاۋ جۇيەسىنىڭ باس ەلەكترودىمەن قوسىلۋى ءتيىس; سەرۆەرلىك ءۇي-جاي توبەسىنىڭ بيىكتىگى كەمىندە 2,44 مەتر بولۋى ءتيىس; اۆتوماتتاندىرىلعان حاباردار ەتۋ جانە ءورت ءسوندىرۋ جۇيەسى; سەرۆەرلىك بولمەگە شەكتەلگەن قولجەتىمدىلىك, قولجەتىمدىلىكتى باقىلاۋ; سەرۆەرلىك ءۇي-جايدا وتكىزىلەتىن جۇمىستاردىڭ تىگىلگەن جۋرنالىنىڭ بولۋى;

2) سەرۆەرلiك ءۇي-جايدى ەلەكترمەن جابدىقتاۋ ەلەكتر قوندىرعىلارىن ورناتۋ قاعيدالارىن رەگلامەنتتەيتىن قازاقستان رەسپۋبليكاسى زاڭناماسىنىڭ تالاپتارىنا سايكەس I ساناتتى ەلەكتروقابىلداعىشتارمەن  قامتاماسىز ەتىلۋى ءتيىس.

14. تبەسج-گە ۇيىمداستىرۋشىلىق-تەحنيكالىق تالاپتار مىناداي پارامەترلەردى قامتيدى:

1) تبەسج توقتاۋسىز كەزەڭ نەگىزىندە تاۋلىگىنە 24 ساعات iشiندە (جۇمىس كۇندەرiندە) جۇمىس ىستەۋ مۇمكىندىگىن قامتاماسىز ەتۋى ءتيىس;

2) بيرجالىق ساۋدا-ساتتىققا ءاربiر قاتىسۋشى تاۋار بيرجاسىنىڭ ەلەكتروندىق ساۋدا-ساتتىق جۇيەسiنە تەڭ قۇقىقتاردى جانە قولجەتىمدىلىكتى يەلەنۋى ءتيىس. قاتىسۋشىلار سانى تبەسج ونiمدiلiگىمەن نەمەسە   اپپاراتتىق – باعدارلامالىق سيپاتتالارىمەن شەكتەلمەۋى ءتيىس;

3) بيرجانىڭ بولىنگەن جۇمىسىن ۇيىمداستىرۋ كەزىندە (قاشىقتاعى فيليالداردىڭ, وقشاۋلانعان بروكەرلىك ورىنداردىڭ, ساۋدا-ساتتىق الاڭدارىنىڭ جانە تاعى سول سياقتىلار ىستەۋى) بيرجالىق ساۋدا-ساتتىقتىڭ ەلەكتروندىق جۇيەسىنە قاشىقتان قول جەتكىزۋ نۇكتەلەرiنiڭ جۇمىس ىستەۋى ءۇشiن سەنiمدi بايلانىس ارنالارىمەن قامتاماسىز ەتىلۋى جانە ساۋدا-ساتتىققا قاتىسۋشىلار ءۇشiن ساۋدا جاساۋدىڭ تەڭ شارتتارى قامتاماسىز ەتىلۋى قاجەت. بۇل رەتتە بيرجا دەربەس تاڭداپ الىنعان جانە ساۋدا-ساتتىق قاتىسۋشىلارى پايدالاناتىن تەحنيكالىق سيپاتتامالارى مەن جيىنتىعى بار تەرمينالداردىڭ جۇمىس قابىلەتتىلىگىنە جاۋاپتى ەمەس;

4) قاشىقتان قولجەتىمدىلىك رەجيمىندە جۇمىس ىستەۋ كەزىندە بيرجا قاشىقتاعى ساۋدا-ساتتىق قاتىسۋشىلارىنىڭ قوسىلۋى ءۇشىن قاجەتتى پورتتار سانىمەن قامتاماسىز ەتۋى ءتيىس;

5) تاۋار بيرجاسىنىڭ ۋاكىلەتتى ورگانى (ديرەكتورلار كەڭەسى نەمەسە باسقارما) تاۋار بيرجاسىنىڭ ەلەكتروندىق ساۋدا جۇيەسىنە قوسىلۋ جانە وندا ساۋدا-ساتتىق قاتىسۋشىلارىنىڭ قاشىقتان قولجەتىمدىلىك رەجيمىندە جۇمىس ىستەۋى كەزىندەگى شارتتاردى, تالاپتاردى جانە تەحنيكالىق سيپاتتامالاردى ايقىندايتىن نورماتيۆتىك قۇجاتتى بەكىتۋى ءتيىس;

6) تبەسج-گە اتالعان سالادا ماماندار بولىپ تابىلاتىن شتاتتىق قىزمەتكەرلەر قىزمەت كورسەتۋى ءتيىس;

7) تاۋار بيرجاسىنىڭ تەحنيكالىق ورتالىقتارى ساۋدا-ساتتىق جۇيلەرىنىڭ ۇزدىكسىز جۇمىسىن قامتاماسىز ەتەتىن رەزەرۆتى بايلانىس ارنالارىمەن جانە رەزەرۆتىك ەلەكترقورەكتەنۋمەن جابدىقتالۋى ءتيىس.