تاراپتار ءوزارا ءىس-قيمىل پەرسپەكتيۆالارىن, اتاپ ايتقاندا, دىنارالىق كەلىسىم مەن وركەنيەتتەردىڭ جاھاندىق ديالوگىن نىعايتۋ جايىن تالقىلادى.
قازاقستان پرەزيدەنتى وركەنيەتتەر اليانسى بەيبىتشىلىكتى, ىنتىماقتاستىقتى قامتاماسىز ەتۋگە جانە وركەنيەتارالىق ديالوگتى قولداۋعا ۇلكەن ۇلەس قوسىپ كەلە جاتقان بەدەلدى حالىقارالىق ينستيتۋتتاردىڭ ءبىرى ەكەنىن اتاپ ءوتتى.
- قازاقستان وركەنيەتتەر اليانسىمەن بەلسەندى ىنتىماقتاستىققا دايىن. ەلىمىزدىڭ دەلەگاتسياسى اليانس فورۋمدارىنا تۇراقتى تۇردە قاتىسادى, - دەدى قاسىم-جومارت توقاەۆ.
پرەزيدەنت حالىقارالىق ۇيىمنىڭ باسشىسىنا الەمدىك جانە ءداستۇرلى دىندەر ليدەرلەرى سەزىنىڭ جۇمىسىن تۇراقتى قولداپ كەلە جاتقانىنا جانە 2018 جىلدىڭ قازان ايىندا وتكەن VI سەزىنە بەلسەندى قاتىسقانى ءۇشىن العىسىن ءبىلدىردى.
سونىمەن قاتار, مەملەكەت باسشىسى 12 قىركۇيەكتە بۇۇ شتاب-پاتەرىندە بۇۇ باس حاتشىسى انتونيۋ گۋتەرريش ۇسىنعان ءدىني عيبادات ورىندارىن قورعاۋ بويىنشا اليانس ازىرلەگەن ءىس-قيمىل جوسپارىنىڭ ىسكە اسىرىلا باستاعانىن قولدايتىنىن ايتتى.
ءوز كەزەگىندە ميگەل انحەل موراتورينوس قاسىم-جومارت توقاەۆتى قازاقستان پرەزيدەنتى لاۋازىمىنا سايلانۋىمەن قۇتتىقتاپ, ەلىمىزدىڭ مادەنيەت پەن وركەنيەتارالىق ديالوگتى دامىتۋ ىسىندەگى ەڭبەگىنە جوعارى باعا بەردى.
