«قاراساي اۋداندىق ورتالىق اۋرۋحانانىڭ بازاسىندا الماتى ايماقتىق بالالار كلينيكالىق اۋرۋحاناسى مەن الماتى قالالىق №1 كلينيكالىق اۋرۋحانانىڭ دارىگەرلەرى زارداپ شەككەن 2014 جىلعى قىز بالاعا وپەراتسيا جاسادى, ازىرگە بالانىڭ جاعدايى اۋىر. ال 2016 جىلعى ءبۇلدىرشىننىڭ دەنساۋلىق جاعدايى وتە اۋىر دەپ باعالانىپ وتىر. ەكى پاتسيەنت تە كومادا, جاساندى دەمالدىرۋ اپپاراتتارى قوسىلعان. ال انالارىنىڭ جاعدايى تۇراقتى اۋىر» دەلىنگەن حابارلامادا.
اكىمدىكتىڭ حابارلاۋىنشا, زارداپ شەككەندەرگە مەديتسينالىق كومەكتى جۇمىلدىرۋ ءۇشىن الماتى وبلىسى مەن الماتى قالاسىنداعى بىلىكتى ماماندار تارتىلدى. ولار - الماتى ايماقتىق بالالار كلينيكالىق اۋرۋحاناسىنىڭ, الماتى كوپسالالى كلينيكالىق اۋرۋحاناسىنىڭ, الماتى قالالىق № 1 كلينيكالىق اۋرۋحاناسىنىڭ بالالار جانە ۇلكەندەر نەيروحيرۋرگتارى, تراۆماتولوگتارى مەن رەانيماتولوگتارى. زارداپ شەككەندەرگە بارلىق قاجەتتى مەديتسينالىق كومەك كورسەتىلۋدە.
«جاعداي وبلىس اكىمىنىڭ جەكە باقىلاۋىنا الىنعان, پاتسيەنتتەر جاعدايى تۋرالى ساعات سايىن حابارلانىپ وتىرادى» دەلىنگەن حابارلامادا.
