قازاقستان رەسپۋبليكاسى ۇكىمەتىنىڭ قاۋلىسى №1525
سارسەنبى, 23 قاڭتار 2013 6:02
2012 جىلعى 30 قاراشا, استانا, ۇكىمەت ءۇيى
«قازاقستان رەسپۋبليكاسىندا مەملەكەتتىك جەر كاداسترىن جۇرگىزۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 20 قىركۇيەكتەگى №958 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
سارسەنبى, 23 قاڭتار 2013 6:02
2012 جىلعى 30 قاراشا, استانا, ۇكىمەت ءۇيى
«قازاقستان رەسپۋبليكاسىندا مەملەكەتتىك جەر كاداسترىن جۇرگىزۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 20 قىركۇيەكتەگى №958 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسىندا مەملەكەتتىك جەر كاداسترىن جۇرگىزۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 20 قىركۇيەكتەگى №958 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., №38, 389-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىندا مەملەكەتتىك جەر كاداسترىن جۇرگىزۋدىڭ ەرەجەسىندە:
2-تارماق مىناداي رەداكتسيادا جازىلسىن:
«2. قازاقستان رەسپۋبليكاسىندا مەملەكەتتىك جەر كاداسترى (بۇدان ءارى – كاداستر) مەملەكەتتىك ورگانداردى, جەكە جانە زاڭدى تۇلعالاردى جەر جانە جەكەلەگەن جەر ۋچاسكەلەرى تۋرالى اقپاراتپەن قامتاماسىز ەتۋ ماقساتىندا جۇرگىزىلەدى.
قازاقستان رەسپۋبليكاسىنىڭ مەملەكەتتىك جەر كاداسترىن جۇرگىزۋ جونىندەگى قىزمەت مەملەكەتتىك مونوپولياعا جاتادى جانە ونى قازاقستان رەسپۋبليكاسى ۇكىمەتىنىڭ شەشىمى بويىنشا قۇرىلعان, شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن (بۇدان ءارى – كاداستر جۇرگىزەتىن كاسىپورىن) جۇزەگە اسىرادى.
مەملەكەتتىك جەر كاداسترىن جۇرگىزۋگە تەحنولوگيالىق بايلانىستى قىزمەتكە:
1) جەرگىلىكتى جەردە اكىمشىلىك-اۋماقتىق بىرلىكتەردىڭ, ەرەكشە قورعالاتىن تابيعي اۋماقتاردىڭ, مەملەكەتتىك ورمان جانە سۋ قورلارى جەرلەرىنىڭ شەكارالارىن بەلگىلەۋ;
2) جەر پايدالانۋدى قالىپتاستىرۋ جونىندەگى جوبالاردى, ب ۇلىنگەن جەرلەردى قالپىنا كەلتىرۋ جوبالارىن جاساۋ, مەملەكەت مەنشىگىندەگى جەر قاتارىنان جەر ۋچاسكەلەرىن بەرۋ كەزىندە جەرگىلىكتى جەردە ولاردىڭ شەكارالارىن بەلگىلەۋ;
3) مەملەكەت مەنشىگىندەگى جانە اۋىل شارۋاشىلىعى ءوندىرىسىن جۇرگىزۋ ءۇشىن جەر پايدالانۋعا بەرىلگەن جەر ۋچاسكەلەرى بويىنشا شارۋاشىلىقىشىلىك جەرگە ورنالاستىرۋ جوبالارىن 2زىرلەۋ جاتادى.
مەملەكەتتىك مونوپوليا سۋبەكتىسى وندىرەتىن جانە (نەمەسە) وتكىزەتىن تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) باعالارىن قازاقستان رەسپۋبليكاسىنىڭ ۇكىمەتى بەلگىلەيدى.»;
11-1-تارماق مىناداي رەداكتسيادا جازىلسىن:
«11-1. مەملەكەتتىك مەنشىكتەگى جەرلەردەن بەرىلەتىن جەر ۋچاسكەلەرىنە جەر-كاداستر ىستەرىن كاداستردى جۇرگىزەتىن مەملەكەتتىك كاسىپورىندار وبلىستاردىڭ (رەسپۋبليكالىق ماڭىزى بار قالانىڭ, استانانىڭ), اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارىنىڭ, اۋداندىق ماڭىزى بار قالا, كەنت, اۋىل (سەلو), اۋىلدىق (سەلولىق) وكرۋگتەر اكىمدەرىنىڭ شەشىمدەرى, قازاقستان رەسپۋبليكاسىنىڭ جەر كودەكسىندە بەلگىلەنگەن قۇزىرەتىنە سايكەس, وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋداننىڭ (وبلىستىق ماڭىزى بار قالانىڭ) جەر قاتىناستارى جونىندەگى ۋاكىلەتتى ورگانى بەكىتكەن جەرگە قۇقىق بەرۋ تۋرالى جەرگە ورنالاستىرۋ جوباسى جانە جەر ۋچاسكەسىنىڭ شەكارالارىن بەلگىلەۋ جونىندەگى ماتەريالدار نەگىزىندە جۇرگىزەدى.»;
12-تارماقتىڭ ءۇشىنشى بولىگى مىناداي رەداكتسيادا جازىلسىن:
«وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋدانداردىڭ (وبلىستىق ماڭىزى بار قالالاردىڭ) جەر قاتىناستارى جونىندەگى ۋاكىلەتتى ورگاندارى كورسەتىلگەن قۇجاتتاردى تەكسەرۋدى جۇزەگە اسىرادى جانە وسى قۇجاتتاردى جەر ۋچاسكەلەرىن جەرگىلىكتى جەردە زەرتتەۋ ءۇشىن كاداستردى جۇرگىزەتىن كاسىپورىندارعا جىبەرەدى. ولاردىڭ شەكارالارى, الاڭدارى جانە ماقساتتى تاعايىندالۋى وزگەرگەنى بەلگىلى بولعان جاعدايدا, بۇل وزگەرىستەر وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگانىنىڭ, اۋداندىق ماڭىزى بار قالا, كەنت, اۋىل (سەلو), اۋىلدىق (سەلولىق) وكرۋگتەر اكىمىنىڭ, ولاردىڭ قازاقستان رەسپۋبليكاسىنىڭ جەر كودەكسىندە بەلگىلەنگەن قۇزىرەتىنە سايكەس قايتا بەكىتۋىنە نەمەسە مۇددەلى تاراپتاردىڭ اراسىندا جاسالاتىن شارتتا كورسەتۋگە جاتادى.»;
13-تارماقتىڭ ءۇشىنشى جانە ءتورتىنشى بولىكتەرى مىناداي رەداكتسيادا جازىلسىن:
«ءبولۋدىڭ ناتيجەسىندە پايدا بولعان جەر ۋچاسكەلەرىنە قازاقستان رەسپۋبليكاسىنىڭ جەر كودەكسىندە بەلگىلەنگەن قۇزىرەتىنە سايكەس وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋداننىڭ (وبلىستىق ماڭىزى بار قالانىڭ) جەر قاتىناستارى جونىندەگى ۋاكىلەتتى ورگانى بەكىتكەن جەر ۋچاسكەسىن ءبولۋ تۋرالى جەرگە ورنالاستىرۋ جوباسى جانە جەر ۋچاسكەسىنىڭ شەكارالارىن بەلگىلەۋ جونىندەگى ماتەريالدار نەگىزىندە جاڭا جەر-كاداستر ءىسى جۇرگىزىلەدى, ال بولىنەتىن جەر ۋچاسكەسىنە بۇرىن جۇرگىزىلگەن جەر-كاداستر ءىسى كاداستردى جۇرگىزەتىن كاسىپورىننىڭ مۇراعاتىندا ساقتالادى.
ءبولۋدىڭ ناتيجەسىندە قالىپتاسقان جەر ۋچاسكەلەرىنە سايكەستەندىرۋ قۇجاتتارىن كاداستردى جۇرگىزەتىن كاسىپورىن دايىندايدى, ولاردى ءوتىنىش بەرۋشىگە وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋداننىڭ (وبلىستىق ماڭىزى بار قالانىڭ) جەر قاتىناستارى جونىندەگى ءتيىستى ۋاكىلەتتى ورگانى بەرەدى.»;
13-1-تارماقتىڭ ءتورتىنشى بولىگى مىناداي رەداكتسيادا جازىلسىن: «وسى جەر ۋچاسكەسىن كاداسترلىق ەسەپكە قويعانى تۋرالى (جاڭا قۇقىق يەسى تۋرالى مالىمەتتەرمەن بىرگە) كاداستردى جۇرگىزەتىن كاسىپورىن ەكى اپتا مەرزىمدە جەر ۋچاسكەسى ورنالاسقان جەردەگى رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ) اتقارۋشى ورگانىنا حابارلايدى.»;
23-تارماق مىناداي مازمۇنداعى ءۇشىنشى بولىكپەن تولىقتىرىلسىن: «جەرلەردىڭ ساپاسىن ەسەپكە الۋ جەردى ەكونوميكالىق باعالاۋدى جانە جەر مونيتورينگىن جۇرگىزۋدى, توپىراقتى زەرتتەۋدى, گەوبوتانيكالىق, اگروحيميالىق زەرتتەۋلەردى جانە توپىراقتى بونيتەتتىك باعالاۋدى جۇرگىزۋدى قامتيدى.»;
24-تارماقتا:
1) تارماقشانىڭ ەكىنشى بولىگى مىناداي رەداكتسيادا جازىلسىن: «رەسپۋبليكالىق ماڭىزى بار قالانىڭ, استانانىڭ, اۋدانداردىڭ (وبلىستىق ماڭىزى بار قالالاردىڭ) جەر قاتىناستارى جونىندەگى ۋاكىلەتتى ورگانى ۇسىنىلعان ەسەپتەردى قارايدى ءارى بەكىتەدى جانە ولاردى بولعان وزگەرىستەردى جەر-كاداستر كىتابىنا جانە بىرىڭعاي مەملەكەتتىك جەر تىزىلىمىنە ەنگىزۋ ءۇشىن كاداستر جۇرگىزەتىن كاسىپورىندارعا جىبەرەدى.»;
2) تارماقشانىڭ ءۇشىنشى بولىگى مىناداي رەداكتسيادا جازىلسىن:
«كاداستردى جۇرگىزەتىن كاىپورىندار 5 جىلدا ءبىر رەت اۋداندار (وبلىستىق ماڭىزى بار قالالار), وبلىستار, رەسپۋبليكالىق ماڭىزى بار قالا, استانا بويىنشا جانە تۇتاستاي العاندا رەسپۋبليكا بويىنشا جەرلەردىڭ ساپالىق جاي-كۇيى تۋرالى ەسەپتەر جاسايدى.»;
25-تارماق مىناداي مازمۇنداعى ەكىنشى بولىكپەن تولىقتىرىلسىن:
«جەردى مەملەكەتتىك كاداسترلىق باعالاۋ جەر ۋچاسكەلەرىنىڭ كاداسترلىق (باعالاۋ) قۇنىن انىقتاۋدى; ەلدى مەكەندەردە جەر ۋچاسكەلەرى ءۋشىن تولەماقىنىڭ بازالىق ستاۆكالارىنا تۇزەتۋ كوەففيتسيەنتتەرىن بەلگىلەي وتىرىپ, ولارداعى باعالاۋ ايماقتارى شەكارالارىنىڭ سحەمالارىن جاساۋدى; جەر ۋچاسكەلەرى ءۇشىن تولەماقىنىڭ بازالىق ستاۆكالارش ەسەپتەۋ; اۋىل شارۋاشىلىعىن جۇرگىزۋگە بايلانىستى ەمەس ماقساتتار ءۇشىن اۋىل شارۋاشىلىعى القاپتارىن الىپ قويۋ كەزىندەگى اۋىل شارۋاشىلىعى وندىرىسىندەگى شىعاسىنى انىقتاۋدى قامتيدى.»;
30-تارماق مىناداي رەداكتسيادا جازىلسىن:
«جەكە جانە زاڭدى تۇلعالار جەر ۋچاسكەسىنە كاداسترلىق ءنومىر بەرۋ ءۇشىن كاداستردى جۇرگىزەتىن كاسىپورىنعا ءوتىنىش جاسايدى, ال جەر ۋچاسكەسىنە سايكەستەندىرەتىن ەسكى ۇلگىدەگى قۇجاتتى جاڭاعا اۋىستىرۋ ءۇشىن جەر ۋچاسكەسىنىڭ ورنالاسقان جەرى بويىنشا وبلىستىڭ (رەسپۋبليكالىق ماڭىزى بار قالانىڭ, استانانىڭ), اۋداننىڭ (وبلىستىق ماڭىزى بار قالانىڭ) جەر قاتىناستارى جونىندەگى ۋاكىلەتتى ورگانىنا جۇگىنەدى.
وتىنىشكە جەر ۋچاسكەسىنە قولدا بار سايكەستەندىرۋ قۇجاتىنىڭ تۇپنۇسقاسى قوسا بەرىلەدى.»;
32-تارماقتىڭ ءبىرىنشى بولىگى مىناداي رەداكتسيادا جازىلسىن:
«32. جەر ۋچاسكەسىن سايكەستەندىرۋ جونىندەگى جۇمىستاردىڭ ناتيجەلەرى بويىنشا كاداستر جۇرگىزەتىن كاسىپورىن جەر ۋچاسكەسىنە كاداسترلىق ءنومىر بەرەدى, ەسكى ۇلگىدەگى قۇجاتقا ءتيىستى بەلگى جاسايدى جانە ونى ءوتىنىش بەرۋشىگە بەرەدى. جەر ۋچاسكەسىنە كاداسترلىق ءنومىردى بەرگەنى تۋرالى اقپارات جەر ۋچاسكەسىنىڭ ورنالاسقان جەرى بويىنشا جەر قاتىناستارى جونىندەگى ءتيىستى ۋاكىلەتتى ورگانعا ۇسىنىلادى.»;
34-تارماق مىناداي رەداكتسيادا جازىلسىن:
«34. ەسەپتى كۆارتالداردىڭ جانە/نەمەسە اۋدانداردىڭ, وبلىستىق (اۋداندىق) ماڭىزى بار قالالاردىڭ, رەسپۋبليكالىق ماڭىزى بار قالانىڭ, استانانىڭ ىشىندەگى ەسەپتى كۆارتالداردىڭ كودتارى مەن جەر ۋچاسكەلەرىنىڭ كاداسترلىق نومىرلەرىن كاداستردى جۇرگىزەتىن كاسىپورىندار بەرەدى.»;
38-تارماق مىناداي رەداكتسيادا جازىلسىن:
«38. كاداستردى جۇرگىزەتىن كاسىپورىن جەر ۋچاسكەسىنە كاداسترلىق ءنومىر بەرىلگەنى جانە بۇل ۋچاسكەنىڭ كاداسترلىق ەسەپكە قويىلعانى تۋرالى ءوتىنىش بەرۋشى مەن تىركەۋشى ورگانعا حابارلايدى. ءوتىنىش بەرۋشىگە جەر ۋچاسكەسىنىڭ جاڭا كاداسترلىق ءنومىرى بار جانە جەر-كاداستر كارتاسىنداعى (سحەماداعى) وزگەرىستەر قامتىلعان جەر-كاداستر كارتاسىنىڭ (سحەمانىڭ) ءتيىستى بولىگىنىڭ راستالعان كوشىرمەسى بەرىلەدى.»;
42-تارماق مىناداي رەداكتسيادا جازىلسىن:
«42. جەر-كاداستر كارتالارىن (سحەمالارىن) جۇرگىزۋدى جانە كەيىننەن جاڭارتۋدى كاداستردى جۇرگىزەتىن كاسىپورىندار جۇزەگە اسىرادى.»;
45-1-تارماق مىناداي رەداكتسيادا جازىلسىن:
«45-1. جەر ۋچاسكەلەرىنە ارنالعان جەر-كاداستر ىستەرى, جەر-كاداستر كىتاپتارى, بىرىڭعاي مەملەكەتتىك جەر ءتىزىلىمى كاداستردى جۇرگىزەتىن كاسىپورىننىڭ مۇراعاتىندا تۇراقتى تۇردە ساقتالۋعا ءتيىس».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
