ايماقتار • 15 قىركۇيەك، 2019

تەمىرجول بويىنداعى اپاتتان 1 ادام مەرت بولدى (ۆيدەو)

296 رەت كورسەتىلدى

الماتى وبلىسىنداعى شامالعان تەمىرجول ستانساسىندا اپاتتى وقيعا بولدى.
كۋاگەرلەردىڭ ايتۋىنشا، تەمىرجول كوپىرىنەن ءوتىپ بارا جاتقان اۆتوبۋس جولاۋشىلار پويىزىمەن سوقتىعىسقان. وقيعا سالدارىنان اۆتوبۋس شوپىرى مەرت بولىپ، بىرنەشە ادام جاراقاتتانعان.

"وقيعا ورنىنا قاجەتتى كولەمدە جەدەل جاردەم كولىكتەرى جەتتى. قاراساي اۋدانىنىڭ اكىمى جانداربەك دالاباەۆ باستاعان ءتيىستى سالا باسشىلارى وقيعا ورنىندا. جاقىن ماڭداعى اۋرۋحانالار كۇشەيتىلگەن رەجيمدە جۇمىس ىستەپ جاتىر. قوسىمشا اقپارات تولىقتىرىلىپ بەرىلەدى"، - دەدى بىزگە الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.

ال الماتى وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى سەرگەي نەزناەۆ: «بۇگىن 19 ساعات 30 مينۋتتا «الماتى–قوستاناي» باعىتىنا قاتىنايتىن پويىز اۆتوبۋسپەن سوقتىعىستى. وقيعا ورنىندا اۆتوبۋس جۇرگىزۋشىسى مەرت بولدى. تاعى ءۇش ادام ءتۇرلى دەنە جاراقاتىمەن اۋرۋحاناعا جەتكىزىلدى. ونىڭ ەكەۋى بالا، بىرەۋى ايەل ادام. بۇل فاكتى بويىنشا قر قك 345-بابىنىڭ 3-ءشى تارماعىنا سايكەس تەرگەۋ ءجۇرىپ جاتىر»، - دەپ جاۋاپ بەردى.  



سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار