ساياسات • 15 قىركۇيەك، 2019

كەلل بوندەۆيك: مەن ءۇشىن قاسىم-جومارت توقاەۆتىڭ رەفورمالارى اسا پەرسپەكتيۆتى

23 رەتكورسەتىلدى

قازاقستاننىڭ ەلشىسى ەركىن احىنجانوۆ نورۆەگيانىڭ بۇرىنعى پرەمەر-ءمينيسترى، قازىرگى ۋاقىتتا وسلو ورتالىعىنىڭ اتقارۋشى توراعاسى كەلل بوندەۆيكپەن ىزەتتىلىك كەزدەستى. بۇل تۋرالى سىرتقى ىستەر مينسترلىگىنىڭ ءباسپاسوز قىزمەتى حابارلادى.

ك. بوندەۆيك قازاقستانعا رەسمي ساپارمەن (2004 جىلدىڭ مامىرىندا) كەلگەن نورۆەگيانىڭ العاشقى پرەمەر-ءمينيسترى بولىپ سانالادى. ءارى ول 2009 جىلى الەمدىك جانە ءداستۇرلى دىندەر كوشباسشىلارىنىڭ ءىىى سەزىنە قاتىسقان بولاتىن.

ەلشى نورۆەگيالىق مەملەكەت قايراتكەرىن بۇگىنگى قازاقستاننىڭ ساياسي ترانسفورماتسياسىنىڭ كۇن تارتىبىمەن، سوت پەن قۇقىق قورعاۋ جۇيەسىندەگى رەفورمالارىمەن، سونداي-اق، پرەزيدەنت قاسىم-جومارت توقاەۆتىڭ 2 قىركۇيەكتەگى حالىققا جولداۋىندا ايتقان ەكونوميكا مەن الەۋمەتتىك سالالارىن دامىتۋ مىندەتتەر تۋرالى اقپاراتتاندىردى.

ءوز كەزەگىندە ك. بوندەۆيك قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆپەن كەزدەسۋلەر جايىنداعى جىلى ەستەلىكتەرىمەن ءبولىستى جانە جاڭا پرەزيدەنت قاسىم-جومارت توقاەۆتىڭ رەفورمالارى باعدارلاماسىن قۇپتادى.

«مەن قازاقستاننىڭ يادرولىق قارۋدان ءوز ەركىمەن باس تارتقان نەگىزىندەگى جەتىستىكتەرىن جانە يادرولىق قارۋسىز الەم قۇرۋ جولىنداعى كۇش-جىگەرىن جوعارى باعالايمىن. سونىمەن قاتار مەملەكەتتەرىڭىز كونفەسسياارالىق ديالوگتى ىلگەرىلەتە ءبىلدى. بۇل قازىرگى الەمدەگى ءدىني نەگىزدەر بويىنشا كوپتەگەن قاراما-قايشىلىقتى ەسكەرە وتىرىپ، اسا ماڭىزدى بولىپ تابىلادى. ادامنىڭ ابىرويى، قاسيەتتى جەرلەرگە قۇرمەت، بەيبىتشىلىك پەن ادىلەت يدەيالارى – ءبارىمىز ءۇشىن دە ورتاق تاقىرىپ»، - دەدى ول.

سونداي-اق  ك.بوندەۆيك تاۋەلسىز ۇكىمەتتىك ەمەس ۇيىم بولىپ تابىلاتىن جانە دەموكراتيا مەن ادام قۇقىقتارىن ناسيحاتتاۋمەن شۇعىلداناتىن وسلو ورتالىعىنىڭ قىزمەتى تۋرالى ايتىپ بەردى.

«قازاقستان – ماڭىزدى ءىرى مەملەكەت; ول ورتالىق ازيا مەن ەۋروپا اراسىنداعى كوپىر. مەن ءۇشىن جاڭا پرەزيدەنت قاسىم-جومارت توقاەۆتىڭ رەفورمالارى اسا پەرسپەكتيۆتى بولىپ كورىنەدى جانە مەن وعان ساتتىلىك تىلەيمىن»، - دەدى ول كەزدەسۋ بارىسىندا.

سوڭعى جاڭالىقتار

ساپارداعى سىر

رۋحانيات • كەشە

اقاڭنىڭ اماناتى

رۋحانيات • كەشە

تارالىم ءھام قارالىم

100 • 21 قاراشا، 2019

«ەگەمەن» ەستەن شىقپايدى

100 • 21 قاراشا، 2019

تارحان تەكتى رەداكتور

100 • 21 قاراشا، 2019

ءجۇز جىل

100 • 21 قاراشا، 2019

ۇشقىر ويلار ۇشقىندارى

100 • 21 قاراشا، 2019

ۇلكەن جولدىڭ ۇزىكتەرى

100 • 21 قاراشا، 2019

ينۆەستيتسيا – دامۋ داڭعىلى

ايماقتار • 21 قاراشا، 2019

ۇقساس جاڭالىقتار