ايماقتار • 15 قىركۇيەك، 2019

قاراعاندى وبلىسىندا 10 مىڭ ليتر قىمىز ءبىر مەزەتتە ءپىسىلدى

184 رەت كورسەتىلدى

قاراعاندى وبلىسىنداعى جاڭاارقا اۋدانىندا 1 مىڭ كۇبىدەگى 10 مىڭ ليتر قىمىز ءبىر مەزەتتە ءپىسىلىپ، بۇل وقيعا گيننەستىڭ رەكوردتار كىتابىنا رەسمي تۇردە تىركەلدى.

ۇيىمداستىرۋشىلار اتالعان شارانى اۋداننىڭ 90 جىلدىعى مەن اقىن-جازۋشى، مەملەكەت جانە قوعام قايراتكەرى ساكەن سەيفۋللينننىڭ 125 جىلدىعىنا ارنالعان توي اياسىندا جۇزەگە اسىردى.

«قاراۋىل توبە» توي الاڭىندا وتكەن بۇل اۋقىمدى شارانى گيننەستىڭ رەكوردتار كىتابىنا ەنگىزۋ ءۇشىن اتالعان ۇيىمنىڭ وكىلى يۋدەلكيس دياس جاڭاارقاعا كۋبادان ارنايى كەلدى.

– رەكوردتىق كورسەتكىشتى تىركەۋ ءۇشىن ءبىز شاراعا قاتىسۋشىلاردىڭ ءبارىن ساناپ شىقتىق.  ولاردىڭ قىمىزدى ءبىر مەزەتتە جانە ۇيلەسىممەن پىسكەنىنە ماڭىز بەردىك، – دەيدى يۋدەلكيس دياس.

ال گيننەستىڭ رەكوردتار كىتابىنىڭ قازاقستانداعى رەسمي وكىلى باقىتجان تاستۇلەكوۆ مۇنداي ناتيجەنىڭ ەلىمىزدە تۇڭعىش رەت تىركەلىپ وتىرعانىن اتاپ ءوتتى.

– مۇنى جۇزەگە اسىرۋ وڭايعا سوقپادى. سەبەبى قازىرگى زاماندا كۇبى تابۋ وڭاي ەمەس. ال مۇندا مىڭ كۇبى بولدى. بۇل رەكوردتى بولاشاقتا جاڭارتۋ قيىن بولادى دەپ ويلايمىن، – دەدى ول.

رەكوردتىق ناتيجە تىركەلگەننەن كەيىن جاڭاارقانىڭ ءدامى ءتىل ۇيىرگەن كول-كوسىر قىمىزى توي قوناقتارىنا تەگىن تاراتىلدى.

سونىمەن قاتار بۇل تويدا باۋىرساق جانە پالاۋ فەستيۆالى ۇيىمداستىرىلىپ، شارا سوڭى شىعارماشىلىق ۇجىمدار قويعان ۇلكەن كونتسەرتپەن تۇيىندەلدى.

 

قاراعاندى وبلىسى

 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

جاس عالىمنىڭ جەتىستىگى

عىلىم • بۇگىن، 07:43

ۇقساس جاڭالىقتار