14 قىركۇيەك، 2019

داريعا نازارباەۆا: ۇلتارالىق جانە دىنارالىق ۇيلەسىمدى ساقتاۋ جانە ونى نىعايتۋ قاجەت

93 رەتكورسەتىلدى

پارلامەنت سەناتىنىڭ توراعاسى داريعا نازارباەۆا 18 قىركۇيەكتە وتەتىن الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ XVIII وتىرىسى قارساڭىندا قازاقستان مۇسىلماندارى ءدىني باسقارماسىنىڭ توراعاسى سەرىكباي قاجى ورازبەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

 داريعا نازارباەۆا الەمدىك جانە ءداستۇرلى دىندەر ليدەرلەرى سەزىنىڭ حاتشىلىعىنا دايىندىق تۋرالى ايتتى. سەنات توراعاسى ءدىني فورۋمنىڭ ماڭىزىنا توقتالا كەلىپ، ۇلتارالىق جانە دىنارالىق ۇيلەسىمدى ساقتاۋ جانە ونى نىعايتۋ قاجەتتىگىن اتاپ ءوتتى.

كەزدەسۋ بارىسىندا يمامدار تاپ بولىپ وتىرعان وزەكتى ماسەلەلەر – جالاقىنىڭ تومەندىگى، سونداي-اق بىلىكتى كادرلار دايارلاۋ جايى دا تالقىلاندى. باس ءمۇفتي بيىلعى جىلى ءبىر جارىم مىڭنان استام تەولوگ دايارلانعانىن، الايدا ولاردىڭ 800-ءى ەڭبەكاقىنىڭ تومەندىگىنە بايلانىستى ماماندىعى بويىنشا جۇمىس ىستەمەيتىندىگىن ايتتى. سەرىكباي قاجى وراز وسى ماسەلەنى شەشۋگە جاردەمدەسۋ تۋرالى ءوتىنىشىن جەتكىزدى. توراعا بۇل ماسەلە زاڭ شىعارۋشىلار نازارىنا ۇسىنىلىپ، تالقىعا سالىناتىن حابارلادى.

باس ءمۇفتي نۇر-سۇلتان قالاسىندا «حاسەكي» ۋنيۆەرسيتەتىنىڭ فيليالى قۇرىلىپ، وندا تەولوگ-ماگيسترانتتار دايارلاناتىنىن جەتكىزدى. داريعا نازارباەۆا بۇل شەشىمنىڭ ماڭىزدىلىعىنا نازار اۋداردى.

 كەزدەسۋ بارىسىندا قازاقستانداعى ءدىني ماماندار ءتىزىلىمى مەن مۇسىلمانداردى جەرلەۋدىڭ بىرىڭعاي ستاندارتىن جاساۋ، حالىققا ءتۇسىندىرۋ جۇمىستارىن جۇرگىزۋ، سونداي-اق قمدب جۇمىسىندا ساندىق تەحنولوگيالاردى ەنگىزۋ ماسەلەلەرى تالقىلاندى.

 

سوڭعى جاڭالىقتار

ۇقساس جاڭالىقتار