«مەملەكەت باسشىسى قاسىم-جومارت توقاەۆتىڭ شەت ەلدەرگە, وڭىرلەرگە ساپارىنا قاتىستى ايتار بولسام, كەلەسى اپتادا ەكى وڭىرگە – سولتۇستىك قازاقستان جانە اقمولا وبلىستارىنا ساپارى الدىن الا جوسپارلانعان. ۋاقىتىن قوسىمشا حابارلايمىز», - دەدى بەرىك ءۋالي.
پرەزيدەنت كومەكشىسى مۇرات نۇرتىلەۋوۆ اقش-قا ساپار تۋرالى دەرەكتەرمەن ءبولىستى.
«وزدەرىڭىز بىلەسىزدەر, سىرتقى ساياساتتا وتە بەلسەندى جۇمىس جالعاستىرىپ كەلەمىز, ساباقتاستىق, جاڭا باستامالار بار. كەلەسى اپتادا قاسىم-جومارت كەمەل ۇلىنىڭ بۇۇ باس اسسامبلەياسىنىڭ 74-سەسسياسىنا قاتىسۋى جوسپارلانعان. ونىڭ بارىسىندا مەملەكەت باسشىسى كليماتتىق سامميتكە قاتىسادى. سودان كەيىن تۇراقتى دامۋ جونىندەگى جوعارى دەڭگەيدەگى سامميتكە قاتىساتىن بولادى. سونىمەن قاتار ءبىزدىڭ جوسپاردا نيۋ-يورككە بارعان كەزدە بىرنەشە امەريكالىق ىسكەر توپتارمەن ءتيىستى كەزدەسۋلەر بار», - دەدى پرەزيدەنت كومەكشىسى.
