ايماقتار • 13 قىركۇيەك، 2019

الماتى وبلىسىنىڭ اكىمى اماندىق باتالوۆ تالعار اۋدانىنىڭ اكتيۆىمەن جۇزدەستى

63 رەتكورسەتىلدى

پرەزيدەنت اكىمشىلىگىنىڭ كەلىسىمىمەن تالعار اۋدانىنىڭ اكىمى لاۋازىمىنا ۇسىنىلعان جولان وماروۆتىڭ كانديداتۋراسىنا اۋداندىق ءماسليحات دەپۋتاتتارى ءبىراۋىزدان قولداۋ ءبىلدىردى. دەپۋتاتتارمەن كەزدەسۋدەن كەيىن وبلىس اكىمى ا.باتالوۆ اۋدان اكتيۆىمەن جۇزدەستى. بۇل تۋرالى الماتى وبلىسى اكىمدىگىنىڭ ءباسپاسوز قىزمەتى حابارلادى.

 

كەزدەسۋدە وبلىس باسشىسى تالعار اۋدانىنىڭ اسا اۋقىمدى ءوڭىر ەكەنىن، شەشىمىن كۇتكەن بىرقاتار ماسەلەلەرى دە بار ەكەنىن اتاپ ءوتتى.

– تالعار اۋدانىندا 280 مىڭداي حالىق تۇرادى. تۇرعىندارى ەڭبەككەر، كاسىپكەرلىككە بەيىم ۇلكەن اۋداندى باسقارۋدىڭ ارتىقشىلىعى دا، قيىنشىلىعى دا بار. قالا ماڭىنداعى ەلدى مەكەندەردىڭ الەۋمەتتىك ماسەلەلەرى ەرەكشە نازار اۋدارۋدى تالاپ ەتەدى. كەز كەلگەن ءىس جىلدام شەشىم قابىلداپ، سوڭىنا دەيىن ساپالى اتقارعاندا عانا تۇبەگەيلى شەشىلەدى. سوندىقتان ءبىز اۋدانعا قاشاندا زور قولداۋ كورسەتىپ كەلەمىز. ماسەلەن، سوڭعى 5 جىلدا تالعار اۋدانىنا 37 ملرد. تەڭگە قارجى بولىنگەن.

رىسكەلدى احمەتقالي ۇلى قولىنان كەلگەنشە اۋداندى دامىتۋعا ۇلەس قوستى. سول ءۇشىن وبلىس باسشىلىعىنىڭ، اۋدان تۇرعىندارىنىڭ اتىنان راحمەت ايتامىن. رىسكەلدى ساتباەۆتىڭ تاجىريبەسى مول، ورتالىق ورگانداردا، قاراعاندى وبلىسىندا، الماتى قالاسىندا جاۋاپتى قىزمەتتەر اتقارعان. سوندىقتان وسى ءبىلىمى مەن تاجىريبەسىن، پوتەنتسيالىن وبلىستى دامىتۋعا ءالى دە باعىتتايتىن بولادى. ال بۇعان دەيىن رايىمبەك اۋدانىن باسقارعان جولان وماروۆتىڭ تالعار اۋدانىن باسقارۋعا كۇش-جىگەرى، كاسىبي مۇمكىندىگى جەتەدى دەپ ويلايمىن. بۇل وڭىردەگى جىلۋمەن، سۋمەن، گازبەن قامتۋ، سۋ تاسقىنىنىڭ الدىن الۋ، جەر ماسەلەلەرىنە كوپ كوڭىل ءبولۋ قاجەت. تۇرعىنداردىڭ ارىز-وتىنىشتەرىندە كوتەرگەن پروبلەمالارىن شەشۋدى الدىڭعى قاتاردا قاراستىرۋ قاجەت، - دەدى ا. باتالوۆ.

سونىمەن قاتار وبلىس باسشىسى اۋداندا اتقارىلعان بىرقاتار ىستەرگە توقتالىپ ءوتتى. ونىڭ ايتۋىنشا، اكىمدىكتىڭ ۇسىنىسىمەن، ۇكىمەتتىڭ قولداۋىمەن جوعارعى تالعار تراسساسىن جاڭعىرتۋ جۇمىستارى جۋىردا باستالادى. سول سياقتى اۋدانداعى ورتالىقتاندىرىلعان جىلۋ جۇيەسىنە قوسىلماعان كوپ قاباتتى ۇيلەردى جىلۋ جۇيەسىنە قوسۋ ءىسى قارقىندى جالعاستىرىلاتىنىن دا تىلگە تيەك ەتتى. وبلىس اكىمى جولان وماروۆتىڭ جۇمىسىنا ساتتىلىك تىلەپ، بيزنەستىڭ دامۋىنا، ونەركاسىپتى وركەندەتۋگە قولداۋ تانىتۋدى تاپسىردى.

ءوز كەزەگىندە ر.ساتباەۆ اۋدان جۇرتشىلىعىنا جانە وزىنە سەنىم بىلدىرگەن وبلىس باسشىلىعىنا ريزاشىلىعىن ايتىپ، جاڭا اكىمنىڭ جۇمىسىنا تابىس تىلەدى. سول سياقتى جولان وماروۆ تا ۇلكەن اۋداننىڭ وزىنە ارتىلعان ۇلكەن سەنىم ءارى ۇلكەن جاۋاپكەرشىلىك ەكەنىن جەتكىزىپ، جۇكتەلگەن مىندەتتەردى ابىرويمەن اتقاراتىنىنا سەندىردى.

جيىندا تالعار اۋدانىنىڭ قۇرمەتتى ازاماتى، اۋداندىق قوعامدىق كەڭەستىڭ توراعاسى ق. بايبولوۆ، № 17 مەكتەپتىڭ ديرەكتورى، گرەك ەتنومادەني بىرلەستىگىنىڭ ءتورايىمى ل. تيفانتسيدي جانە باسقا دا ازاماتتار وي-پىكىر قوسىپ، تىلەكتەرىن ءبىلدىردى.

سونداي-اق الماتى وبلىسى اكىمىنىڭ وكىمىمەن جولان ىبراياقىن ۇلى وماروۆ تالعار اۋدانىنىڭ اكىمى بولىپ تاعايىندالدى.

جولان ىبراياقىن ۇلى وماروۆ 1979 جىلى تۋعان. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن زاڭگەر، قازاق ۇلتتىق اگرارلىق ۋنيۆەرسيتەتىن كاداستر باكالاۆرى ماماندىقتارى بويىنشا بىتىرگەن.

ەڭبەك جولىن «كيرزاۆود-1» جشس اتقارۋشى ديرەكتورى بولىپ باستادى.

ءار جىلدارى «كيرزاۆود-1» جشس باس ديرەكتورىنىڭ ورىنباسارى، «الماتىجەر عوو» ەمك الماتى فيليالى زاڭ سەكتورىنىڭ مامانى، قاسكەلەڭ جەر-كاداسترلىق فيليالىنىڭ باسشىسى، «الماتىجەر عوو» ەمك ديرەكتورىنىڭ ءبىرىنشى ورىنباسارى، ديرەكتوردىڭ مىندەتىن اتقارۋشى، قازاقستان رەسپۋبليكاسى جەر رەسۋرستارىن باسقارۋ اگەنتتىگىنىڭ «جەر كاداسترى عىلىمي-وندىرىستىك ورتالىعى» شجق رمك الماتى وبلىستىق فيليالى ديرەكتورىنىڭ مىندەتىن اتقارۋشى، الماتى وبلىستىق جەر قاتىناستارى باسقارماسىنىڭ باس مامانى، وبلىستىق تۋريزم باسقارماسىنىڭ ءبولىم باسشىسى، وبلىستىق جەر قاتىناستارى باسقارماسىنىڭ باسشىسى قىزمەتتەرىن اتقارعان.

2017 جىلدىڭ جەلتوقسان ايىنان – رايىمبەك اۋدانىنىڭ اكىمى.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار