نۇر-سۇلتاندا 150-گە جۋىق ۇيىم مۇمكىندىگى شەكتەۋلى جانداردى جۇمىسقا قابىلدايدى. ازاماتتاردىڭ بۇل ساناتى ءۇشىن جۇمىسپەن قامتۋ ورتالىعىندا جەكە سەكتور بار, وندا ازاماتتار كەزەكسىز قابىلدانادى.
مۇندا ەڭبەك ينسپەكتورىنىڭ قاتىسۋىمەن جۇمىس بەرۋشىلەرمەن جۇيەلى تۇردە كەزدەسۋلەر وتكىزىلەدى. ورتالىق ماماندارى مۇمكىندىگى شەكتەۋلى جاندار ءۇشىن ارنايى جۇمىس ورىندارىن قۇرۋ قاجەتتىلىگى تۋرالى ءجيى ايتىپ وتىرادى. بۇل ءۇشىن مەملەكەت ارنايى سۋبسيديا بولەدى. اتاپ ايتقاندا, جۇمىس بەرۋشىلەردىڭ جۇمىس ورىندارىن جابدىقتاۋعا كەتكەن شىعىندارى وتەلەدى.
الەۋمەتتىك جۇمىس ورىندارىن جۇمىس بەرۋشى جۇمىسپەن قامتۋ ورتالىعىمەن كەلىسىمشارتقا وتىرعاننان كەيىن اشادى. وسىلايشا, 12 اي بويى مەملەكەت جۇمىسقا ورنالاسۋشىلاردىڭ جالاقىسىن سۋبسيديالايدى. ونىڭ مولشەرى – جالاقىنىڭ 35%-ى. بۇل تۇستا مۇمكىندىگى شەكتەۋلى جاندارعا ارتىقشىلىقتار بەرىلەدى. ءوز كەزەگىندە ەلوردا تۇرعىندارىنىڭ جۇمىسپەن قامتۋ ورتالىعى قىزمەتكەرلەرىنە جۇمىس تابۋدا كورسەتكەن قولداۋى مەن كومەگى ءۇشىن العىسى شەكسىز.
«مۇگەدەكتىگى بارلارعا جۇمىس تابۋ وڭاي ەمەس, بىراق التاي كولگىنوۆ باسقارىپ وتىرعان اكىمدىك جۇمىسىنىڭ ارقاسىندا جۇمىسپەن قامتۋ ورتالىعى ارقىلى مەن جانە قاسىمداعى ارىپتەستەرىم مۇگەدەكتىگىمىزگە قاراماستان, كافەگە جۇمىسقا تۇردىق. راحمەت. قالامىزدا «بازىلوۆ» جشس («ەمودجي» كافە-بارى) سياقتى جۇمىس بەرۋشىلەر مەن الەۋمەتتىك جوبالار كوبەيسە ەكەن»,- دەيدى استانالىق ايگۇل تەمىرعاليەۆا.
