ەلباسى Nur Otan پارتياسى ساياسي كەڭەسىنىڭ كەڭەيتىلگەن وتىرىسىندا سىبايلاس جەمقورلىققا قارسى كۇرەستى كۇشەيتۋ قاجەتتىگىنە نازار اۋداردى. مەملەكەت باسشىسى سىبايلاس جەمقورلىققا قارسى ساياساتتىڭ نەگىزگى باعىتتارىنىڭ ءبىرى بيۋدجەت ساياساتىنىڭ اشىقتىعىن ارتتىرۋ ەكەندىگىن ايتتى.
كەڭەس بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنت باسشىلىعى سىبايلاس جەمقورلىق قۇقىق بۇزۋشىلىقتار ستاتيستيكاسىن جاريا ەتتى جانە جۇرگىزىلىپ جاتقان جۇمىستىڭ ارقاسىندا قوعامداعى تۇرمىستىق سىبايلاس جەمقورلىق پايىزى تومەندەگەنىن اتاپ ءوتتى. مىسالى, بالالاردى بالاباقشالارعا كەزەككە قويۋدى تسيفرلاندىرۋ ورىن بەرۋ جۇيەسىن بارىنشا اشىق ەتۋگە مۇمكىندىك بەردى.
قالا پروكۋراتۋراسى اپپاراتىنىڭ باسشىلىعى ىشكى باقىلاۋدى كۇشەيتۋ جانە قاراماعىنداعىلاردىڭ سىبايلاس جەمقورلىق بۇزۋشىلىقتارى ءۇشىن ءبىرىنشى باسشىلاردىڭ جاۋاپكەرشىلىگىن كۇشەيتۋ قاجەتتىگىن اتاپ ءوتتى.
ەلوردا اكىمى ءوز ورىنباسارلارى مەن باسقارما باسشىلارىنا اي سايىن سىبايلاس جەمقورلىققا قارسى ءىس-قيمىل اگەنتتىگى مەن پروكۋراتۋرا وكىلدەرىمەن «ادالدىق الاڭى» الاڭىندا كەزدەسىپ, تاۋەكەلدەردى زەردەلەپ, سىبايلاس جەمقورلىقتىڭ الدىن الۋ شارالارىن قولدانۋدى تاپسىردى. كەڭەس اكىمنىڭ قاتىسۋىمەن توقسان سايىن وتكىزىلەتىن بولادى.
