دەگەنمەن, وبلىس اكىمى تاپسىرمالارىنىڭ ورىندالۋىنا مونيتورينگ جاساۋ كەزىندە باق پەن الەۋمەتتىك جەلىلەردى شولۋ بارىسىندا جاۋاپتى مەملەكەتتىك ورگانداردىڭ مالىمەتتەردى جالعان بەرگەندىگى انىقتالدى. مۇنداي جالعان مالىمەتتىڭ بەرىلگەندىگى اقتوبە قالاسى جانە العا اۋدانىنىڭ اكىمدىكتەرىندە كەزدەسىپ وتىر. باق بەتتەرىندە جانە الەۋمەتتىك جەلىلەردە تۇرعىندار كوتەرگەن ماسەلە وڭ شەشىمىن تاپپاعان. كوشپەلى تەكسەرۋ جۇمىسى الداعى ۋاقىتتا دا جالعاساتىن بولادى.
بۇل ماسەلەدەن حاباردار بولعان ايماق باسشىسى قالا, اۋدان اكىمدەرىنە ەسكەرتۋ جاسادى.
«ورىندالماعان جۇمىستى ورىندالعان دەپ اقپار بەرگەن مەملەكەتتىك ورگان ماماندارىن انىقتاپ, ءتيىستى شارا قولدانىلسىن, ءتىپتى جۇمىستان بوساتىلسا دا ارتىق بولمايدى»,-دەدى وبلىس اكىمى.
ءوڭىر باسشىسىنىڭ جينالىستار مەن جۇمىس ساپارلارىنىڭ قورىتىندىسى بويىنشا بەرىلگەن 218 تاپسىرمانىڭ 155 ورىندالۋ ۇستىندە, ايتەكە بي, مۇعالجار, شالقار اۋداندارى مەن اقتوبە قالاسى, بىرنەشە باسقارمالارعا بەرىلگەن جالپى سانى 29 تاپسىرما ۋاقىتىنان كەشىككەن.
سونىمەن قاتار جەرگىلىكتى مەملەكەتتىك ورگانداردىڭ اشىق دەرەكتەرى بار جۇمىسى تۋرالى «اشىق ۇكىمەت» پورتالىندا جىل سايىن ۇكىمەت رەسمي ينتەرنەت-رەسۋرستاردى باسقارۋ جونىندەگى مەملەكەتتىك ورگاندار قىزمەتىنىڭ تيىمدىلىگىنە باعالاۋ جۇرگىزەدى. بۇل رەيتينگتەردە مەملەكەتتىك ورگاننىڭ ينتەرنەت-رەسۋرسىن, سونداي-اق «اشىق نقا» جانە «اشىق دەرەكتەر» پورتالدارىن تولىقتىرۋ بولىگىندە اقپاراتقا قول جەتكىزۋ تۋرالى زاڭنىڭ تالاپتارىن ساقتاۋ ەسكەرىلەدى.وتكەن جىلى اقتوبە وبلىسىنىڭ اكىمدىگى 100 باللدىڭ 64,65-ءىن جيناعان. مۇنداي تومەن كورسەتكىشتەن ارىلۋ ءۇشىن مەملەكەتتىك ورگاندار ينتەرنەت-رەسۋرستى كۇشەيتىپ, اقپاراتقا قولجەتىمدىلىكتى ارتتىرا ءتۇسۋ قاجەت.
اپپارات باسشىسى سونداي-اق, وبلىس اكىمى ورىنباسارلارىنىڭ تۇرعىنداردى جەكە قابىلداۋ بەلسەندىلىگىن ارتتىرۋ كەرەكتىگىن ايتتى. اكىم ورىنباسارلارىنىڭ اراسىندا تۇرعىنداردى جەكە قابىلداۋعا قاتىستى 8 ايعا جۇرگىزىلگەن مونيتورينگ بويىنشا مارات توعجانوۆ 125 ازاماتپەن كەزدەسىپ ءتىزىمنىڭ الدىندا تۇر, ودان كەيىنگى تىزىمدە 105 ازاماتقا قابىلداۋ جۇرگىزگەن راحات سىدىقوۆ, 82 - ولجاس سماعۇلوۆ, 80 - امانعالي بەردالين, قايرات بەكەنوۆ 58 جەكە قابىلداۋ وتكىزگەن.
«ازاماتتاردى جەكە قابىلداۋعا بەلگىلەنگەن كەستەدەن بولەك, اۋداندارعا جاساعان ءىس-ساپار بارىسىندا دا تۇرعىنداردى جەكە قابىلداپ پروبلەمالارىن تىڭداۋ قاجەت»,-دەدى ايماق باسشىسى.
