ءىس-شاراعا قازاقستان قارۋلى كۇشتەرى اۋماقتىق شتابى دەپارتامەنتىنىڭ باستىعى سۇلتان كامالەتدينوۆ, اقتوبە وبلىسى قورعانىس ىستەرى جونىندەگى دەپارتامەنت باسشىسى سەيىتكەرىم اراپباەۆ, 6655 اسكەري ءبولىمىنىڭ كومانديرى ميراس تۇردالين, , اقتوبە گارنيزونىنىڭ باستىعى, 30238 اسكەري ءبولىمىنىڭ كومانديرى رۋسلان وتەپوۆ قاتىستى.
«وقۋ-جاتتىعۋ مەملەكەت باسشىسىنىڭ جەدەل جانە جاۋىنگەرلىك دايارلىق دەڭگەيىن ارتتىرۋ جونىندەگى تاپسىرماسىن ورىنداۋعا باعىتتالعان. سونداي-اق اۋماقتىق قورعانىس بريگاداسىنىڭ ستراتەگيالىق وبەكتىنە كۇزەتۋ مەن قورعاۋ ءىس-قيمىلدارىنا جاۋىنگەرلىك ازىرلىگىن تەكسەرۋ, كوماندالىق قۇرامنىڭ كاسىبيلىك داعدىلارىن جەتىلدىرۋ ماقساتىندا وتكىزىلەدى», دەدى وبلىس باسشىسى.
وقۋ-جاتتىعۋ بويىنشا 60 ازامات زاڭسىز مەملەكەتتىك شەكارادان ءوتىپ, وبلىس اۋماعىنا كىرەدى. سودىرلاردىڭ ماقساتى-اقتوبە قالاسىنىڭ حالىقارالىق اۋەجايىندا ديۆەرسيا جاساۋ. سودىرلاردىڭ ديۆەرسيالىق-بارلاۋ توبى الدىن الا مالىمەتتەر بويىنشا اتىس قارۋىمەن, پۋلەمەتتەرمەن, گراناتومەترلەرمەن, تاسىمالداناتىن زەنيتتىك كەشەندەرمەن, جارىلعىش قۇرىلعىلارمەن جانە ۋلاندىرعىش زاتتارمەن قارۋلانعان.
ءۇش كۇنگە جالعاسقان وقۋ-جاتتىعۋعا 200-گە جۋىق ادام قاتىستى. مي-8 تىكۇشاعى, ياك-40 ۇشاعى, ءورت ءسوندىرۋ جانە سانيتارلىق اۆتوموبيلدەر, سونداي-اق قىزمەتتىك-ىزدەستىرۋ يتتەرى مەن , اسكەري تەحنيكا جۇمىلدىرىلدى.
وڭداسىن ورازالين اقتوبە وبلىسى قورعانىس ىستەرى جونىندەگى دەپارتامەنت باسشىسىنا مۇنداي وقۋ-جاتتىعۋلاردى ءجيى ۇيىمداستىرۋ قاجەتتىگىن ايتتى.
