پالاتا مالىمەتتەرى بويىنشا وبلىستا 87,7 مىڭ شاعىن جانە ورتا كاسىپكەرلىك سۋبەكتىلەرى تىركەلگەن.
- زەرتتەۋ ساۋالناما ارقىلى جۇرگىزىلەدى. ناتيجەسىندە ناقتى ماماندانۋدى بىلدىرەتىن وڭىرلىك دامۋ كارتاسى دايىندالادى. وندا جۇمىس ىستەپ تۇرعان بيزنەستىڭ الەۋەتتى تاۋاشالارىن عانا ەمەس, سونداي-اق ءوڭىردىڭ قاجەتتىلىگىن, تاعى قانداي جوبالار قاجەت ەكەنىن تابۋعا بولادى. ءبىز رەسۋرستاردى دۇرىس ءبولۋ ءۇشىن قانداي باستامالار قولداۋدى قاجەت ەتەتىنىن كورەمىز. سكرينينگ سونداي-اق ەڭبەك الەۋەتىن باعالاۋعا, جۇمىسسىزدار مەن ءوزىن-ءوزى جۇمىسپەن قامتىعان تۇرعىنداردىڭ ناقتى سانىن انىقتاۋعا كومەكتەسەدى, - دەدى قاراعاندى وبلىسى كاسىپكەرلەر پالاتاسىنىڭ ديرەكتورى ەرنار كۇلپەيسوۆ.
ول كاسىپكەرلەردى تۇسىنىستىكپەن قاراۋعا جانە ساۋالنامادان باس تارتپاۋعا شاقىردى. ساۋالناما 29 سۇراقتان تۇرادى. ولارعا تەلەفون ارقىلى نەمەسە كەزدەسۋ كەزىندە جاۋاپ بەرۋگە بولادى.
