وتىرىس بارىسىندا قاتىسۋشىلار مۇنايدىڭ الەمدىك مۇناي نارىعىن تۇراقتاندىرۋعا باعىتتالعان بىرلەسكەن ءىس-شارالاردى تالقىلادى جانە كەلىسىمگە قاتىسۋشى ەلدەرمەن ءوز مىندەتتەمەلەرىنىڭ ورىندالۋىنا قاناعاتتانعاندىق ءبىلدىردى. وتىرىسقا قاتىسۋشىلار بۇرىن قابىلدانعان كەلىسىمدەرگە وزدەرىنىڭ ادالدىعىن جانە مۇناي ءوندىرۋدى قىسقارتۋ بويىنشا ءوز مىندەتتەمەلەرىن ودان ءارى ورىنداۋعا نيەتتى ەكەنىن راستادى.
ەستەرىڭىزگە سالا كەتەيىك, اعىمداعى جىلدىڭ 2 شىلدەسىندە وپەك+ كەلىسىمىنە قاتىسۋشى ەلدەر وپەك+ كەلىسىمىن 2019 جىلعى 1 شىلدەدەن باستاپ 9 ايعا ۇزارتۋ ارقىلى مۇناي ءوندىرۋدىڭ جيىنتىق كولەمىن 2018 جىلعى قاراشاداعى دەڭگەيىنە قاتىستى تاۋلىگىنە 1,2 ملن باررەلگە تومەندەتۋ تۋرالى كەلىستى. قازاقستان ءۇشىن بۇل ۇزارتۋ تاۋلىگىنە 1,86 ملن باررەلدەن اسپايتىن دەڭگەيدە ورتاشا ءوندىرۋدىڭ ساقتالۋىن بىلدىرەدى.
وسى جىلدىڭ سەگىز ايىنىڭ قورىتىندىسى بويىنشا قازاقستاندا ورتاشا تاۋلىكتىك ءوندىرۋ تاۋلىگىنە 1,8 ملن بارر. قۇرادى. وسىلايشا, قازاقستان كەلىسىم شەڭبەرىندەگى ءوز مىندەتتەمەلەرىن تولىعىمەن ورىندادى.
قازاقستان وپەك+ ەلدەرىمەن جانە مەەۇ-عا كىرمەيتىن مەملەكەتتەرمەن بەلسەندى ىنتىماقتاستىقتى ورناتتى. ىنتىماقتاستىقتار الەمدىك مۇناي نارىعىن تۇراقتاندىرۋعا جانە مۇناي يندۋسترياسى ينۆەستورلارىنىڭ سەنىمدىلىگىن قالپىنا كەلتىرۋگە باعىتتالعان.
وپەك+ كەلىسىمى مۇناي كوتيروۆكالارىنىڭ وسۋىنە ايتارلىقتاي اسەر ەتتى جانە باررەلىنە 60-70 اقش دوللارى شاماسىندا تۇراقتانۋعا مۇمكىندىك بەردى.
