ايماقتار • 13 قىركۇيەك، 2019

ەلوردادا دەمالىس كۇندەرى قايدا بارۋعا بولادى؟

12 رەت كورسەتىلدى

استانالىقتار دەمالىس كۇندەرىن قىزىقتى ءارى پايدالى وتكىزۋ ءۇشىن قايدا بارۋعا بولادى؟ دەمالىس كۇندەرى قالادا وتەتىن مادەني جانە سپورتتىق ءىس-شارالارعا شولۋ.

11 جانە 14 قىركۇيەك كۇندەرى «استانا وپەرا» مەملەكەتتىك وپەرا جانە بالەت تەاترى ءوز قوناقتارىن ا.اداننىڭ «جيزەل» بالەتىن تاماشالاۋعا شاقىرادى. الەمدىك تۋىندىنىڭ پرەمەراسى 1841 جىلى ءپاريجدىڭ گراند وپەراسىندا وتكەن بولاتىن. سودان بەرى «جيزەل» الەمنىڭ ءتۇرلى بالەت تەاترىندا قويىلسا دا، وسى ۋاقىتقا دەيىن وزەكتىلىگى مەن اتاعىن جوعالتقان جوق. قويىلىم 18.00-دە «استانا وپەرا» تەاترىنىڭ ۇلكەن زالىندا وتەدى. بيلەت قۇنى 500 تەڭگەدەن باستالادى.

15 قىركۇيەكتە ەلوردادا «Phanerozoic I: Palaeozoic» تۋرىنىڭ اياسىندا اتاقتى «The Ocean» توبى كونتسەرتىن قويادى. توپ رەسەي، بەلارۋس، ارمەنيا، گرۋزيا، قازاقستان، جاپونيا قالالارىنا گاسترولمەن بارادى. نۇر-سۇلتان قالاسىنداعى توپتىڭ كونتسەرتى 15 قىركۇيەك كۇنى ساعات 20.00-دە باستالادى. وتەتىن ورنى: قورعالجىن تاس جولى 3، The Bus. كونتسەرت بيلەتتەرىنىڭ قۇنى 5000 تەڭگەدەن باستالادى. وسى دەمالىستا ەلوردادا بىرنەشە سپورتتىق شارالار دا وتەدى.

13 قىركۇيەكتە حوككەي جانكۇيەرلەرى «نوماد» جانە «سوكول» كلۋبتارى اراسىنداعى ماتچتى تاماشالاي الادى. ويىن «قازاقستان» سپورت سارايىندا 19.00-دە وتەدى، بيلەتتەر قۇنى 200 تەڭگەدەن باستالادى.

14 قىركۇيەكتە «بارىس ارەنا» الاڭىندا گرەك-ريم، ەركىن جانە ايەلدەر كۇرەسىنەن الەم چەمپيوناتىنىڭ اشىلۋى بولادى. وعان الەمنىڭ 100-گە جۋىق ەلىنەن 900 سپورتشى قاتىسادى. جارىسقا شامامەن 10 000 جانكۇيەر كەلەدى دەپ جوسپارلانۋدا. قازاقستان اۋماعىندا چەمپيوناتتى Kazsport تەلەارناسى تاراتادى. ال، تىكەلەي كورسەتىلىمدى United World Wrestling (UWW) رەسمي سايتىنان قاراي الاسىز. چەمپيونات 22 قىركۇيەككە دەيىن جالعاسادى، كورەرمەندەرگە كىرۋ قۇنى 1000 تەڭگەدەن باستالادى.

12 جانە 13 قىركۇيەك كۇندەرى نۇر-سۇلتان قالاسىندا Synergy Global Forum وتەدى. حەدلاينەر رەتىندە جەكە تۇلعانىڭ ءوسۋى تاقىرىبىندا الەمدىك ساراپشى بولىپ ەسەپتەلەتىن ايگىلى نيك ۆۋيچيچ پەن يتسحاك پينتوسەۆيچ ءوز ويلارىمەن بولىسەدى. نيك ۆۋيچيچ «شەكاراسىز ءومىر» تاقىرىبىندا، ال يتسحاك پينتوسەۆيچ «جالقاۋلىق جەڭىمپازى. شەكاراسىز ءومىر» تاقىرىپتارىندا شەبەرلىك-كلاسستارىن وتكىزەدى. ترەنينگ ساعات 19.00-دە «سارىارقا» ۆەلوترەگىندە باستالادى. كىرۋ قۇنى 11 200 تەڭگەدەن 72 800 تەڭگەگە دەيىن.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار