ايماقتار • 13 قىركۇيەك، 2019

وسكەمەندە ەرەجەپ مامبەتقازيەۆ اتىنداعى حيميا ءدارىسحاناسى اشىلدى   

81 رەتكورسەتىلدى

ءدارىسحانا وسى وقۋ ورنىنىڭ العاشقى رەكتورى ەرەجەپ مامبەتقازيەۆ قۇرمەتىنە اشىلدى.

 

كەشە وسكەمەندەگى س.امانجولوۆ اتىنداعى شقمۋ-دا وسى وقۋ ورنىنىڭ العاشقى رەكتورى، قۇرمەتتى پروفەسسورى، حيميا عىلىمىنىڭ دوكتورى، ۇعا اكادەميگى ەرەجەپ مامبەتقازيەۆ اتىنداعى جالپى حيميا ءدارىسحاناسىنىڭ اشىلۋ ءراسىمى ءوتتى. شقمۋ مەن KAZ Minerals توبى اراسىنداعى الەۋمەتتىك سەرىكتەستىك اياسىندا جۇمىسىن باستاعان ءدارىسحانانىڭ اشىلۋ سالتاناتىنا KAZ Minerals توبى قىزمەتكەرلەردى باسقارۋ دەپارتامەنتىنىڭ ديرەكتورى Paul Gahagan جانە KAZ Minerals كومپانياسىنىڭ تەحنيكالىق ديرەكتورى Johan Barnard، قازاقستان-امەريكا ەركىن ۋنيۆەرسيتەتىنىڭ وقىتۋشىلارى مەن جەتەكشىلەرى قاتىستى. 

ءدارىسحانا قابىرعاسىندا ە.مامبەتقازيەۆتىڭ ەڭبەك جولىن كورسەتەتىن ءومىربايانى ۇسىنىلعان. سونداي-اق، ەرەجەپ القايىر ۇلىنا ارنالعان ماتەريالدار، كىتاپتار جانە ونىڭ ءوزى جازعان ەڭبەكتەر قويىلعان. ءدارىسحانا جانىنان زاماناۋي قۇرال-جابدىقتارمەن جاراقتالعان زەرتحانا دا اشىلىپ وتىر. ءىس-شارا اياسىندا وقۋ ورنىندا ە.مامبەتقازيەۆ تۋرالى باسىلىمداردىڭ، ونىڭ ءوزى جازعان كىتاپتاردىڭ، سونىمەن قاتار 18-19 عاسىرداعى وقۋلىقتاردىڭ كورمەسى ۇيىمداستىرىلدى.

«بۇگىن س.امانجولوۆ اتىنداعى شقمۋ-دا قۋانىشتى وقيعا. ءبىز ەرەجەپ القايىر ۇلى مامبەتقازيەۆ اتىنداعى كابينەتتى اشىپ وتىرمىز، وسىلايشا ءبىز تاۋەلسىز قازاقستانداعى ءۇشىنشى ۋنيۆەرسيتەتتىڭ – وقۋ ورنىمىزدىڭ قالىپتاسۋى مەن دامۋىنا زور ۇلەس قوسقان ادامعا قۇرمەت كورسەتۋدەمىز. ەرەجەپ القايىر ۇلى ەلىمىزدە جانە وزگە مەملەكەتتەردە قازاقستانداعى ءبىلىم جۇيەسىنىڭ كوشباسشىسى، كەرەمەت ۇيىمداستىرۋشى، عىلىمي كورەگەندىگى بار تۇلعا رەتىندە تانىمال. ۋنيۆەرسيتەت رەكتورى بولا ءجۇرىپ ول شقمۋ مەن شەتەل جوعارى وقۋ ورىندارى، ءوندىرىس ورىندارى، كاسىپكەرلەر اراسىنداعى سەرىكتەستىكتىڭ نەگىزىن قالادى» دەدى شقمۋ رەكتورى مۇحتار تولەگەن.

ءوز سوزىندە ە.مامبەتقازيەۆ بۇرىنعى جانە قازىرگى ارىپتەستەرىنە ريزاشىلىعىن ءبىلدىرىپ، وقۋ ورنىنا تابىستار تىلەدى.

سونىمەن قاتار وسى كۇنى ۋنيۆەرسيتەتتە «ىرگەلى عىلىمي زەرتتەۋلەر: حيميا عىلىمى مەن بىلىمىندەگى يننوۆاتسيالار» حالىقارالىق عىلىمي-تاجىريبەلىك كونفەرەنتسياسى ءوتتى. كونفەرەنتسيا بارىسىندا ۋنيۆەرسيتەت رەكتورى مۇحتار تولەگەن ەرەجەپ القايىر ۇلىنا سارسەن امانجولوۆ اتىنداعى مەدالدى تابىس ەتتى.

وسكەمەن

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

ۇقساس جاڭالىقتار