قمدب «زەكەت» قورىنىڭ وسكەمەن ايماقتىق ءبولىمىنىڭ ۇيىتقى بولۋىمەن ۇلان اۋدانى اسۋبۇلاق كەنتىندەگى جالعىزباستى انا ءاسيا قاليەۆاعاعا 4 بولمەلى ءۇي بەرىلدى. ىگى شاراعا وبلىستىق «حاليفا التاي» مەشىتىنىڭ ءىس باسقارۋشىسى ب.كادىروۆ, «زەكەت» قورىنىڭ وكىلى قۋات امانبول, وبلىستىق «حاليفا التاي» مەشىتىنىڭ نايب يمامى زاۋاتبەك سايلاۋ ۇلى جانە ۇلان اۋدانى اكىمدىگىنىڭ قىزمەتكەرلەرى مەن كاسىپكەرلەر, اۋىل تۇرعىندارى قاتىستى. «قازاقستان مۇسىلماندارى ءدىني باسقارماسى «ەل ۇلەسى-پاتەرگە» اكتسياسىن جاريالاعان بولاتىن. وسى اكتسيانىڭ ناتيجەسىندە ەلىمىز كولەمىندە قىسقا مەرزىم ىشىندە 125 وتباسى باسپانالى بولىپ جاتىر. بۇل ءۇي شىعىس وڭىردە بەرىلىپ جاتقان 5-ءشى باسپانا, ءبىز باسپاناعا مۇقتاج وسى وتباسىنى ادەيى تاڭداپ, اللا رازىلىعى ءۇشىن قايىرىمدىلىق شاراسىنا قامتىپ وتىرمىز» دەدى باسپانانى تابىس ەتۋ سالتاناتىندا «زەكەت» قورىنىڭ وسكەمەن ايماعى بويىنشا وكىلى امانبول قۋات ۇلى.
جينالعان حالىقتىڭ الدىندا اسۋبۇلاق كەنتىنىڭ تۇرعىنى, جالعىزباستى انا كاليەۆا اسياعا 4 بولمەلى ءۇي تابىس ەتىلدى. «يگى ءىس-شاراعا ارنايى قاتىسقان اسبۇلاق كەنتىنىڭ اكىمى وسىنداي يگى جوبانى ۇيىمداستىرىپ جاتقان وكىلدىككە شىنايى العىس ءبىلدىردى. باسپاناعا يە بولعان وتباسىنداعى اق جاۋلىقتى انا وكىلدىككە, «زەكەت» قورىنا راحمەتىن ايتىپ, شاشۋ شاشتى. باسپاناعا يە بولعان ءا.قاليەۆا وتباسىنداعى قۋانىشتى كەنت تۇرعىندارى ءبولىسىپ, قازاق داستۇرىمەن كورىمدىك بەرىپ, اق داستارحان جايىلىپ, كوڭىلدى مەرەكەگە جالعاستى. «ەل ۇلەسى-پاتەرگە» جوباسى وڭىردە الداعى ۋاقىتتا دا جالعاسىن تاباتىن بولادى» دەلىنگەن وبلىستىق «حاليفا التاي» مەشىتىنىڭ ءباسپاسوز قىزمەتى تاراتقان مالىمەتتە.
شىعىس قازاقستان وبلىسى,
ۇلان اۋدانى
