– جولداۋ ەلباسى ۇسىنعان بەس ينستيتۋتسيونالدىق رەفورما مەن ۇلت جوسپارىن تولىققاندى جۇزەگە اسىرۋعا باعدارلانعان. وندا ەلىمىزدىڭ قوعامدىق-ساياسي ومىرىندەگى جاڭعىرتۋلار, قارقىندى دامىعان ەكونوميكا قالىپتاستىرۋ, تۇرعىنداردىڭ ساپالى ءومىر ءسۇرۋ كورسەتكىشىن, الەۋمەتتىك جاعدايىن نىعايتۋ, اۋىلدىق جەرلەردە جاڭا جۇمىس ورىندارىن اشۋ, شاعىن جانە ورتا بيزنەستى دامىتۋ, تاعى باسقا ىرگەلى ماسەلەلەر بويىنشا ۇكىمەت پەن جەرگىلىكتى بيلىك ورگاندارىنا ناقتى تاپسىرمالار جۇكتەلدى. ءبىز وسىنداي اۋقىمدى مىندەتتەردى ورىنداۋدىڭ تەتىكتەرىن قاراستىرىپ, ءار باعىت بويىنشا تالداۋ جاساۋعا جينالىپ وتىرمىز, دەي كەلىپ, قۇمار ىرگەباي ۇلى وڭىردە ءبىرىنشى كەزەكتە قانداي سالالارعا باسىمدىق بەرىلەتىنىن اتاپ ءوتتى.
پرەزيدەنت تاپسىرماسىنا سايكەس ەڭبەك ونىمدىلىگىنىڭ ناقتى ءوسىمىن كەم دەگەندە 1,7 ەسە ءوسىرۋ تالابى تۇر. پەتروپاۆل اۋىر ماشينا جاساۋ, كيروۆ اتىنداعى زاۋىتتاردا ەنگىزىلگەن وزىق تەحنولوگيالار ەسەبىنەن ەڭبەك ونىمدىلىگىن 2,5 ەسەگە وسىرۋگە مۇمكىندىك تۋدى. باسپا پلاتالارىن شىعاراتىن كاسىپورىنعا جۇزدەن استام زاماناۋي قوندىرعىلار اكەلىندى. «ريمكازاگرو» جشس-ىندە 1,2 مىڭ توننا ءونىم وندىرەتىن فابريكا پايدالانۋعا بەرىلدى. مەتاللۋرگيالىق كومپانيالار التىن ءوندىرىسىن 40 پايىزعا ۇلعايتتى. شيكىزاتقا بايلانعان مەنتاليتەتتەن باس تارتىپ, ەكونوميكانى ءارتاراپتاندىرۋ مىندەتتەرى ۇدەسىنەن كورىنۋ ءۇشىن يندۋستريالىق-يننوۆاتسيالىق دامۋ باعدارلاماسى شەڭبەرىندە 36,9 ملرد تەڭگەنىڭ 41 جوباسى جۇزەگە اسىرىلادى. 1,5 مىڭ جاڭا جۇمىس ورىندارى قۇرىلادى.
وڭىردە كاسىپكەرلىكتى دامىتۋدىڭ ۇلگى بولارلىق مىسالدارى از ەمەس. بۇگىندە 30 مىڭنان استام شاعىن جانە ورتا كاسىپكەرلىك سۋبەكتىلەرى جۇمىس ىستەيدى. ميكرو جانە شاعىن بيزنەس سالاسىنداعى كومپانيالاردى تابىسقا سالىناتىن سالىقتان ءۇش جىلعا بوساتۋ ءۇشىن زاڭنامالىق بازاعا تۇزەتۋلەر ەنگىزىلىپ, 2020 جىلدان باستاپ كۇشىنە ەنەتىنى, سونداي-اق تەكسەرىس جۇرگىزۋگە وسىنشا مەرزىمگە تىيىم سالىناتىنى بۇل سالاداعى كەدەرگىلەر مەن اۋىرتپالىقتى ايتارلىقتاي ازايتارى انىق. ق.اقساقالوۆ جولداۋدا نەگىزگى رەسۋرسىمىز بولىپ تابىلاتىن اۋىل شارۋاشىلىعىنىڭ الەۋەتى تولىق پايدالانىلماي وتىرعانى اتاپ كورسەتىلگەنىنە, جەر ماسەلەسى ەرەكشە ءسوز بولعانىنا جينالعانداردىڭ نازارىن اۋداردى. جۇرگىزىلگەن تەكسەرىستەردىڭ ناتيجەسىندە سوڭعى ءتورت جىلدا 668 مىڭ گەكتار جەر مەملەكەت مەنشىگىنە الىندى. اۋىلشارۋاشىلىق القاپتارىن جالعا الۋشىلار اراسىندا جەردى يگەرمەي, بوسقا ۇستاپ وتىرعاندار ءالى دە كەزدەسەدى. الداعى ۋاقىتتا ولارعا قاتاڭ شارالار قولدانامىز, – دەدى ءوڭىر باسشىسى.
«اۋىل – ەل بەسىگى» جوباسى اياسىندا 292 ەلدى مەكەننىڭ ينفراقۇرىلىمدارى دامىتىلادى. از قامتىلعان, تۇرمىسى تومەن جاندارعا جان-جاقتى قامقورلىق كورسەتىلەدى. بۇگىندە جاردەماقى مولشەرى 10 ەسەگە ارتىپ, جىل باسىنان بەرى 21,7 مىڭ وتباسى 1,3 ملرد تەڭگەنىڭ الەۋمەتتىك كومەگىن الدى. 799 ادام مەن 125 وتباسىنا ءبىر رەتتىك الەۋمەتتىك جاردەماقى بەرىلدى. باسقوسۋدا قۇرىلىس يندۋسترياسىن جەتىلدىرۋ, ەڭبەك رەسۋرستارى تاپشىلىعىن ازايتۋ, اۋىز سۋ, جول جايىن جاقسارتۋ, مەديتسينالىق قىزمەتتىڭ ساپاسىن, قولجەتىمدىلىگىن ارتتىرۋ ماسەلەلەرى بويىنشا اۋدان اكىمدەرى مەن ءتيىستى ۆەدومستۆولارعا بىرقاتار تاپسىرمالار جۇكتەدى.
جيىندا «اقسەلەۋ» جشس-ءنىڭ باسشىسى سەرىك مالاەۆ, «MATEX» ش ۇلىق فابريكاسىنىڭ ديرەكتورى ارامايس تەر-استۆاتساتۋريان, ن.پوگودين اتىنداعى ورىس دراما تەاترىنىڭ جەتەكشىسى سپارتاك رامازانوۆ, پەتروپاۆل قالالىق ءماسليحاتىنىڭ دەپۋتاتى پاۆەل افاناسەۆ, تاعى باسقالارى وي-پىكىرلەرىن ورتاعا سالدى.
سولتۇستىك قازاقستان وبلىسى
