جوعارىدا كورسەتىلگەندەردى باسشىلىققا الا وتىرىپ, ۇكىمەتتىڭ 2014 جىلعى 23 قازانداعى №1131 قاۋلىسىن ورىنداۋ ماقساتىندا اقتوبە وبلىسى العا اۋداندىق پروباتسيا قىزمەتىنىڭ ەسەبىندە تۇرعان سوتتالعاندارعا الەۋمەتتىك-قۇقىقتىق كومەك كورسەتىلىپ جاتىر. ناقتى ايتقاندا, سوتتالعاندارمەن اڭگىمەلەسۋ بارىسىندا ولار الەۋمەتتىك-قۇقىقتىق كومەككە مۇقتاج بولعان جاعدايدا پروباتسيا قىزمەتى الەۋمەتتىك-قۇقىقتىق كومەك كورسەتۋدىڭ جەكە باعدارلاماسىن قۇرىپ, ونىڭ كوشىرمەسىن قۇزىرلى مەكەمەلەرگە ورىنداۋ ءۇشىن جولدايدى.
جەكە ازىرلەنگەن باعدارلاماعا سايكەس باس بوستاندىعىن شەكتەۋ جازاسى مەن شارتتى تۇردە سوتتالعان ادامدارعا, سونداي-اق, باس بوستاندىعىنان ايىرۋ ورىندارىنان بوساتىلعان, وعان قاتىستى سوت اكىمشىلىك قاداعالاۋ بەلگىلەگەن ادامدارعا الەۋمەتتىك-قۇقىقتىق كومەك كورسەتۋدى جۇزەگە اسىرۋ كەزىندە پروباتسيا قىزمەتىنە جەرگىلىكتى اتقارۋشى ورگاندار, ۇكىمەتتىك ەمەس ۇيىمدار جانە باسقا دا ۇيىمدار جاردەم كورسەتەدى. قازىرگى تاڭدا مەديتسينالىق كومەك جانە جۇمىسقا ورنالاستىرۋ جانە تاعى باسقا كومەكتەر كورسەتىلىپ جاتىر, ونىڭ ىشىندە 2 سوتتالعان ادام «اقتوبە وبلىسى العا اۋدانىنىڭ جۇمىسپەن قامتۋ ورتالىعى» مەملەكەتتىك مەكەمەسى ارقىلى باعدارلامانىڭ 1-باعىتى بويىنشا ۋاقىتشا ماۋسىمدىق اقىلى قوعامدىق جۇمىسقا ورنالاستىرىلدى. بارلىعى 7 سوتتالعان ادام جۇمىسپەن قامتىلدى.
پروباتسيا قىزمەتتەرىنىڭ نەگىزگى اتقاراتىن جۇمىسى – سوتتالعاندارعا زاڭمەن بىلگىلەنگەن كومەك كورسەتۋ جۇمىسىن ىسكە اسىرۋ. سەبەبى, قىلمىس ىستەپ, ءوزىن قوعام ىشىندە ەشكىمگە كەرەكسىز بولعانىن كورىپ, بولاشاق ومىرىنەن ءۇمىتىن ۇزگەن جاندار از ەمەس. ال وسىنداي ادامدارعا ۇكىمەت تاراپىنان دەر كەزىندە قول ۇشىن بەرىپ, قاجەتتى كومەك كورسەتىلگەن جاعدايدا كوپتەگەن ازاماتتىڭ دۇرىس جولعا تۇسەتىنىنە سەنىم زور.
پروباتسيا قىزمەتىنىڭ ماقساتى – ءاربىر سوتتالۋشىنىڭ مىنەز-قۇلقىنداعى وزگەرىستەر مەن ومىرگە, قورشاعان ورتاعا دەگەن كوزقاراسىنا سايكەس جەكە اڭگىمەلەر وتكىزىپ, مۇمكىندىگىنشە سالاماتتى ازاماتتار قاتارىنا قوسۋ.
رۋسلان تورەباەۆ,
اقتوبە وبلىسى قاجد
العا اۋداندىق پروباتسيا قىزمەتى باستىعىنىڭ م.ا.,
ادىلەت اعا لەيتەنانتى
