ينفراقۇرىلىمنىڭ, ەنەرگەتيكا مەن اۋىل شارۋاشىلىعىنىڭ نەگىزگى سەكتورلارىنداعى رەفورمالاردان باستاپ, ءبىلىم بەرۋ, دەنساۋلىق ساقتاۋ جانە تۇرعىن ءۇيدى جاقسارتۋ, وڭىرلەردى دامىتۋ, شوب-تى قولداۋ, كوپپارتيالى جۇيەنى نىعايتۋعا دەيىنگى بارلىق رەفورمالار قازاقستاننىڭ ۇزاق مەرزىمدى ءوسىپ-وركەندەۋى مەن حالىقتىڭ ءال-اۋقاتىن قامتاماسىز ەتۋدەگى العا جىلجۋىن كورسەتەدى.
پرەزيدەنت ايقىنداعان سىرتقى ساياسي باسىمدىقتار دا ماڭىزدى. بۇل قازاقستانعا الەمدىك ەكونوميكالىق ءىرى مەملەكەتتەردىڭ اراسىندا الاتىن ورنىن قامتاماسىز ەتەدى. ەكونوميكانىڭ ارتاراپتاندىرىلعان سالالارىنداعى وڭتايلى رەتتەۋ قۇرىلىمدارى ارقىلى ەلگە تىكەلەي شەتەلدىك ينۆەستيتسيالاردى تارتۋ ساياساتى, سونداي-اق «استانا» حالىقارالىق قارجى ورتالىعى ۇسىناتىن جان-جاقتى قارجى رەسۋرستارىنىڭ بولۋى شەتەلدىك كومپانيالاردىڭ قازاقستانعا وتە پەرسپەكتيۆالى ينۆەستيتسيالىق ايماق رەتىندە سەنىمىن ارتتىرۋعا ىقپال ەتەدى.
قىسقاشا قورىتىندىلاي كەلە, پرەزيدەنت ق.توقاەۆ جولداۋدا ەنگىزىلگەن ىشكى جانە سىرتقى ساياسي رەفورمالاردىڭ ۇيلەسۋى قازاقستاننىڭ قازىرگى جانە تاياۋ جىلدارداعى ءوسۋى مەن وركەندەۋىنە نەگىز قالايتىنى ءسوزسىز.
دوريت سالليس,
شۆەيتساريا-رەسەي/تمد بىرلەسكەن ساۋدا پالاتاسىنىڭ باسقارۋشى ديرەكتورى
