سپورت • 11 قىركۇيەك، 2019

فۋتزالدان قازاقستان سۋپەركۋبوگى اتىراۋدا وتەدى

61 رەتكورسەتىلدى

فۋتزالدان قازاقستان سۋپەركۋبوگىن «قايرات» پەن «اقتوبە» كوماندالارى ساراپقا سالادى. بۇل تۋرالى Olympic.kz حابارلادى.

كەزدەسۋ 14 قىركۇيەك كۇنى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ «جايىق» سپورت كەشەنىندە  وتەدى. جارىس جەرگىلىكتى ۋاقىتپەن 17:00-دە باستالادى.

ءدال وسى كۇنى قازاقستان كۋبوگىنىڭ 2019-2020 جىلعى جاڭا ماۋسىمنىڭ ىرىكتەۋ كەزەڭىنىڭ جەرەبە تارتۋ ءراسىمى وتەدى. ىرىكتەۋ كەزەڭدەرى 15-18 قىركۇيەك كۇندەرى «اتىراۋ» جانە «جايىق» سپورت كەشەندەرىندە وتەدى. وعان قازاقستاننىڭ كاسىبي فۋتزال كوماندالارىمەن اۋەسقوي سپورت كوماندالارى دا قاتىسادى.

«قايرات» (الماتى)، «اقتوبە» (اقتوبە)، «ايات» (رۋدنىي)، «جەتىسۋ» (تالدىقورعان)، «وقجەتپەس» (كوكشەتاۋ) جانە «كاسپي» (اقتاۋ) كاسىبي فۋتزال كوماندالارى قازاقستان كۋبوگى ءۇشىن الاڭعا شىعادى. ال اۋەسقوي كوماندالار سانى جارىس الدىندا بەرىلگەن ءوتىنىم بويىنشا بەلگىلى بولادى.

سوڭعى جاڭالىقتار

ۇقساس جاڭالىقتار