مەملەكەت باسشىسى تاپسىرماسىن ىسكە اسىرۋ اياسىندا باس پروكۋراتۋرا تاراپىنان اۋىر قىلمىستار ءۇشىن جازانى قاتاڭداتۋ تۋرالى زاڭ جوباسى ازىرلەندى. وندا براكونەرلىك ءۇشىن قىلمىستىق جاۋاپكەرشىلىكتى كۇشەيتۋ ماسەلەسى كوتەرىلگەن.
جاڭا نورمالارعا سايكەس زاڭسىز اڭ اۋلاعانى ءۇشىن 3 جىلعا دەيىن باس بوستاندىعىنان ايىرۋ, بىرنەشە رەت براكونەرلىك جاساعانى ءۇشىن باس بوستاندىعىنان ايىرۋ مەرزىمىن 4 جىلعا دەيىن ۇلعايتۋ, جانۋارلار دۇنيەسىن قورعاۋ جونىندەگى مەملەكەتتىك ينسپەكتورلارعا قاتىستى زورلىق-زومبىلىق قولدانعانى ءۇشىن 10 جىلدان 15 جىلعا دەيىن باس بوستاندىعىنان ايىرۋ شارالارى قاراستىرىلعان.
«براكونەرلىك - قىلمىستىق تەرىس قىلىق ەمەس, ول بويىنشا تاتۋلاسۋ نەمەسە زالالدى قالپىنا كەلتىرۋ مۇمكىن ەمەس, ورتاشا نەمەسە اۋىر قىلمىس», - دەدى مارات احمەتجانوۆ
