الەم • 11 قىركۇيەك، 2019

قىرعىزستاننىڭ بولاشاق ءبىلىم ءمينيسترى: لاتىن الفاۆيتىنە كوشۋ يدەياسىن قولدايمىن

40 رەتكورسەتىلدى

قىرعىزستاننىڭ بولاشاق ءبىلىم ءمينيسترى قانىبەك يساكوۆ قىرعىز ءتىلىن لاتىن الفاۆيتىنە كوشىرۋ يدەياسىن قولدايدى دەپ حابارلايدى قازاقپارات كابار اگەنتتىگىنە سىلتەمە جاساپ.

جوعارعى كەڭەستىڭ وتىرىسىندا دەپۋتات سۋلايمانوۆتىڭ سۇراعىنا ءبىلىم ءمينيسترى لاۋازىمىنا ۇمىتكەر قانىبەك يساكوۆ قىرعىز ءتىلىن لاتىن الفاۆيتىنە كوشىرۋ يدەياسىن قولدايتىنىن ءمالىم ەتتى. ونىڭ ايتۋىنشا، لاتىن الفاۆيتىنە كوشۋ يدەياسى بۇگىندە تۇركىتىلدەس ەلدەر اراسىندا تالقىعا تۇسۋدە.

«بۇل نەگىزىنەن جاھاندانۋ ۇدەرىسىندە تۇركىتىلدەس ەلدەردىڭ باسىن قوسۋ ءۇشىن قاجەت. ەگەر مەملەكەتتىڭ مۇمكىندىگى بولسا، لاتىن الفاۆيتىنە كوشۋ يدەياسىن قولدايمىن»، - دەدى ءبىلىم ءمينيسترى لاۋازىمىنا ۇمىتكەر.

دەپۋتات ق.يساكوۆقا قولداۋ ءبىلدىرىپ، بۇل ماسەلەدە قىرعىزستان وزگە تۇركى تىلدەس ەلدەردەن ارتتا قالعانىن ايتتى.

ء«بىزدىڭ قاسىم تىنىستانوۆ سىندى اتا-بابالارىمىز لاتىنشا جازعان، الايدا ءبىز ونىڭ دا، باسقا دا وتانداستارىمىزدىڭ تاعدىرىنىڭ قالاي اياقتالعانىن بىلەمىز. بارلىعى رەپرەسسياعا ۇشىرادى. دەمەك، ءبىز لاتىن ءالفاۆيتىن جاڭادان ەنگىزبەي، جاي عانا وعان قايتىپ كەلۋىمىز كەرەك»، - دەدى سۋلايمانوۆ.

دەپۋتاتتار جاڭا مينيسترگە وسى ماسەلەگە كوڭىل ءبولىپ، پارلامەنتتىڭ قولداۋىمەن باستامانى جۇزەگە اسىرۋىن تىلەدى.

ق.يساكوۆ بۇل ماسەلەدە ساتىلى تۇردە جۇمىس ىستەيتىنىن ايتتى.

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار