قوعام • 11 قىركۇيەك، 2019

اۋىر قىلمىس ءۇشىن جاۋاپكەرشىلىكتى قاتاڭداتۋ بويىنشا زاڭ جوباسى ازىرلەندى

65 رەتكورسەتىلدى

ورتالىق كوممۋنيكاتسيالار قىزمەتىندە مەملەكەت باسشىسى تاپسىرماسىن ىسكە اسىرۋ اياسىندا باس پروكۋراتۋرا تاراپىنان اۋىر قىلمىستار ءۇشىن جازانى قاتاڭداتۋ تۋرالى زاڭ جوباسىن ازىرلەۋ بويىنشا ءباسپاسوز ماسليحاتى ءوتتى. جاڭا زاڭ جوباسىنا ەنگىزىلەتىن نورمالارى جايىندا تولىعىراق باس پروكۋروردىڭ ورىنباسارى مارات احمەتجانوۆ ايتتى.

قر باس پروكۋراتۋراسىنىڭ اقپاراتى بويىنشا جاڭا زاڭ جوباسىنىڭ نورمالارىنا سايكەس قولدانىستاعى زاڭناماعا بىرقاتار وزگەرىستەر ەنگىزىلەدى. 

مال ۇرلىعى ءۇشىن جازا 10 جىلعا دەيىن ارتاتىن بولادى، ۇرلىق، توناۋ جانە قاراقشىلىق جاساعانى ءۇشىن باس بوستاندىعىنان ايىرۋ 10 جىلعا دەيىن ارتادى، ينتەرنەت ارقىلى ەسىرتكى تاراتقانى ءۇشىن قىلمىستىق جازا قاراستىرىلادى.

زورلاۋ جانە جىنىستىق سيپاتتاعى كۇش قولدانۋ ارەكەتتەرى اۋىر قىلمىستار ساناتىنا اۋىستىرىلادى جانە وسى قىلمىستار ۇشىن باس بوستاندىعىنان ايىرۋ 8 جىلعا دەيىن ارتادى. ال ەكى جانە ودان دا كوپ كامەلەتكە تولماعان ادامدى زورلاۋ قىلمىسى ءۇشىن 20 جىلعا دەيىن باس بوستاندىعىنان ايىرىلادى، كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستارى ءۇشىن جازاسىن وتەگەن ادامدارعا اكىمشىلىك قاداعالاۋ مەرزىمى 5 جىلعا دەيىن ارتادى.

سوڭعى جاڭالىقتار

ۇقساس جاڭالىقتار