ايماقتار • 11 قىركۇيەك، 2019

تۇركىستاندا ورتتەن 11 ادام زارداپ شەكتى

116 رەت كورسەتىلدى

بۇل تۋرالى تۇركىستان وبلىسى اكىمدىگىنىڭ ءباسپاسوز قىزمەتى حابارلادى. 

تۇركىستان قالاسىندا ورنالاسقان Royal Grand قوناقۇيىندە ورىن العان ءورت سالدارىنان بارلىعى 11 ادام زارداپ شەككەن.

«6 ءورت ءسوندىرۋ قىزمەتكەرى مەديتسينالىق كومەككە جۇگىنگەن. 3 پوليتسيا قىزمەتكەرى جانە 2 قالا تۇرعىنىنا مەديتسينالىق جاردەم كورسەتىلگەن. ورتالىق قالالىق اۋرۋحاناعا 5 زارداپ شەگۋشى جەتكىزىلدى. ولاردىڭ تورتەۋى جاتقىزىلىپ، ءبىر ازامات قايتارىلدى. جاراقات بەكەتىنە 3 ادام تاسىمالداندى. وقيعا ورنىندا پوليتسەيلەر مەن تجق قىزمەتكەرلەرى جۇمىس جاساۋدا. قازىرگى تاڭدا تۇركىستان وبلىسىنىڭ پوليتسەيلەرى بولعان وقيعانىڭ تولىق ءمان-جايىن انىقتاۋدا. ساراپتامالار تاعايىندالدى»، دەلىنگەن حابارلامادا. 

«ەڭ باستىسى، ادام شىعىنى جوق. ءتىلسىز جاۋدىڭ ورىن الۋىنا گاز تسيستەرناسىنىڭ جارىلۋى سەبەپ بولعان»، دەيدى وبلىستىق توتەنشە جاعدايلار جونىندەگى دەپارتامەنت باسشىسى نۇرعالي ءجۇنىسوۆ.

الدىن الا بەرىلگەن مالىمەتتەرگە سۇيەنسەك، ءورت 3 توننالىق گاز تسيستەرناسىن تولتىرۋ كەزىندە شىققان. ءورتتىڭ كولەمى 1400 شارشى مەتر. ءورت تۋرالى مالىمەت 18:05- دا تۇسكەن. قوناقۇي ىشىندە مەيمانحانا، اسحانا ورنالاسقان.

 

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار