قازاقستان • 11 قىركۇيەك، 2019

Astana Media Week باستالدى

75 رەتكورسەتىلدى

نۇر-سۇلتان قالاسىندا Astana Media Week ءوز جۇمىسىن باستادى.

«Astana Media Week» مەديا-اپتالىعى 3 كۇنگە سوزىلادى. ءار كۇنى مەديا سالاسىنداعى سەرىكتەستىك قاتىناستار مەن حالىقارالىق ىنتىماقتاستىقتىڭ دامۋىنا ەلەۋلى ۇلەس قوساتىن ءتۇرلى باعىتتاعى شارالار جوسپارلانعان. فورۋمنىڭ العاشقى كۇنى سەريالدىق ونىمدەردى ازىرلەۋ، سالىق پرەفەرەنتسيالارى، كينو پروكاتىنىڭ شارتتارى، مازمۇنى، فيلم ءونىمىنىڭ شىعارماشىلىق دەڭگەيى جانە ونىڭ دەمەۋشىلەر ءۇشىن تارتىمدىلىعى تاقىرىبىندا وتەدى.

جيىنعا Star Media كينوكومپانياسىنىڭ ۆيتسە-پرەزيدەنتى نيكيتا ترينكين، بەلگىلى قىتايلىق پروديۋسەر ۋ تسزيان، پولياك رەجيسسەرى جانە پروديۋسەر داريۋش يابلونسكي جانە ءۇندىستاننان كەلگەن NFDC حالىقارالىق تاراتۋ جانە ماركەتينگ ءبولىمىنىڭ باستىعى ديپلي چاۋلا قاتىسادى دەپ كۇتىلۋدە.

فورۋم بارىسىندا «قازمەديا ورتالىعى» كوۆوركينگى اۋماعىندا «TRENDZONE: قازىر ءدال ۋاقىتى» اتتى جۋرناليستەردىڭ، PR-كەڭەسشىلەردىڭ، ديپلوماتتاردىڭ، عالىمداردىڭ، باسپاگەرلەردىڭ، وقىتۋشىلاردىڭ جانە جاساۋشىلاردىڭ قاتىسۋىمەن اشىق بىرلەسكەن سەمينارلار مەن مەديا-دارىستەر وتەدى. ولار ەلدەگى جاڭا مەديانىڭ دامۋى تۋرالى ءوز تاجىريبەلەرى نەگىزىندە اڭگىمەلەيتىن بولادى.

سونداي-اق ءوندىرىس كومپانيالارى ءۇشىن پروديۋسەرلەردەن جانە باعدارلاما ديرەكتورلارىنان بىرقاتار سەمينارلار مەن ماستەر-كلاسستار وتەدى. بۇدان سوڭ «قازاقستان» رترك» اق جاڭا تەلەۆيزيالىق ماۋسىمىنىڭ تۇساۋكەسەرى وتەدى دەپ جوسپارلانعان.

ايتا كەتەيىك، Astana Media Week-ءتىڭ باستى ماقساتى - وتاندىق مەديا سەكتوردى دامىتۋ جانە سالاداعى ىسكەرلىك قاتىناستاردى ايماقتىق دەڭگەيدە ىلگەرىلەتۋ. 2018 جىلى اتالعان شاراعا 60 وتاندىق جانە شەتەلدىك توپ-مەنەدجەرلەر جانە 50-دەن استام وندىرىستىك كومپانيالار ۇسىنىلعان بولاتىن.

 

.

سوڭعى جاڭالىقتار

ۇقساس جاڭالىقتار