ايماقتار • 11 قىركۇيەك، 2019

جەزقازعاندا «اقساق قۇلان» كۇيشىلەر كونكۋرسى ءوتتى

83 رەتكورسەتىلدى

جەزقازعاندا قالا ىرگەسىنىڭ قالانعانىنا 65 جىل تولۋ مەرەيتويىنا وراي كەتبۇقا بي اتىنداعى «اقساق قۇلان» كۇيشىلەر كونكۋرسى ءوتتى. حالىقارالىق دەڭگەيدەگى ونەر دوداسىندا قىتاي، موڭعوليا ەلدەرىنەن جانە نۇر-سۇلتان، الماتى، قىزىلوردا، جەزقازعان قالالارىنان بارلىعى 17 كۇيشى باق سىنادى.

بايقاۋ قورىتىندىسىندا سەمەيدەن كەلگەن دارىن قۇدايبەرگەنوۆ باس جۇلدەگە لايىقتى دەپ تانىلىپ، وعان 1 ميلليون تەڭگەنىڭ سەرتيفيكاتى تابىس ەتىلدى. دارىن يەسى قازاق ۇلتتىق ۋنيۆەرسيتەتىنىڭ ءتورتىنشى كۋرسىندا وقيدى.

قازىلار القاسىنىڭ شەشىمىمەن، ءبىرىنشى ورىنعا الماتىلىق ازامات شىناروۆ يە بولسا، ەكىنشى جۇلدە قىتايدان كەلگەن قانداسىمىز باعدار جارقىن مەن استانالىق ءاليا قارامۇحانوۆاعا تەڭدەي ءبولىنىپ بەرىلدى. ال ءۇشىنشى جۇلدە الماتىلىق بوتاكوز دۇنگەنباەۆا مەن باقبەردى قادۋبەككە، جەزقازعاندىق باقىتجان ەسماعانبەتوۆ پەن قىزىلوردالىق ابىلايحان سقاقوۆقا بۇيىردى.

كۇيشىلەر كونكۋرسىنىڭ سوڭىنا تامان بايقاۋ جەڭىمپازدارى مەن جۇلدەگەرلەرى قاتىسقان ءباسپاسوز ءماسليحاتى ۇيىمداستىرىلىپ، ودان كەيىن گالا-كونتسەرت بەرىلدى. اتالعان شارادا اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ سوليستەرى ونەر كورسەتىپ، كورەرمەن قاۋىمنىڭ ىقىلاسىنا بولەندى.

 

قاراعاندى وبلىسى

 

سوڭعى جاڭالىقتار

ۇقساس جاڭالىقتار